ଡିଜେଲ ବୋଝେଇ ଟ୍ରେନରେ ଭୟଙ୍କର ନିଆଁ,ବାତିଲ ହେଲା ଅନେକ ଟ୍ରେନ

ଡିଜେଲ ବୋଝେଇ ହୋଇ ଥିବା ଟ୍ରେନରେ ଭୟଙ୍କର ଅଗ୍ନିକାଣ୍ଡ। ଚାରିଆଡ଼େ ଧୂଆଁମୟ। ନିଆଁର ପ୍ରଭାବ ଏତେ ବେଶୀ ଅଛି ଯେ, ପାଖ ଆଖରେ ନିଆଁ ଛଡ଼ା ଆଉ କିଛି ଦେଖାଯାଉନି। ତେବେ ତାମିଲନାଡୁର ତିରୁଭଲ୍ଲୁର ନିକଟରେ ଡିଜେଲ ବୋଝେଇ ଏକ ମାଲବାହୀ ଟ୍ରେନରେ ନିଆଁ ଲାଗିଯାଇଥିବା ସୂଚନା ମିଳିଛି। ତଥାପି ଦୁର୍ଘଟଣା ପରେ ଟ୍ରେନକୁ ବନ୍ଦ କରିଦିଆଯାଇଛି।

ନିଆଁ ଏତେ ଭୟଙ୍କର ଯେ ଆକାଶରେ କେବଳ ଧୂଆଁ ଦେଖାଯାଉଛି। ଏହି ଦୁର୍ଘଟଣାରେ ଅନେକ ଡିଜେଲ ଟ୍ୟାଙ୍କରେ ନିଆଁ ଲାଗିଯାଇଛି। ଏହି ଘଟଣାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି। ସୂଚନା ଅନୁସାରେ ଆଜି ସକାଳ ସମୟରେ ତିରୁବଲ୍ଲୁର ନିକଟରେ ଏକ ମାଲବାହୀ ଟ୍ରେନର ୪ଟି କୋଚରେ ନିଆଁ ଲାଗିଗଲା । ରେଳବାଇର ସୂଚନା ଅନୁଯାୟୀ, ଏହି ମାଲବାହୀ ଟ୍ରେନଟି ଡିଜେଲରେ ଲୋଡ୍ ହୋଇ ମନାଲିରୁ ତିରୁପତିକୁ ଯାଉଥିଲା ।

ଆଜି ସକାଳେ ମାଲବାହୀ ଟ୍ରେନର ୪ଟି କୋଚରେ ନିଆଁ ଲାଗିଯାଇଥିଲା, ବାକି କୋଚଗୁଡ଼ିକୁ ସେମାନଙ୍କଠାରୁ ଅଲଗା କରିଦିଆଯାଇଛି । ଏହି ଘଟଣା ଯୋଗୁଁ ଚେନ୍ନାଇରୁ ଛାଡି ଚେନ୍ନାଇ ଅଭିମୁଖେ ଯାଉଥିବା ଟ୍ରେନଗୁଡ଼ିକର ଯାତାୟାତ ପ୍ରଭାବିତ ହୋଇଛି । ବର୍ତ୍ତମାନ ରେଳ ଲାଇନ ସଫା କରିବା ପାଇଁ କାମ ଚାଲିଛି । ଦୁର୍ଘଟଣା ପରେ, ଦକ୍ଷିଣ ରେଳବାଇ ଏକ ସତର୍କତା ଜାରି କରିଛି । ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ପୋଷ୍ଟରେ, ଦକ୍ଷିଣ ରେଳବାଇ କହିଛି, "ଟ୍ରେନ୍ ସେବା ସତର୍କତା! ତିରୁବଲ୍ଲୁର ନିକଟରେ ଅଗ୍ନିକାଣ୍ଡ ଘଟଣା ଯୋଗୁଁ, ସୁରକ୍ଷା ବ୍ୟବସ୍ଥା ସ୍ୱରୂପ ଓଭରହେଡ୍ ବିଦ୍ୟୁତ୍ ଯୋଗାଣ ବନ୍ଦ କରାଯାଇଛି ।