ପ୍ରଥମ ଥର ପାଇଁ କର୍ତ୍ତବ୍ୟ ପଥରେ ଜାତୀୟ ପତାକା ଉତ୍ତୋଳନ କଲେ ରାଷ୍ଚ୍ରପତି ଦ୍ରୌପଦୀ ମୁର୍ମୁ

ପ୍ରଥମ ଥର ପାଇଁ କର୍ତ୍ତବ୍ୟ ପଥରେ ଜାତୀୟ ପତାକା ଉତ୍ତୋଳନ କଲେ ରାଷ୍ଚ୍ରପତି ଦ୍ରୌପଦୀ ମୁର୍ମୁ । ୬୫ ହଜାର ଲୋକ କର୍ତ୍ତବ୍ୟ ପଥରେ ପରେଡ ଦେଖୁଛନ୍ତି । ମୋଟ୍ ୨୩ଟି ମେଢ ଭାଗ ନେଇଛନ୍ତି ।

Updated: Thursday, January 26, 2023, 15:12 [IST]

ନୂଆଦିଲ୍ଲୀ: ଆଜି ଦେଶ ପାଳୁଛି ୭୪ତମ ସାଧାରଣତନ୍ତ୍ର ଦିବସ । ପ୍ରଥମ ଥର ପାଇଁ କର୍ତ୍ତବ୍ୟ ପଥରେ ଜାତୀୟ ପତାକା ଉତ୍ତୋଳନ କଲେ ରାଷ୍ଚ୍ରପତି ଦ୍ରୌପଦୀ ମୁର୍ମୁ । ପତାକା ଉତ୍ତୋଳନପରେ ଚାଲିଛି ଭବ୍ୟ ପରେଡ୍ । ପରେଡରେ ଅଭିବାଦନ ଗ୍ରହଣ କରୁଛନ୍ତି ରାଷ୍ଚ୍ରପତି । ଚଳିତ ବର୍ଷ ମୁଖ୍ୟ ଅତିଥି ଭାବେ ଇଜିପ୍ଟ ରାଷ୍ଟ୍ରପତି ଆବଦେଲ ଫତାହ ଅଲସିସି ଉପସ୍ଥିତ ଅଛନ୍ତି । ଏଥର ପ୍ରଦର୍ଶିତ ହେଉଛି ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ଯୁଦ୍ଧାସ୍ତ୍ର । ପରେଡ ପାଇଁ ୨୧ଟି ତୋପୀ ସଲାମୀ ଦିଆଯାଇଛି ଯାହା ଭାରତରେ ନିର୍ମିତ ହୋଇଥିବା ୧୦୫ ଏମଏମ ଇଣ୍ତିଆନ ଫିଲ୍ଡ ବନ୍ଧୁକରେ ଦିଆଯାଇଛି ।

ସାଧାରଣତନ୍ତ୍ର ଉତ୍ସବ ପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ୬ ହଜାର ସୈନିକଙ୍କୁ ନିୟୋଜିତ କରାଯାଇଛି । ୧୫୦ ସିସିଟିଭି କ୍ୟାମେରା କର୍ତ୍ତବ୍ୟ ମାର୍ଗ ଉପରେ ରଖିଛି ନଜର ।

ବିଭିନ୍ନ ସେନା ପକ୍ଷରୁ ପ୍ରଦର୍ଶିତ ହୋଉଛି ପ୍ରଜ୍ଞାପନ ମେଢ । କର୍ତ୍ତବ୍ୟ ପଥରେ ୨୭ ଏୟାର ଡିଫେନ୍ସ ମିସାଇଲ ରେଜିମେଣ୍ଟ ରାଷ୍ଟ୍ରପତିଙ୍କୁ ଅଭିବାଦନ ଜଣାଇଛନ୍ତି। 'ଅମୃତସର ଏୟାରଫିଲ୍ଡ'କୁ କ୍ୟାପଟେନ ସୁନୀଲ ଦାଶରଥଧଏବଂ ୫୧୨ ଲାଇଟ ଏଡି ମିସାଇଲ ରେଜିମେଣ୍ଟ ର ଲେଫ୍ଟନାଣ୍ଟ ଚେତନ ଶର୍ମା ପରିଚାଳନା କରୁଛନ୍ତି । ସେହିପରି ଦେଶରେ ନିର୍ମିତି ହୋଇଥିବା ଗରୁଡ କମାଣ୍ତୋ ବି ପରେଡରେ ସାମିଲ । ପରେଡରେ ୬୧ଟି ଫେବଲରୀ, ୯ଟି ମଶିନୀକୃତ କାଲମ, ୬ଟି ମାଚିଂ ଦଳ, ୩ ପରମବୀର ଚକ୍ର ଏବଂ ୩ ଅଶୋକ ପୁରସ୍କାର ବିଜେତା ସାମିଲ ହେବେ । ପ୍ରଥମ ଥର ପାଇଁ ମିଶର ସେନା ଗଣତନ୍ତ୍ର ଦିବସ ପାଳନ ଅବସରରେ ପରେଡ୍ କରିଛି ।

ସୂଚନା ଅନୁସାରେ, ଆଜି ୬୫ ହଜାର ଲୋକ କର୍ତ୍ତବ୍ୟ ପଥରେ ପରେଡ ଦେଖୁଛନ୍ତି । ଆଜି ମୋଟ୍ ୨୩ଟି ମେଢ ଭାଗ ନେଇଛନ୍ତି ।