Mahakumbh 2025: ବିଦେଶୀ ମହିଳା ଆପଣାଇଲେ ସନାତନ ଧର୍ମ, କହିଲେ ମୋକ୍ଷ ପ୍ରଦାନ କରେ ଗଙ୍ଗା ଜଳ

Mahakumbh 2025: ବିଦେଶୀମାନେ ମଧ୍ୟ ସନାତନ ଧର୍ମ ଦ୍ୱାରା ପ୍ରଭାବିତ ହେଉଛନ୍ତି ! ଏହାର ପ୍ରମାଣ ଅନେକ ଥର ମିଳିଛି । ତେବେ ଆଗକୁ ଜାନୁଆରୀ ୧୩ ତାରିଖରେ ମହାକୁମ୍ଭ ମେଳା ଅନୁଷ୍ଠିତ ହେବାକୁ ଯାଉଛି । ଏଠାରେ ସନାତନ ଧର୍ମ ପ୍ରତି ଲୋକଙ୍କ ବିଶ୍ୱାସର ଏକ ସୁନ୍ଦର ଝଲକ ଦେଖିବା ପାଇଁ ମିଳିବ । ଆମେରିକାର ଜଣେ ଯୁବତୀ Hanae Akachkach ସନାତନ ଧର୍ମ ଆପଣାଇଛନ୍ତି । ଯାହା ତାଙ୍କ ଜୀବନଶୈଳୀକୁ ସମ୍ପୂର୍ଣ୍ଣ ପରିବର୍ତ୍ତନ କରିଛି ।

ସେ ଗେରୁଆ ବସ୍ତ୍ର ପିନ୍ଧିଛନ୍ତି । ଖୁବ୍ ଶୀଘ୍ର ତାଙ୍କର ନାମ ପରିବର୍ତ୍ତନ ମଧ୍ୟ କରାଯିବ । ଏହା କେବଳ ବିଶ୍ୱାସର ନୁହେଁ ବରଂ ଏକ ଗଭୀର ଆଧ୍ୟାତ୍ମିକ ଯାତ୍ରାର କାହାଣୀ ଯାହା ଦର୍ଶାଏ ଯେ କିପରି ଭାରତୀୟ ସଂସ୍କୃତି ଏବଂ ପରମ୍ପରା ସାରା ବିଶ୍ୱର ଲୋକଙ୍କୁ ଆକର୍ଷିତ କରୁଛି।

Hanae Akachkach ବୋଷ୍ଟନ ସହରର ବାସିନ୍ଦା। ସେ ଆମେରିକୀୟ ସେନାରେ ଆକାଉଣ୍ଟିଂ ବିଭାଗ ଅଧିକାରୀ ଥିଲେ ଏବଂ ପାଠପଢ଼ାରେ ଅତ୍ୟନ୍ତ ଉଜ୍ଜ୍ୱଳ ଥିଲେ। ସେ ମରକ୍କୋରୁ ତାଙ୍କର ହାଇସ୍କୁଲ ଏବଂ ଆମେରିକାରୁ MBA କରିଥିଲେ । ୨୦୧୪ ମସିହାରେ ସେ ଜଣେ ସାମରିକ ଅଧିକାରୀ ଭାବରେ ତାଙ୍କର ଦାୟିତ୍ୱ ଗ୍ରହଣ କରିଥିଲେ। କିନ୍ତୁ ତାଙ୍କ ଜୀବନରେ ଏକ ବଡ଼ ପରିବର୍ତ୍ତନ ଆସିଲା ଯେତେବେଳେ ସେ YouTube ରେ ସ୍ୱାମୀ ଯୋଗୀ ସତ୍ୟମଙ୍କ କ୍ରିୟା ଯୋଗ ଅଭ୍ୟାସ ଦେଖିଲେ।

୨୦୧୮ରେ ପ୍ରଥମ ଥର ପାଇଁ ସେ ଭାରତ ଆସିଥିଲେ । ଯାହା ପରେ ସନାତନ ଧର୍ମଏବଂ ଆଧ୍ୟାତ୍ମିକତା ପ୍ରତି ତାଙ୍କର ଆଗ୍ରହ ବୃଦ୍ଧି ପାଇବାରେ ଲାଗିଥିଲା । ସେ କହିଛନ୍ତି, ଗଙ୍ଗାରେ ବୁଡ଼ ପକାଇବା ପରେ ହାଲୁକା ଏବଂ ଶାନ୍ତି ଅନୁଭବ କରିଥିଲେ। ଧୀରେ ଧୀରେ ତାଙ୍କ ଜୀବନ ଆଧ୍ୟାତ୍ମିକ ଅଭ୍ୟାସ ଏବଂ ଆଧ୍ୟାତ୍ମିକ ପ୍ରଗତି ଆଡ଼କୁ ଗତି କରିଥିଲା

Hanae Akachkach ଏବେ ସମ୍ପୂର୍ଣ୍ଣ ଭାବରେ ସନାତନ ଧର୍ମକୁ ଗ୍ରହଣ କରିସାରିଛନ୍ତି। ତାଙ୍କ ଅନୁସାରେ ଗଙ୍ଗା ଜଣ ଆମ ପାପ ଧୋଇବା ସହ ଆମକୁ ମୋକ୍ଷ ମଧ୍ୟ ପ୍ରଦାନ କରିଥାଏ । ହାନାଇ ମହାତ୍ମା ଗାନ୍ଧୀଙ୍କୁ ନିଜ ଆଦର୍ଶ ବୋଲି ମାନିଥାନ୍ତି ଏବଂ ଭାରତୀୟ ସଂସ୍କୃତିର ସମୃଦ୍ଧି ଦ୍ୱାରା ଗଭୀର ଭାବରେ ପ୍ରଭାବିତ।