ବିଜେପିର ୫୧ ବରିଷ୍ଠ ନେତାଙ୍କ ସହ ୧୨,୦୦୦ ଲୋକଙ୍କ ବିରୋଧରେ ହୋଲା ମାମଲା ରୁଜୁ, ଜାଣନ୍ତୁ କାରଣ...

ରାଞ୍ଚି: ଭାରତୀୟ ଜନତା ପାର୍ଟିର ନେତାମାନେ ହେମନ୍ତ ସୋରେନ ସରକାରଙ୍କ ବିରୋଧରେ ଯୁବ ଆକ୍ରୋଶ ରାଲି କରିବା ପଡ଼ିଛି ମହଙ୍ଗା । ଭାରତୀୟ ଜନତା ପାର୍ଟି ଯୁବା ମୋର୍ଚ୍ଚାର ଯୁବ ଆକ୍ରୋଶ ସମାବେଶରେ ସୃଷ୍ଟି ହୋଇଥିଲା ଝଡ଼ । ଯୁବକ ମାନେ ପଥର ଫିଙ୍ଗିବା ଓ ଉତ୍ତେଜନା ସୃଷ୍ଟି କରିବା ପରେ ପୋଲିସ ଲୁହବୁହା ଗ୍ୟାସ ଏବଂ ପାଣି ମାଡ଼ ବ୍ୟବହାର କରିଥିଲା। ବିକ୍ଷୋବକାରୀଙ୍କ ପଥର ମାଡ଼ରେ ଅର୍ଦ୍ଧ ଡଜନରୁ ଅଧିକ ପୋଲିସ କର୍ମଚାରୀ ଆହତ ହୋଇଥିଲେ

ଅଗଷ୍ଟ ୨୩ ରେ ରାଜଧାନୀ ରାଞ୍ଚିର ମୋହରବାଡି ମୋରହାବାଦୀରେ ହେମନ୍ତ ସୋରେନ ସରକାରଙ୍କ ବିରୋଧରେ ବିଜେପି ଯୁବ ମୋର୍ଚ୍ଚା ଦ୍ୱାରା ଯୁବ ଆକ୍ରୋଶ ରାଲିର ଆୟୋଜନ କରାଯାଇଥିଲା। ରୋଜଗାର ନାମରେ ଯୁବକଙ୍କୁ ପ୍ରତାରଣା, ବେକାରୀ ଭତ୍ତା ନାମରେ ପ୍ରତାରଣା, ଚୁକ୍ତିଭିତ୍ତିକ କର୍ମଚାରୀଙ୍କ ସହ ଠକେଇ ଏବଂ ରାଜ୍ୟର ବିଭିନ୍ନ ପ୍ରସଙ୍ଗରେ ଏହି ରାଲିର ଆୟୋଜନ କରାଯାଇଥିଲା। ଏହି ସମାବେଶରେ ଝାଡଖଣ୍ଡର ୨୪ ଟି ଜିଲ୍ଲାର ହଜାର ହଜାର କର୍ମୀ ଏବଂ ନେତା ପହଞ୍ଚିଥିଲେ।

ବିକ୍ଷୋଭକାରୀଙ୍କୁ ଅଟକାଇବା ପାଇଁ ପୋଲିସ ବ୍ୟାରିକେଡ୍ କରି ବ୍ୟାରିକେଡ୍ ଉପରେ କଣ୍ଟା ତାର ଲଗାଇଥିଲା। ଯେଉଁ କାରଣରୁ କାର୍ଯ୍ୟକର୍ତ୍ତା ମାନେ କ୍ରୋଧିତ ହୋଇ ବ୍ୟାରିକେଡିଂ ଉପରକୁ ଚଢ଼ି ଏହାକୁ ଭାଙ୍ଗିବାକୁ ଚେଷ୍ଟା କରିଥିଲେ। ଏହି ସମୟରେ ଏକ ବଡ଼ ଉତ୍ତେଜନା ଦେଖାଦେଇଥିଲା ଏବଂ ବିକ୍ଷୋଭକାରୀମାନେ ବ୍ୟାରିକେଡ୍ ଭାଙ୍ଗି ଏବଂ ମୁଖ୍ୟମନ୍ତ୍ରୀଙ୍କ ବାସଭବନକୁ ଘେରି ରହିଥିଲେ। ଏହି ବିକ୍ଷୋବକାରୀଙ୍କୁ ଅଟକାଇବା ପାଇଁ ପୋଲିସ ପାଣି ମାଡ଼ , ଲୁହବୁହା ଗ୍ୟାସ ମଧ୍ୟ ଚଳାଇଥିଲା। ପୋଲିସ ଏବଂ କାର୍ଯ୍ୟକର୍ତ୍ତାଙ୍କ ଧସ୍ତାଧସ୍ତିରେ ୧୨ରୁ ଅଧିକ ବିଜେପି କର୍ମୀ ଆହତ ହୋଇଥିଲେ । ଏବଂ ଏଥିରେ କିଛି ପୋଲିସ୍ କର୍ମଚାରୀ ମଧ୍ୟ ଆହତ ହୋଇଥିଲେ ।
ଏହି ତୀବ୍ର ଉତ୍ତେଜନା ପରେ ବର୍ତ୍ତମାନ ରାଞ୍ଚିର ଲାଲପୁର ପୋଲିସ ଷ୍ଟେସନରେ ବିଜେପିର ପୂର୍ବତନ ମୁଖ୍ୟମନ୍ତ୍ରୀଙ୍କ ସମେତ ୫୧ ଜଣ ବିଜେପି ନେତାଙ୍କ ସହ ୧୨ ହଜାର ଅଜ୍ଞାତ ବ୍ୟକ୍ତିଙ୍କ ବିରୋଧରେ ମାମଲା ରୁଜୁ ହୋଇଛି। ଏଥିରେ ବହୁ ବିଜେପି ବିଧାୟକ ଏବଂ ରାଜ୍ୟସଭା ସାଂସଦ ସାମିଲ ରହିଛନ୍ତି ।

