ଆକାଶମାର୍ଗରେ ଜାମର ଲଗାଇଲା ପାକିସ୍ତାନ

Pakistan Installed Jammers: ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ବିବାଦ ଲାଗିଛି ରହିଛି । ପାକିସ୍ତାନ ଭାରତୀୟ ବିମାନ ପାଇଁ ତାର ଆକାଶ ସୀମା ବନ୍ଦ କରିଦେଇଥିଲା। ଏବେ ଭାରତ ମଧ୍ୟ ପ୍ରତିବଦଳରେ ପାକିସ୍ତାନୀ ବିମାନ ପାଇଁ ତାର ଆକାଶ ସୀମା ବନ୍ଦ କରିଦେଇଛି। ଯାହା ପରେ ପାକିସ୍ତାନ ଆଉ ଏକ ବଡ଼ ପଦକ୍ଷେପ ନେଇଛି ।

ପାକିସ୍ତାନ ତାର ଏୟାରସ୍ପେସ ବନ୍ଦ କରିବା ପରେ, ଭାରତୀୟ ଲଢ଼ୁଆ ବିମାନଗୁଡ଼ିକ ଯେପରି ପାକିସ୍ତାନ ଏୟାରସ୍ପେସରେ ପ୍ରବେଶ ନ କରିପାରୁ ସେଥିପାଇଁ ପାକିସ୍ତାନ ସେଠାରେ ଜାମର ଲଗାଇଛି। ସେହିପରି LoC 'ରେ ଗୁଳିବିନିମୟ ମଧ୍ୟରେ, ପାକିସ୍ତାନ ଚୀନ୍ ନିର୍ମିତ ବିମାନ ପ୍ରତିରୋଧୀ କ୍ଷେପଣାସ୍ତ୍ର ପ୍ରଣାଳୀର ମୁତୟନ ବୃଦ୍ଧି କରିଛି। ପାକିସ୍ତାନ ଚୀନ୍ ବାୟୁ ପ୍ରତିରକ୍ଷା କ୍ଷେପଣାସ୍ତ୍ର ପ୍ରଣାଳୀ ନିୟୋଜିତ କରିଛି।

ଭାରତ ବୁଧବାର ଦିନ ପାକିସ୍ତାନ ମାଲିକାନା ଏବଂ ପରିଚାଳିତ ବିମାନ ପାଇଁ ଏହାର ଆକାଶ ସୀମାକୁ ମେ ୨୩ ପର୍ଯ୍ୟନ୍ତ ବନ୍ଦ କରିବାର ଘୋଷଣା କରିଛି। କିଛି ଦିନ ପୂର୍ବରୁ, ଇସଲାମାବାଦ ଭାରତୀୟ ବିମାନ କମ୍ପାନୀ ଦ୍ୱାରା ମାଲିକାନା ଏବଂ ପରିଚାଳିତ ସମସ୍ତ ବିମାନ ପାଇଁ ଏହାର ଆକାଶ ସୀମାକୁ ବନ୍ଦ କରିବାକୁ ନିଷ୍ପତ୍ତି ନେଇଥିଲା। ଭାରତ ଏହି ସମ୍ପର୍କରେ NOTAM (ବିମାନ କର୍ମଚାରୀଙ୍କୁ ନୋଟିସ୍) ଜାରି କରିଛି, ଯାହା ଅନୁଯାୟୀ ପାକିସ୍ତାନୀ ବିମାନଗୁଡ଼ିକୁ ମେ ୨୩ ପର୍ଯ୍ୟନ୍ତ ଭାରତୀୟ ବାୟୁସୀମାରେ ପ୍ରବେଶ କରିବାକୁ ବାରଣ କରାଯାଇଛି।

NOTAM ଅନୁଯାୟୀ, ଏହି ପ୍ରତିବନ୍ଧକ ଏପ୍ରିଲ ୩୦ ରୁ ମେ ୨୩ ପର୍ଯ୍ୟନ୍ତ କାର୍ଯ୍ୟକାରୀ ହେବ। ଏହି ସମୟ ମଧ୍ୟରେ, କୌଣସି ପାକିସ୍ତାନୀ ବିମାନକୁ ଭାରତୀୟ ବାୟୁମଣ୍ଡଳରେ ପ୍ରବେଶ କରିବାକୁ ଅନୁମତି ଦିଆଯିବ ନାହିଁ। ଏହି ପଦକ୍ଷେପ ଏପରି ସମୟରେ ନିଆଯାଇଛି ଯେତେବେଳେ କିଛି ଦିନ ପୂର୍ବରୁ ପାକିସ୍ତାନ ଭାରତୀୟ ବିମାନ କମ୍ପାନୀର ମାଲିକାନା ଏବଂ ପରିଚାଳିତ ସମସ୍ତ ବିମାନ ପାଇଁ ତାର ଆକାଶ ସୀମା ବନ୍ଦ କରିଦେଇଥିଲା, ଯାହାର ଜବାବରେ ଭାରତ ମଧ୍ୟ ପାକିସ୍ତାନୀ ବିମାନ ପାଇଁ ଆକାଶ ସୀମା ଉପରେ ପ୍ରତିବନ୍ଧକ ଲଗାଇଥିଲା।

ସେହିପରି ପାକିସ୍ତାନୀ ସେନା ପୁଣି ଥରେ ଅସ୍ତ୍ରବିରତି ଉଲ୍ଲଂଘନ କରିଛି। ଏହା ଲଗାତାର ସପ୍ତମ ଦିନ ଯେତେବେଳେ ପାକିସ୍ତାନୀ ସେନା ଜମ୍ମୁ ଏବଂ କଶ୍ମୀରର ନିୟନ୍ତ୍ରଣ ରେଖା ଉପରେ ଗୁଳି ଚଳାଇଛି। ଭାରତୀୟ ସେନା ମଧ୍ୟ ଗୁଳିମାଡ଼ର ଜବାବ ଦେଇଛି।