ମେଳା ଦେଖି ଯିବା ହେଲା କାଳ, ରେଳଲାଇନ ପାର ହେବା ବେଳେ ଚାଲିଗଲା ୪ ଜୀବନ

ବିହାରର ବେଗୁସରାଇରେ ଏକ ବଡ଼ ଦୁର୍ଘଟଣା ଘଟିଛି। ଟ୍ରେନ୍ (Train) ଧକ୍କାରେ ଚାରି ଜଣଙ୍କର ମୃତ୍ୟୁ ହୋଇଛି। ଏଥିରେ ଜଣେ ମହିଳା, ଜଣେ ପୁରୁଷ ଏବଂ ଦୁଇ ଝିଅ ଅଛନ୍ତି। ଗୋଟିଏ ପରିବାରର ସଦସ୍ୟ କାଳୀ ପୂଜା ମେଳାରୁ ଫେରୁଥିବା ସମୟରେ ଏହି ଦୁର୍ଘଟଣା ଘଟିଥିଲା। ବରୌନି-କଟିହାର ରେଳ ଲାଇନର ସାହେବପୁର କମଳ ଥାନା ଅଞ୍ଚଳର ଉମେସନଗର ଷ୍ଟେସନରେ ଏକ କ୍ରସିଂ ନିକଟରେ ଏହି ଘଟଣା ଘଟିଛି।

ମୃତକଙ୍କ ମଧ୍ୟରେ ସାହେବପୁର କମଳ ଥାନା ଅଞ୍ଚଳର ରାହୁଆ ଗ୍ରାମର ଧର୍ମଦେବ ମହାତୋ, ମଦନ ମହାତୋଙ୍କ ସ୍ତ୍ରୀ, ମଦନ ମହାତୋଙ୍କ ୧୩ ବର୍ଷୀୟ ଝିଅ ରୋଶନୀ କୁମାରୀ ଏବଂ ଧର୍ମଦେବ ମହାତୋଙ୍କ ଚାରି ବର୍ଷୀୟ ଭାଣିଜୀ ରହିଛନ୍ତି | ସୂଚନା ଅନୁଯାୟୀ, ସମସ୍ତେ ଗୋଟିଏ ପରିବାରର ଥିଲେ, କାଳୀ ପୂଜା ମେଳାରେ ଯୋଗ ଦେଇ ଘରକୁ ଫେରିବା ସମୟରେ ଟ୍ରେନ୍ ଧକ୍କା ଦେଇଥିଲା।