୨୫୦ କୋଟି ଦୁର୍ନୀତି ମାମଲା: ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଗିରଫ

Updated: Saturday, September 9, 2023, 9:48 [IST]

Chandrababu Naidu Arrested: ୨୫୦ କୋଟି ଦୁର୍ନୀତି ମାମଲା । ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ତେଲୁଗୁ ଦେଶମ୍ ପାର୍ଟି ସଭାପତି ଏନ.ଚନ୍ଦ୍ରବାବୁ ନାଇଡୁ ଗିରଫ । ଆନ୍ଧ୍ରପ୍ରଦେଶ ଦକ୍ଷତା ବିକାଶ ନିଗମରେ ଦୁର୍ନୀତି ଅଭିଯୋଗରେ ଆଜି ଭୋରୁ ତାଙ୍କୁ ଗିରଫ କରାଯାଇଥିବା ନେଇ ସୂଚନା ରହିଛି । ଗିରଫା କରାଯିବା ପରେ ପ୍ରଥମେ ତାଙ୍କୁ ଏୟାରସିଫ୍ଟ କରି ନନ୍ଧାଲ ଡାକ୍ତରଖାନା ନିଆଯାଇଥିଲା । ଏହା ପରେ ତାଙ୍କୁ କୋର୍ଟରେ ହାଜର କରାଯିବ ।

ସୂଚନା ଅନୁସାରେ, ରାତି ପାଖାପାଖି ୩ଟା ବେଳେ ତାଙ୍କୁ ଗିରଫ କରିବା ପାଇଁ ସିଆଇଡି ଟିମ୍ ପହଞ୍ଚିଥିଲା । ନାନ୍ଦିଆଲରେ ରାଲି କରିବା ପରେ ରାତିରେ ସେଠାରେ ରହିଥିଲେ ଚନ୍ଦ୍ରବାବୁ ନାଇଡୁ । ତାଙ୍କୁ ଗିରଫ କରିବା ବେଳେ ତାଙ୍କ ସମର୍ଥକ ବିରୋଧ କରିଥିଲେ । ଘଟଣାସ୍ଥଳରେ ପ୍ରବଳ ହଙ୍ଗାମା ହୋଇଥିଲା । ଫଳରେ ସକାଳ ପ୍ରାୟ ୬ ବେଳେ ତାଙ୍କୁ ଗିରଫ କରାଯାଇଥିଲା ।

ସ୍କିଲ ଡେଭଲପମେଣ୍ଚ ଦୁର୍ନୀତିକୁ ମାମଲାକୁ ନେଇ ୨0୨୧ରେ ମାମଲା ରୁଜୁ କରାଯାଇଥିଲା । ଏହି ମାମଲାରେ ଚନ୍ଦ୍ରବାବୁ ନାଇଡୁଙ୍କୁ ମୁଖ୍ୟ ଅଭିଯୁକ୍ତ ଦର୍ଶାଯାଇଛି । ସେହିପରି ଏହି ମାମଲାରେ ବର୍ତ୍ତମାନ ଅନ୍ୟ ୮ ଜଣଙ୍କୁ ମଧ୍ୟ ଗିରଫ କରାଯାଇଛି । ଆଜି ଚନ୍ଦ୍ରବାବୁ ନାଇଡୁଙ୍କୁ କୋର୍ଟରେ ହାଜର କରାଯିବା ନେଇ ସୂଚନା ରହିଛି ।