ଏକ ଦେଶ, ଏକ ନିର୍ବାଚନ ବିଲ୍‍ ଉପରେ ତର୍ଜମା ପାଇଁ ଆସନ୍ତା ୮ରେ ବସିବ ଜେ.ପି.ସି.ର ପ୍ରଥମ ବୈଠକ

ସଂସଦରେ ଆଗତ ହୋଇଥିବା ଏକ ରାଷ୍ଟ୍ର, ଏକ ନିର୍ବାଚନ ସମ୍ପର୍କିତ ଦୁଇଟି ବିଲ୍‍ ଉପରେ ତର୍ଜମା କରିବା ପାଇଁ ଆସନ୍ତା ଜାନୁଆରୀ ୮ ତାରିଖରେ ଯୁଗ୍ମ ସଂସଦୀୟ କମିଟି - ଜେ.ପି.ସି.ର ପ୍ରଥମ ବୈଠକ ଅନୁଷ୍ଠିତ ହେବ । ୩୯ ସଦସ୍ୟ ବିଶିଷ୍ଟ ଜେ.ପି.ସି.ରେ ଲୋକସଭାରୁ ୨୭ ଜଣ ଏବଂ ରାଜ୍ୟସଭାରୁ ୧୨ ଜଣ ସଦସ୍ୟ ରହିଛନ୍ତି ।

ପରବର୍ତ୍ତୀ ସଂସଦ ଅଧିବେଶନର ଶେଷ ସପ୍ତାହର ପ୍ରଥମ ଦିନ ସୁଦ୍ଧା କମିଟି ଗୃହରେ ତାର ରିପୋର୍ଟ ଦାଖଲ କରିବ । ଏହି କମିଟିରେ ବରିଷ୍ଠ ବିଜେପି ନେତା ପି.ପି. ଚୌଧୁରୀ ଅଧ୍ୟକ୍ଷ ରହିଛନ୍ତି । ଏହି ବିଲ୍‍ ଗୁଡ଼ିକୁ ଆନୁଷ୍ଠାନିକ ଭାବେ ୧୨୯ତମ ସମ୍ବିଧାନ ସଂଶୋଧନ ବିଲ୍‍ ୨୦୨୪ ଏବଂ କେନ୍ଦ୍ର ଶାସିତ ଅଞ୍ଚଳ ଆଇନ୍‍ ସଂଶୋଧନ ବିଲ୍‍ ୨୦୨୪ ନାମରେ ନାମିତ କରାଯାଇଛି ।