୨୦୨୪-୨୫ ଆର୍ଥିକ ବର୍ଷରେ ଦେଶରେ ୧୯୮ ଲକ୍ଷ ଟନ୍‍କୁ ବୃଦ୍ଧି ପାଇଛି ମତ୍ସ୍ୟ ଉତ୍ପାଦନ

ଦେଶରେ ମତ୍ସ୍ୟ ଉତ୍ପାଦନ ୨୦୨୪-୨୫ ଆର୍ଥିକବର୍ଷରେ ୧୯୮ ଲକ୍ଷ ଟନ୍‍କୁ ବୃଦ୍ଧି ପାଇଛି । ୨୦୧୩-୧୪ ଆର୍ଥିକବର୍ଷରେ ଏହି ପରିମାଣ ୯୫ ଲକ୍ଷ ଟନ୍‍ ଥିଲା । ମତ୍ସ୍ୟ ଉତ୍ପାଦନରେ ୧୦୬ ପ୍ରତିଶତରୁ ଅଧିକ ବୃଦ୍ଧି ଘଟିଥିବା କେନ୍ଦ୍ର ମତ୍ସ୍ୟ, ପଶୁସମ୍ପଦ ମନ୍ତ୍ରଣାଳୟ ପକ୍ଷରୁ କୁହାଯାଇଛି ।

ଦେଶର ଅର୍ଥନୈତିକ ବିକାଶରେ ମତ୍ସ୍ୟ ଉତ୍ପାଦନ କ୍ଷେତ୍ରର ଭୂମିକା ଗୁରୁତ୍ୱପୂର୍ଣ୍ଣ ବୋଲି ମନ୍ତ୍ରଣାଳୟ କହିବା ସହ ଦେଶର ପ୍ରାୟ ୩ କୋଟିରୁ ଅଧିକ ମତ୍ସ୍ୟଜୀବୀ ପରିବାର ଏହା ଉପରେ ନିର୍ଭର କରନ୍ତି ବୋଲି କୁହାଯାଇଛି । ବିଶ୍ୱର ଦ୍ୱିତୀୟ ବୃହତ୍‍ ମତ୍ସ୍ୟ ଉତ୍ପାଦନକାରୀ ଦେଶ ଭାବେ ଭାରତର ୮ ପ୍ରତିଶତ ଅବଦାନ ରହିଛି । ୨୦୧୪-୧୫ ଆର୍ଥିକବର୍ଷ ପରଠାରୁ ୩୨ ହଜାର ୭୨୩ କୋଟି ଟଙ୍କା ମତ୍ସ୍ୟ ଉତ୍ପାଦନ କ୍ଷେତ୍ରରେ ବିନିଯୋଗ କରାଯାଇଥିବା ମନ୍ତ୍ରଣାଳୟ ସୂଚନା ଦେଇଛି ।