ଆଉ ସେମାନଙ୍କ ମଧ୍ୟରେ ରହିଛନ୍ତି ବିଜେପି ରାଜ୍ୟ ସଭାପତି ବାବୁଲାଲ ମାରାଣ୍ଡି, ପୂର୍ବତନ କେନ୍ଦ୍ର ମନ୍ତ୍ରୀ ଅର୍ଜୁନ ମୁଣ୍ଡା, ୀ ସଞ୍ଜୟ ସେଥ, ବିରୋଧୀ ଦଳର ନେତା ଅମର ବାରୀ, ସାଂସଦ ବିଡି ରାମ, ବିଧାୟକ ଭାନୁ ପ୍ରତାପ ଶାହି, ସାଂସଦ ଆଦିତ୍ୟ ସାହୁ, ରାଜ୍ୟସଭା ସାଂସଦ ଦୀପକ ପ୍ରକାଶ, ସାଂସଦ ଅଭିକାନ୍ତ ପ୍ରସାଦ, ସାଂସଦ ପ୍ରଦୀପ ଭର୍ମା, ବିଦ୍ୟୁତ ବରଣ ମହାତ୍ମା, ମନୀଷ ଜୈସୱାଲ, ବିଧାୟକ ନୀଲକାନ୍ତ ସିଂ ମୁଣ୍ଡା, ରାନ୍ଧାର ସିଂ, ନୀରା ଯାଦବ, ରାମଚନ୍ଦ୍ର ଭାନ୍ସି, ଅପର୍ନା ସେନ୍ ଗୁପ୍ତା, କୁଶୱା ଶଶିଭୂଷଣ ମେହଟା, ପୁଷ୍ପା ଦେବୀ ସିହ୍ନା, ପୂର୍ବ ସାଂସଦ ଯଦୁନାଥ ପାଣ୍ଡେ, ସାଂସଦ ଝୁଲୁ ମହାଟୋ, ପୂର୍ବତନ ସିଏମ ମଧୁ କୋଡା, ପୂର୍ବତନ ସାଂସଦ ଗୀତା କୋଡା, ପୂର୍ବତନ ଡେପୁଟି ମେୟର ସଞ୍ଜୀବ ବିଜୟଭର୍ଗିଆ, ବିଜେପି ସଂଗଠନ ମନ୍ତ୍ରୀ କର୍ମବୀର ସିଂ, ବିଧାୟକ ନବୀନ ଜୈସୱାଲ, ନାରାୟଣ ଦାସ, ଅମିତ ମଣ୍ଡଳ, ଆଲୋକ ରାସିଆ, କୌଚ ମୁଣ୍ଡାଙ୍କ ସହ ଦଳର ନେତାମାନେ ଅନ୍ୟ ନେତା କିଶୁନ କୁମାର ଦାସ, ବିଷ୍ଣୁକାନ୍ତ ରାୟ, କୁନାଲ ଯାଦବ, ଅମରଦୀପ ଯାଦବ, ବର ଝବ ସାଓ, ସୁଶୀଲ ଦୁବେ, ଅମିତ କୁମାର (ପୂର୍ବତନ ବିଜେପି ଯୁବା ମୋର୍ଚ୍ଚା ସଭାପତି), ରମେଶ ସିଂ, ଇନ୍ଦୁଶେଖ ମିଶ୍ର, ପ୍ରତାଲ ନାଥ ଶାହଦେବ (ରାଜ୍ୟ ମୁଖପାତ୍ର) , ଆରତୀ କୁଜୁର ସତ୍ୟେନ୍ଦ୍ର ତିୱାରୀ, ମଙ୍ଗଲ ମୁର୍ତ୍ତୀ ତିୱାରୀ, ଗଙ୍ଗେଶ୍ୱର ଯାଦବ, ବିଶାଲ ଗୌତମ, କୃଷ୍ଣକାନ୍ତ ରାୟଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ଏହା ସହିତ ୧୨ ହଜାର ଅଜ୍ଞାତ ବ୍ୟକ୍ତିଙ୍କୁ ନାଁରେ ମଧ୍ୟ ଅଭିଯୋଗ କରାଯାଇଛି।