ଶ୍ରୀନଗରରେ ଆଜିଠୁ ତିନି ଦିନିଆ ଜି-୨୦ ସମ୍ମିଳନୀ , କଡାକଡି ହେଲା ସୁରକ୍ଷା ବ୍ୟବସ୍ଥା

Updated: Monday, May 22, 2023, 11:23 [IST]

Kashmir G20 Meeting: ଶ୍ରୀନଗରରେ ଆଜିଠୁ ଜି -20 ଦେଶର ତୃତୀୟ ପର୍ଯ୍ୟଟନ କାର୍ଯ୍ୟ ଗୋଷ୍ଠୀର ବୈଠକ ଆରମ୍ଭ ହେବାକୁ ଯାଉଛି। ଆନ୍ତର୍ଜାତୀୟ କାର୍ଯ୍ୟକ୍ରମକୁ ସଫଳତାର ସହ ଆୟୋଜନ କରିବା ପାଇଁ କଡା ସୁରକ୍ଷା ବ୍ୟବସ୍ଥା କରାଯାଇଛି।

ଆଜି ଡାଲ ଲେକ୍ କୂଳରେ ଥିବା ଶେରି କାଶ୍ମୀର ଆନ୍ତର୍ଜାତୀୟ ସମ୍ମିଳନୀ କେନ୍ଦ୍ର (SKICC) ରେ ଏହି ବୈଠକ ଅନୁଷ୍ଠିତ ହେବ। ଏହି କାର୍ଯ୍ୟକ୍ରମରେ ଜି -20 ଦେଶରୁ 60 ଜଣଙ୍କ ସମେତ 180 ରୁ ଅଧିକ ପ୍ରତିନିଧୀ ଏହି ବୈଠକରେ ଯୋଗ ଦେବେ ।

ଶ୍ରୀନଗରରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ କେନ୍ଦ୍ର ପର୍ଯ୍ୟଟନ ସଚିବ ଅରବିନ୍ଦ ସିଂ କହିଛନ୍ତି ଯେ, ଶ୍ରୀନଗରରେ ଜି -20 ବୈଠକ ପର୍ଯ୍ୟଟନର ସମ୍ଭାବନା ତଥା ସାଂସ୍କୃତିକ ସମୃଦ୍ଧତାକୁ ଆଲୋକିତ କରିବା ପାଇଁ ଏକ ବିଶେଷ ସୁଯୋଗ ପ୍ରଦାନ କରିବ । ପର୍ଯ୍ୟଟନ ୱାର୍କିଂ ଗ୍ରୁର ଏହି ବୈଠକ ଆଜିଠାରୁ ମେ 24 ପର୍ଯ୍ୟନ୍ତ ଚାଲିବ । ସେହିପରି ଜୁନ୍ ମାସରେ ଗୋଆରେ ଜି -20 ବୈଠକ ଅନୁଷ୍ଠିତ ହେବ।

#WATCH | J&K | Graffiti depicting the scenic beauty and colours of Srinagar cover the walls of the city. The 3rd G20 Tourism Working Group meeting is being held here on May 22-24. pic.twitter.com/NLIz1Xw0bS
— ANI (@ANI) May 22, 2023

ଜାମ୍ମୁ କାଶ୍ମୀର ପୋଲିସ ବ୍ୟତୀତ ସେନା କର୍ମଚାରୀମାନେ ମଧ୍ୟ ଏହି ସମ୍ମିଳନୀର ସୁରକ୍ଷା କାର୍ଯ୍ୟରେ ନିୟୋଜିତ ଅଛନ୍ତି । ଧାରା 370 ରଦ୍ଦ ହେବା ପରେ କାଶ୍ମୀରରେ ପ୍ରଥମ ଥର ଅନ୍ତର୍ଜାତୀୟ ବୈଠକ ଅନୁଷ୍ଠିତ ହେଉଛି ।