ଆରପାରିରେ ପୂର୍ବତନ କେନ୍ଦ୍ରମନ୍ତ୍ରୀ ଶରଦ ଯାଦବ

Updated: Friday, January 13, 2023, 21:35 [IST]

ନୂଆଦିଲ୍ଲୀ: ଆରପାରିରେ ପୂର୍ବତନ କେନ୍ଦ୍ରମନ୍ତ୍ରୀ ଶରଦ ଯାଦବ । ଗୁରୁବାର ବିଳମ୍ବିତ ରାତିରେ ତାଙ୍କର ପରଲୋକ ହୋଇଛି । ମୃତ୍ୟୁ ବେଳକୁ ତାଙ୍କୁ ୭୫ ବର୍ଷ ହୋଇଥିବା ନେଇ ସୂଚନା ରହିଛି । ଅସୁସ୍ଥତା କାରଣରୁ ଗତ କିଛି ଦିନ ହେବ ସେ ଗୁରୁଗ୍ରାମର ଫୋର୍ଟିସ୍ ହସ୍ପିଟାଲରେ ଭର୍ତ୍ତି ଥିଲେ । ଶରଦଙ୍କ ମୃତ୍ୟୁ ଖବର ତାଙ୍କ ଝିଅ ସୁଭାଷିନୀ ଯାଦବ ଟ୍ୱିଟ୍ କରି ସୂଚନା ଦେଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି ।

Pained by the passing away of Shri Sharad Yadav Ji. In his long years in public life, he distinguished himself as MP and Minister. He was greatly inspired by Dr. Lohia’s ideals. I will always cherish our interactions. Condolences to his family and admirers. Om Shanti.
— Narendra Modi (@narendramodi) January 12, 2023

ଶରଦ ଯାଦବ ଦେଶର ଜଣେ ଜଣା ଶୁଣା ରାଜନେତା । ସେ ୭ ଥର ଲୋକସଭାରୁ ଏବଂ ୩ ଥର ରାଜ୍ୟସଭାରୁ ନିର୍ବାଚିତ ହୋଇଥିଲେ । ଜୟପ୍ରକାଶ ନାରାୟଣଙ୍କ ସମୟରୁ ସେ ରାଜନୀତିରେ ପାଦ ଦେଇଥିଲେ । ଆରଜେଡି ନେତା ଲାଲୁ ପ୍ରସାଦ ଯାଦବଙ୍କ ସହ ମଧ୍ୟ ସେ କାମ କରିଥିଲେ । ସେ ୧୯୭୪ ମସିହାରେ ରାଜନୀତିରେ ପ୍ରବେଶ କରିଥିଲେ । ସେ ୧୯୭୪ ରୁ ୧୯୮୦ ପର୍ଯ୍ୟନ୍ତ ପ୍ରଥମେ ଲୋକସଭା ସଦସ୍ୟ ରହିଥିଲେ । ସେହିପରି ୧୯୮୯ ରୁ ୧୯୯୮, ୧୯୯୯ ରୁ ୨୦୦୪ରୁ ୨୦୦୯ ରୁ ୨୦୧୪ ପର୍ଯ୍ୟନ୍ତ ସେ ଲୋକସଭା ସଦସ୍ୟ ଭାବେ କାର୍ଯ୍ୟ କରିଥିଲେ । ୨୦୨୩ରେ ସେ ଜେଡିୟୁର ସଭାପତି ହୋଇଥିଲେ ।