ଜାଣନ୍ତୁ ଜି-୨୦ ଶିଖର ସମ୍ମିଳନୀରେ ଯୋଗଦେଉଥିବା ନେତାଙ୍କ ମଧ୍ୟରେ ସବୁଠୁ ଧନୀ କିଏ
G20 Summit 2023 In Delhi: ଭାରତରେ ଅନୁଷ୍ଠିତ ହେବାକୁ ଯାଉଥିବା ଜି -20 ଶିଖର ସମ୍ମିଳନୀ ଏଥର ସମଗ୍ର ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି । ଏହି ସମ୍ମିଳନୀରେ 40 ରୁ ଅଧିକ ଦେଶର ମୁଖ୍ୟମାନେ ଯୋଗଦେବାକୁ ଯାଉଛନ୍ତି । 9-10 ସେପ୍ଟେମ୍ବରରେ ଦେଶର ରାଜଧାନୀ ନୂଆଦିଲ୍ଲୀରେ ଏହି ସମ୍ମିଳନୀ ଆୟୋଜିତ ହେଉଛି । ତେବେ ଚାଲନ୍ତୁ ଜାଣିବା ଜି -20 ସମ୍ମିଳନୀରେ ଅଂଶଗ୍ରହଣ କରୁଥିବା ନେତାଙ୍କ ମଧ୍ୟରୁ ସବୁଠାରୁ ଧନୀ ନେତା କିଏ?
ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ଦିଲ୍ଲୀରେ ଆୟୋଜିତ ଏହି ସମ୍ମିଳନୀରେ ଭାଗ ନେବାକୁ ଆମେରିକା, ଫ୍ରାନ୍ସ, ବ୍ରିଟେନ, ସାଉଦି ଆରବର ପ୍ରମୁଖ ଦେଶର ମୁଖ୍ୟ ମାନେ ଯୋଗ ଦେବା ପାଇଁ ଭାରତ ଆସୁଛନ୍ତି । ଅନ୍ୟପକ୍ଷରେ ଚୀନ୍ ରାଷ୍ଟ୍ରପତି ସି. ଜିନପିଙ୍ଗ ଏବଂ ଋଷର ରାଷ୍ଟ୍ରପତି ପୁଟିନ ଏହି ଜି -20 ସମ୍ମିଳନୀରେ ଯୋଗଦେବେ ନାହିଁ ।
ତେବେ ଏହି ସମ୍ମିଳନୀରେ ଅଂଶଗ୍ରହଣ କରୁଥିବା ବିଶ୍ୱର ସବୁଠାରୁ ଧନୀ ନେତାଙ୍କ ତାଲିକାର ଶୀର୍ଷରେ ଅଛନ୍ତି, ସାଉଦି ଆରବର କ୍ରାଉନ୍ ପ୍ରିନ୍ସ ମହମ୍ମଦ ବିନ୍ ସଲମାନ । ମିଡିଆ ରିପୋର୍ଟ ଅନୁସାରେ, ସାଉଦି ଆରବର କ୍ରାଉନ୍ ପ୍ରିନ୍ସ ମହମ୍ମଦ ବିନ୍ ସଲମାନ ଅତ୍ୟନ୍ତ ବିଳାସପୂର୍ଣ୍ଣ ଜୀବନ ଅତିବାହିତ କରନ୍ତି । ତାଙ୍କର ଜୀବନଶୈଳୀ, ବିପୁଳ ଧନ, ବିଳାସପୂର୍ଣ୍ଣ ଯାନ, ବିଳାସପୂର୍ଣ୍ଣ ପ୍ରାସାଦ ଏବଂ ରାଜକୀୟ ଅନ୍ଦାଜ ପାଇଁ ସେ ସର୍ବଦା ଚର୍ଚ୍ଚାରେ ରହିଥାନ୍ତି । ଆମେରିକୀୟ ପତ୍ରିକା ଫୋର୍ବସ୍ ଅନୁଯାୟୀ ସାଉଦି କ୍ରାଉନ୍ ପ୍ରିନ୍ସଙ୍କ ସମ୍ପତ୍ତି ପ୍ରାୟ 8 ବିଲିୟନ ଡଲାରରୁ ଅଧିକ । ଯଦି ଏହି ସୂଚନା ଠିକ୍ ତେବେ ଭାରତରେ ଆୟୋଜିତ ହେବା ପାଇଁ ଯାଉଥିବା ଜି-20 ସମ୍ମିଳନୀରେ ଯୋଗ ଦେବା ପାଇଁ ଯାଉଥିବା ନେତାଙ୍କ ମଧ୍ୟରେ ସବୁଠୁ ଧନୀ ହେଉଛନ୍ତି ସାଉଦି ଆରବର କ୍ରାଉନ୍ ପ୍ରିନ୍ସ ମହମ୍ମଦ ବିନ୍ ସଲମାନ ।
ସେହିପରି ଦ୍ୱିତୀୟ ଧନୀ ନେତା ହାଉଛନ୍ତି, ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍, ଯାହାଙ୍କର ପ୍ରତିବର୍ଷର ଆୟ 220,500 ଡଲାର୍ (18 ବିଲିୟନ ଟଙ୍କା) ରୋଜଗାର କରନ୍ତି । ସେହିପରି ସ୍ପିୟର୍ସ ମ୍ୟାଗେଜିନ ଏହାର ଆନୁମାନିକ ମୂଲ୍ୟ 31.5 ମିଲିୟନ ଡ଼ଲାରରୁ ଅଧିକ ଅର୍ଥାତ୍ 260 କୋଟି ଟଙ୍କା ବୋଲି ପ୍ରକାଶ କରିଛି ।
ଆମେରିକାର ରାଷ୍ଟ୍ରପତି ଜୋ ବିଡେନଙ୍କ ନାମ ମଧ୍ୟ ଧନୀ ନେତାଙ୍କ ମଧ୍ୟରେ ସାମିଲ ଅଛି । ଆମେରିକୀୟ ପତ୍ରିକା ଫୋର୍ବସ୍ ସୂଚନା ଅନୁସାରେ, ବାଇଡେନଙ୍କର ବର୍ତ୍ତମାନର ସମ୍ପତ୍ତି ହେଉଛି 10 ମିଲିୟନ୍ ଡଲାର୍ ଅର୍ଥାତ୍ ୭୫ କୋଟି ଟଙ୍କା । କିନ୍ତୁ ଯେତେବେଳେ ସେ ଆମେରିକାର ରାଷ୍ଟ୍ରପତି ପଦ ଗ୍ରହଣ କଲେ, ସେହି ସମୟରେ ତାଙ୍କର ସମ୍ପତ୍ତି ପ୍ରାୟ 8 ନିୟୁତ ଡଲାର ଅର୍ଥାତ୍ 66 କୋଟି ଟଙ୍କା ଥିଲା ।
Click it and Unblock the Notifications
Sign in with Google