ଆଉ ହେବନି HIV ! ଆସିଲା HIV ପ୍ରତିଷେଧକ ଟୀକା

ଏଚଆଇଭି ଏକ ବିପଦପୂର୍ଣ୍ଣ ଭାଇରସ। ଆଜି ପର୍ଯ୍ୟନ୍ତ ଏଚଆଇଭି ସଂକ୍ରମଣକୁ ସମ୍ପୂର୍ଣ୍ଣ ଭାବରେ ଆରୋଗ୍ୟ କରିବା ପାଇଁ କୌଣସି ଔଷଧ କିମ୍ବା ଟୀକା ତିଆରି ହୋଇନାହିଁ। ତେବେ ଆଶ୍ବସ୍ତିର କଥା ହେଉଛି ଚିକିତ୍ସା ବିଜ୍ଞାନ ଏହି ଭାଇରସକୁ ରୋକିବାରେ ଏକ ବଡ଼ ସଫଳତା ହାସଲ କରିଛି। ଆମେରିକାର ଔଷଧ ନିୟାମକ ୟୁଏସଏଫଡିଏ ଲେନାକାପାଭିରକୁ ପ୍ରି-ଏକ୍ସପୋଜର ପ୍ରୋଫାଇଲାକ୍ସିସ୍ ଭାବରେ ଅନୁମୋଦନ କରିଛି। ଏହା ପ୍ରଥମ ଟୀକା ଯାହା ପ୍ରତି ଛଅ ମାସରେ କେବଳ ଦୁଇଟି ଡୋଜ୍ ନେଇ ଏଚଆଇଭି ସଂକ୍ରମଣକୁ ରୋକିପାରିବ।

ଏହି ଇଞ୍ଜେକ୍ସନ ଉପରେ ଗବେଷଣା କରାଯାଇଥିଲା। ତିନୋଟି ପ୍ରମୁଖ ପରୀକ୍ଷଣର ଫଳାଫଳରୁ ଜଣାପଡିଛି ଯେ ଇଞ୍ଜେକ୍ସନ ନେବା ପରେ, ମହିଳାଙ୍କଠାରେ ଶୂନ୍ୟ (100%) ସଂକ୍ରମଣ ହୋଇଥିଲା ଏବଂ ପୁରୁଷମାନଙ୍କଠାରେ କେବଳ 0.1% ସଂକ୍ରମଣ ହୋଇଥିଲା। ଲେନାକାପାଭିର ଏକ କ୍ୟାପସିଡ୍ ନିରୋଧକ । ଏହା HIV ