'One Nation, One Election'କୁ ନେଇ ଆଜି ବସିବା ପାଇଁ ଯାଉଛି ପ୍ରଥମ ବୈଠକ
One Nation, One Election: ଲୋକସଭା, ରାଜ୍ୟସଭା, ପୌର ନିର୍ବାଚନ ତଥା ପଞ୍ଚାୟତ ନିର୍ବାଚନକୁ ଏକା ସମୟରେ କରିବା ପାଇଁ ଏବଂ ସମସ୍ତ ନିର୍ବାଚନ ଉପରେ ଦୃଷ୍ଟି ରଖିବା ପାଇଁ ଗତ ଶନିବାର ମୋଦି ସରକାର ଏକ ୮ ଜଣିଆ କମିଟି ଗଠନ କରିଥିଲେ । କେନ୍ଦ୍ର ଆଇନ ମନ୍ତ୍ରାଳୟ ପକ୍ଷରୁ ୮ ଜଣିଆ ସଦସ୍ୟଙ୍କ ନାଁ ଘୋଷଣା କରାଯାଇଛି । ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ କମିଟିର ଅଧ୍ୟକ୍ଷ । ଗୃହ ମନ୍ତ୍ରୀ ଅମିତ ଶାହ, କଂଗ୍ରେସ ନେତା ଅଧୀର ଚୌଧୁରୀ ସଦସ୍ୟ ହୋଇଛନ୍ତି । ଗୁଲାମନବୀ ଆଜାଦ, ଏନ୍କେ ସିଂହ, ସୁଭାଷ କାଶ୍ୟପ ସଦସ୍ୟ ହୋଇଛନ୍ତି ।
ଗଣମାଧ୍ୟମ ସୂଚନା ଅନୁସାରେ, ଏହି କମିଟିର ପ୍ରଥମ ବୈଠକ ଆଜି ଅନୁଷ୍ଠିତ ହେବା ପାଇଁ ଯାଉଛି । ଆଜି ଦିନ ୩ଟାରେ ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଘରେ 'One Nation, One Election' ପ୍ରସଙ୍ଗରେ ପ୍ରଥମ ବୈଠକ ବସିବା ।
ସୂଚନାଥାଉ ଯେ, ସେପ୍ଟେମ୍ବର 18 ରୁ 22 ମଧ୍ୟରେ ସରକାର ସଂସଦର ଏକ ସ୍ୱତନ୍ତ୍ର ଅଧିବେଶନ ଡାକିବାର ଗୋଟିଏ ଦିନ ପରେ ମୋଦି ସରକାରଙ୍କ ପକ୍ଷରୁ ଏହି ପଦକ୍ଷେପ ନିଆଯାଇଛି । ତେବେ ବର୍ତ୍ତମାନ ସ୍ୱତନ୍ତ୍ର ଅଧିବେଶନର ଏଜେଣ୍ଡାକୁ ଗୁପ୍ତ ରଖାଯାଇଛି । ସଂସଦର ସ୍ୱତନ୍ତ୍ର ଅଧିବେଶନରେ 'ଗୋଟିଏ ଦେଶ, ଗୋଟିଏ ନିର୍ବାଚନ'ବିଲ୍ ଉପସ୍ଥାପନ କରାଯାଇପାରେ । ଚଳିତ ବର୍ଷ ନଭେମ୍ବର-ଡିସେମ୍ବରରେ ପାଞ୍ଚଟି ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ଏବଂ ତା'ପରେ ଆସନ୍ତା ବର୍ଷ ମେ-ଜୁନରେ ଲୋକସଭା ନିର୍ବାଚନ ହେବ । ହେଲେ ସରକାରଙ୍କ ଏହି ପଦକ୍ଷେପ ସାଧାରଣ ନିର୍ବାଚନ ଏବଂ ଲୋକସଭା ନିର୍ବାଚନ ପରେ ତଥା ଧାର୍ଯ୍ୟ ହୋଇଥିବା କେତେକ ରାଜ୍ୟ ନିର୍ବାଚନକୁ ସ୍ଥଗିତ ରଖିବାର ଆଶଙ୍କା ରହିଛି ।
୧୮ ରୁ ୨୨ ସେପ୍ଟେମ୍ବର ପର୍ଯ୍ୟନ୍ତ କେନ୍ଦ୍ର ସରକାର ଏକ ସ୍ୱତନ୍ତ୍ର ଅଧିବେଶନ ଡାକିଛନ୍ତି । ଗଣମାଧ୍ୟମ ରିପୋର୍ଟ ଅନୁସାରେ, ସରକାର ୟୁନିଫର୍ମ ସିଭିଲ କୋଡ (ୟୁସିସି) ଏବଂ ମହିଳା ସଂରକ୍ଷଣ ବିଲ୍ ମଧ୍ୟ ପ୍ରଣୟନ କରିପାରନ୍ତି ।
Click it and Unblock the Notifications
Sign in with Google