ଦେଶରେ H3N2 ଇନଫ୍ଲୁଏଞ୍ଜାରେ ପ୍ରଥମ ମୃତ୍ୟୁ, ଜାଣନ୍ତୁ ଏହାର ଲକ୍ଷଣ

ଦେଶରେ H3N2 ଇନଫ୍ଲୁଏଞ୍ଜାରେ ୨ ମୃତ । ହରିୟାଣା ଓ କର୍ଣ୍ଣାଟକରେ ୨ ଜଣଙ୍କ ମୃତ୍ୟୁ ହୋଇଥିବା ନେଇ ସୂଚନା ରହିଛି । ରିପୋର୍ଟ ଅନୁସାରେ H3N2ଭୂତାଣୁର ୮୦ଟି ମାମଲା ଚିହ୍ନଟ ହୋଇଛି ।

Updated: Friday, March 10, 2023, 16:31 [IST]

ନୂଆଦିଲ୍ଲୀ: ଦେଶରେ H3N2 ଇନଫ୍ଲୁଏଞ୍ଜାରେ ୨ ମୃତ । ହରିୟାଣା ଓ କର୍ଣ୍ଣାଟକରେ ୨ ଜଣଙ୍କ ମୃତ୍ୟୁ ହୋଇଥିବା ନେଇ ସୂଚନା ରହିଛି । ରିପୋର୍ଟ ଅନୁସାରେ H3N2ଭୂତାଣୁର ୮୦ଟି ମାମଲା ଚିହ୍ନଟ ହୋଇଛି । ଏନେଇ ସ୍ୱାସ୍ଥ୍ୟ ମନ୍ତ୍ରାଣାଳୟ ପକ୍ଷରୁ ସୂଚନା ଜାରି କରାଯାଇଛି ।

ଦେଶରେ ବର୍ତ୍ତମାନ ୮୦ ଜଣ H3N2ଭୂତାଣୁରେ ଆକ୍ରାନ୍ତ ଚିହ୍ନଟ ହୋଇଥିବା ନେଇ ସୂଚନା ରହିଛି । ସେହିପରି H1N1 ଭାଇରାଲ ମଧ୍ୟ ୮ ଜଣଙ୍କ ଶରୀରରେ ଚିହ୍ନଟ କରାଯାଇଛି । ଗତ ଏକ ମାସ ହେଲା ଦେଶରେ ଥଣ୍ତା, କାଶ ଏବଂ ଜ୍ୱରରେ ପୀଡିତ ହେଉଥିବା ଲୋକଙ୍କ ସଂଖ୍ୟା ବଢିବାରେ ଲାଗିଛି । ବିଶେଷଜ୍ଞଙ୍କ ସୂଚନା ଅନୁସାରେ ଏଧିକାଶଂ ଲୋକେ H3N2ଭୂତାଣୁର ଆକ୍ରନ୍ତ ହୋଇଛନ୍ତି ।

ରିପୋର୍ଟ ଅନୁସାରେ ଗତ ୨ ରୁ ୩ ମାସ ହେଲା H3N2 ଭାଇରାସ ଦ୍ରୁତଗତିରେ ବ୍ୟାପିବାରେ ଲାଗିଛି । ଏହି ଭୂତାଣୁ ଯୋଗୁ
ଲୋକମାନେ ଫ୍ଲୁ ଜନିତ ରୋଗରେ ଆକ୍ରାନ୍ତ ହେଉଛନ୍ତି । ଥଣ୍ତା, କାଶ ପ୍ରାୟ ଏକ ସପ୍ତାହରୁ ଅଧିକ ସମୟ ପାଇଁ ଶରୀରରେ ରହୁଛି ।

H3N2 ଲକ୍ଷଣ
ଏହାର ଲକ୍ଷଣ ହେଲା ଥଣ୍ତା, କାଶ ଏବଂ ଜ୍ୱର, ଯାହା ପ୍ରାୟତଃ ୭ଦିନରୁ ଅଧିକ ସମୟ ଯାଏଁ ଶରୀରେ ରହୁଛି । ଯାହାକୁ ଆମେ ସାଧରଣ ଥଣ୍ତା ଜ୍ୱର ଭାବି ଅଣଦେଖା କରିବା ପରିବର୍ତ୍ତେ ଡାକ୍ତରଙ୍କ ପରାମର୍ଶ ନେବା ଉଚିତ । ଏହାର ଲକ୍ଷଣ କୋଭିଡ୍ ଲକ୍ଷଣ ପରି । ଦୀର୍ଘଦିନ ଧରି ଥଣ୍ତା ଏବଂ କାଶ ଲାଗି ରହୁଛି । କରୋନା ପରେ ପୁଣି ସାରା ଦେଶରେ ଲଗାତାର ଥଣ୍ତା,ଜର ଏବଂ କାଶରେ ଆକ୍ରାନ୍ତ ଲୋକଙ୍କ ସଂଖ୍ୟା ବୃଦ୍ଧି ପାଉଛି । ବୟସ୍କ ଲୋକ ଏବଂ ଶିଶୁଙ୍କ ପ୍ରତି ଏହି ଭାଇରସର ବିପଦ ଅଧିକ ରହିଛି ।

ଲକ୍ଷଣ ଥିଲେ କ'ଣ କରିବେ