• search
For Quick Alerts
Turn On Notification  
For Daily Alerts

କରୋନା ପରେ ଫଙ୍ଗାଲ୍ ଏବଂ ଜୀବାଣୁ ସଂକ୍ରମଣ ହେତୁ ହେଉଛି ଅଧିକ ମୃତ୍ୟୁ : ଏମ୍ସ ନିର୍ଦ୍ଦେଶକ

|

ନୂଆଦିଲ୍ଲୀ : କରୋନା ସହିତ ଦେଶରେ ବର୍ତ୍ତମାନ ବ୍ଲାକ୍ ଫଙ୍ଗସ୍ ମାମଲା ବୃଦ୍ଧି ପାଇଛି । ଏହାକୁ ନେଇ ସତର୍କ ରହିବାକୁ ହେବ । କରୋନା ବୃଦ୍ଧି ପାଉଥିବା ମାମଲାକୁ ଦୃଷ୍ଟିରେ ରଖି ଡାକ୍ତରଖାନାରେ ସଂକ୍ରମଣକୁ ରୋକିବା ପାଇଁ ପ୍ରୋଟୋକଲ ଅନୁସରଣ କରିବା ଆବଶ୍ୟକ ବୋଲି କହିଛନ୍ତି AIIMS ନିର୍ଦ୍ଦେଶକ ଡ଼ ରଣଦୀପ ଗୁଲେରିଆ । ଦ୍ୱିତୀୟ ସଂକ୍ରମଣ, ଫଙ୍ଗାଲ ଏବଂ ଜୀବାଣୁ ସଂକ୍ରମଣରେ ଅଧିକ ମୃତ୍ୟୁ ହେଉଥିବା ନେଇ ମଧ୍ୟ ସେ କହିଛନ୍ତି ।

AIIMS-Director

AIIMS ନିର୍ଦ୍ଦେଶକ କହିଛନ୍ତି ଯେ ମାଟି, ବାୟୁ ଏବଂ ଏପରିକି ଖାଦ୍ୟରେ ବ୍ଲାକ୍ ଫଙ୍ଗସ୍ ଅର୍ଥାତ୍ ମ୍ୟୁକୋର୍ମିକୋସିସ୍ ମିଳିଥାଏ । କିନ୍ତୁ ଏଗୁଡ଼ିକ ସାଧାରଣତଃ ସଂକ୍ରମଣ ସୃଷ୍ଟି କରେ ନାହିଁ । କରୋନା ପୂର୍ବରୁ ଏହି ସଂକ୍ରମଣର ବହୁତ କମ୍ ମାମଲା ଥିଲା । ବର୍ତ୍ତମାନ କରୋନା କାରଣରୁ ଏହାର ବହୁ ସଂଖ୍ୟକ ମାମଲା ଆସୁଛି । ସେ ସୂଚନା ଦେଇଛନ୍ତି ଯେ ଏହି ଫଙ୍ଗାଲ ସଂକ୍ରମଣରେ ଆକ୍ରାନ୍ତ 23 ରୋଗୀଙ୍କୁ AIIMS ରେ ଚିକିତ୍ସା କରାଯାଉଛି । ସେଥିମଧ୍ୟରୁ 20 ଜଣ ରୋଗୀ କରୋନା ପଜିଟିଭ୍ ଏବଂ ଅବଶିଷ୍ଟ ତିନିଜଣଙ୍କର କରୋନା ନାହିଁ । ଏଥି ସହିତ ବିଭିନ୍ନ ରାଜ୍ୟରେ 500 ରୁ ଅଧିକ ବ୍ଲାକ୍ ଫଙ୍ଗସର ମାମଲା ଦେଖିବାକୁ ମିଳିଛି ।

ଡକ୍ଟର ଗୁଲେରିଆ କହିଛନ୍ତି ଯେ, ଏହି ରୋଗ (ମ୍ୟୁକୋର୍ମିକୋସିସ୍) ମୁହଁ, ଆଖି, ନାକ ତଥା ମସ୍ତିଷ୍କ ଉପରେ ପ୍ରଭାବ ପକାଇଥାଏ, ଯାହା ଫଳରେ ଆଖି ଦୁର୍ବଳ ହୋଇପାରେ କିମ୍ବା ଦୃଷ୍ଟିଶକ୍ତି ହରାଇ ପାରନ୍ତି । ଏହା ବ୍ୟତୀତ ଫୁସଫୁସରେ ମଧ୍ୟ ଏହା ବ୍ୟାପିଥାଏ । ସେ କହିଛନ୍ତି ମ୍ୟୁକୋର୍ମିକୋସିସ୍ ହେବା ପଛରେ ଷ୍ଟେରଏଡ ବ୍ୱବହାର ଏକ ପ୍ରମୁଖ କାରଣ ହୋଇପାରେ। ଯଦି ଷ୍ଟେରଏଡର ବ୍ୟବହାର କରୁଥିବା ବ୍ୟକ୍ତି ମଧୁମେହ ରୋଗରେ ଆକ୍ରାନ୍ତ ହୁଅନ୍ତି କିମ୍ବା କରୋନା ସଂକ୍ରମଣ ହୁଅନ୍ତି ତେବେ ଫଙ୍ଗାଲ ସଂକ୍ରମଣ ହେବାର ଆଶଙ୍କା ବଢିଯାଏ ।

ଆମକୁ ଫୋଲୋ କରନ୍ତୁ
Instagram Youtube
English summary
Fungal And bacterial Are Causing More Mortality Says AIIMS Director
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X