ଅନ୍ତର୍ଜାତୀୟ ଯୋଗ ଦିବସ: ଐତିହସ୍ଥଳୀକୁ ମାଗଣା ପ୍ରବେଶ ଅନୁମତି

ଆସନ୍ତାକାଲି ଅନ୍ତର୍ଜାତୀୟ ଯୋଗ ଦିବସ । ବିଭିନ୍ନ ସ୍ଥାନରେ ଯୋଗକୁ ନେଇ ଆୟୋଜିତ ହେବ ଅନେକ ସଚେତନତା କାର୍ଯ୍ୟକ୍ରମ। ଏହି ଅବସରରେ ତାଜମହଲ ସମେତ ସମସ୍ତ ପର୍ଯ୍ୟଟନ ସ୍ଥାନକୁ ମାଗଣା ପ୍ରବେଶ କରିବା ପାଇଁ ଭାରତୀୟ ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥା ଅନୁମତି ପ୍ରଦାନ କର

Updated: Monday, June 20, 2022, 18:47 [IST]

ଆଗ୍ରା: ଆସନ୍ତାକାଲି ଅନ୍ତର୍ଜାତୀୟ ଯୋଗ ଦିବସ । ବିଭିନ୍ନ ସ୍ଥାନରେ ଯୋଗକୁ ନେଇ ଆୟୋଜିତ ହେବ ଅନେକ ସଚେତନତା କାର୍ଯ୍ୟକ୍ରମ। ଏହି ଅବସରରେ ତାଜମହଲ ସମେତ ସମସ୍ତ ପର୍ଯ୍ୟଟନ ସ୍ଥାନକୁ ମାଗଣା ପ୍ରବେଶ କରିବା ପାଇଁ ଭାରତୀୟ ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥା ଅନୁମତି ପ୍ରଦାନ କରିଛି । ଆଗ୍ରା ସର୍କିଲ ଅଧୀକ୍ଷକ ପ୍ରତ୍ନତତ୍ତ୍ବବିତ ରାଜକୁମାର ପଟେଲ ସୂଚନା ଦେଇଛନ୍ତି ।

ଏହା ସହ କେନ୍ଦ୍ର ମନ୍ତ୍ରୀ ମୁଖତାର ଅବବାସ ନକ୍କବି ଫତେହପୁର ସିକ୍ରିର ପଞ୍ଚମହଲରେ ଯୋଗ କରିବେ । ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥା 5 ହଜାର ଲୋକଙ୍କ ଯୋଗ ପାଇଁ ପ୍ରସ୍ତୁତି ଆରମ୍ଭ କରିଛି । ସକାଳ 7ଟାରୁ ଏଠାରେ ଯୋଗ ଆରମ୍ଭ ହେବ । ଏଥିରେ ରାଜ୍ୟସଭା ସାଂସଦ ହାର୍ଦ୍ଦିକ ଦୁବେ, ଫତେହପୁର ସିକ୍ରି ଲୋକସଭା ସାଂସଦ ରାଜକୁମାର ଚାହର, ଫତେହପୁର ସିକ୍ରି ବିଧାୟକ ବାବୁଲାଲ, ଆଗ୍ରା ଉତ୍ତର ବିଧାୟକ ପୁରୁଷୋତ୍ତମ ଖଣ୍ଡେଲୱାଲ ଏବଂ ସ୍କୁଲ ପିଲାମାନଙ୍କ ସମେତ ପ୍ରାୟ 5ହଜାର ଲୋକ ଉପସ୍ଥିତ ରହିବେ । ତାଜମହଲ ସମେତ ଫତେହପୁର ସିକ୍ରି ଭିତରକୁ ମାଗଣାରେ ପ୍ରବେଶ କରିପାରିବେ ପର୍ଯ୍ୟଟକ।

ତେବେ ଯୋଗ ଦିବସ ଛଡା, ନଭେମ୍ବର 19 ରେ ବିଶ୍ବ ଐତିହ ସପ୍ତାହର ପ୍ରଥମ ଦିନରେ ଏବଂ ମାର୍ଚ୍ଚ 8 ରେ ମହିଳା ଦିବସ ପର୍ଯ୍ୟଟକଙ୍କ ପ୍ରବେଶରେ କୌଣସି ଶୁଳ୍କ ଲାଗୁ ହୋଇନଥାଏ । ଚଳିତ ବର୍ଷ ଯୋଗ ଦିବସରେ ପ୍ରଥମ ଥର ପାଇଁ ମନ୍ତ୍ରଣାଳୟ ତାଜମହଲ ସମେତ ଅନ୍ୟ ସଂରକ୍ଷିତ ପର୍ଯ୍ୟଟନ ସ୍ଥାନରେ ପର୍ଯ୍ୟଟକଙ୍କୁ ମାଗଣା ପ୍ରବେଶ ଅନୁମତି ଦେଇଛି।