'ମୋଦିଙ୍କ ନେତୃତ୍ୱରେ ଅତୁଟ ବିଶ୍ୱାସ'

Published: Friday, February 2, 2024, 16:30 [IST]

ଅର୍ଥମନ୍ତ୍ରୀ ନିର୍ମଳା ସୀତାରମଣ ଗତକାଲି ମଧ୍ୟବର୍ତ୍ତୀକାଳୀନ ବଜେଟ୍ ଉପସ୍ଥାପନ କରିଥିଲେ । ଆଜି ଅର୍ଥମନ୍ତ୍ରୀ ନିର୍ମଳା ସୀତାରମଣ ଏକ ଘରୋଇ ଗଣମାଧ୍ୟମକୁ ସାକ୍ଷାତକାର ଦେଇ କହିଛନ୍ତି ଯେ ସରକାରଙ୍କ ଯୋଜନା ଜନସାଧାରଣଙ୍କ ନିକଟରେ ପହଞ୍ଚିଛି, ତେଣୁ ଜନସାଧାରଣଙ୍କ ସରକାରଙ୍କ ଉପରେ ଅତୁଟ ବିଶ୍ୱାସ ରହିଛି । ଯଦି ଜନସାଧାରଣ ଦୁଇଥର ସରକାରଙ୍କ ଉପରେ ଆତ୍ମବିଶ୍ୱାସ ପ୍ରକାଶ କରିଛନ୍ତି, ତେବେ ଏହା ତୃତୀୟ ଥର ପାଇଁ ମଧ୍ୟ ଆତ୍ମବିଶ୍ୱାସ ଦେଖାଇବ ।

ଦେଶର ଜନସାଧାରଣ ଜାଣନ୍ତି ଯେ ଆମ ପାଖରେ ପହ ପହଁଞ୍ଚିଥିବା ଯୋଜନାଗୁଡିକ ସମ୍ପୂର୍ଣ୍ଣ ସ୍ୱଛ ପହଁଞ୍ଚିଛି । ଏଥିରେ କୌଣସି ପ୍ରକାରେ କଭର-ଅପ୍ ରହିନାହିଁ । ସେଥିପାଇଁ ଜନସାଧାରଣ ନିରନ୍ତର ସରକାରଙ୍କୁ ସମର୍ଥନ କରୁଛନ୍ତି । ଗତ ୧୦ ବର୍ଷ ମଧ୍ୟରେ ଜନସାଧାରଣଙ୍କ ସ୍ୱାର୍ଥରେ ଯୋଜନା ଆରମ୍ଭ କରାଯାଇଛି । ଏହି ଯୋଜନାର ଲାଭ ମଧ୍ୟ ଶେଷ ହିତାଧିକାରୀଙ୍କ ନିକଟରେ ପହଞ୍ଚିଛି । ହିତାଧିକାରୀମାନେ ନିଜେ କହୁଛନ୍ତି ଯେ ସେମାନେ ଉପକୃତ ହୋଇଛନ୍ତି । ଘର ମିଳିଛି , ବିଦ୍ୟୁତ୍ ମିଳିଛି , ପାଣି ମିଳିଛି , ଏହା ସହ ଅନେକ ଯୋଜନା ଜନସାଧାରଣଙ୍କ ନିକଟରେ ପହଞ୍ଚିଛି ।

ସେ ଆହୁରି ମଧ୍ୟ କହିଛନ୍ତି ଯେ ଆର୍ôଥକ ଅନୁଶାସନ ପାଇଁ ସବସିଡି କାଟିବାର କୌଣସି ଆବଶ୍ୟକତା ନାହିଁ । ଅର୍ଥନୈତିକ ପ୍ରସଙ୍ଗରେ ମଧ୍ୟ ପ୍ରଧାନମନ୍ତ୍ରୀ ଅନୁଶାସନ ବଜାୟ ରଖିଛନ୍ତି । ସବସିଡି କାଟ ଯୋଗୁଁ କାହାରିକୁ ଭାର ଦିଆଯାଇ ନାହିଁ । ପ୍ରତ୍ୟେକ ଯୋଜନା ରୋଜଗାର ଉପରେ କାର୍ଯ୍ୟ କରୁଛି । ପ୍ରଧାନମନ୍ତ୍ରୀ ପ୍ରତ୍ୟେକ ଯୋଜନାରେ କେତେ ଚାକିରି ସୃଷ୍ଟି ହେବ ବୋଲି ପଚାରିଛନ୍ତି ।

ଚାକିରି କେବଳ ଅଫିସରେ ଚାକିରିର ଅର୍ଥ ନୁହେଁ, ଏହାର ଅର୍ଥ ହେଉଛି ନିଜ ବ୍ୟବସାୟ ଚଳାଇବାରେ ସାହାଯ୍ୟ କରିବା । ବେସରକାରୀ ନିବେଶ ବୃଦ୍ଧି ଉପରେ ସରକାର କାର୍ଯ୍ୟ କରିବେ । ଏହା ସହିତ, ବିନିଯୋଗରୁ ପଛକୁ ଯିବାର ପ୍ରଶ୍ନ ଉଠୁନାହିଁ । କିନ୍ତୁ ସଠିକ୍ ମୂଲ୍ୟାଙ୍କନ ପରେ ହିଁ ବିନିଯୋଗ କରାଯିବ ବୋଲି କହିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ ।

Published On February 2, 2024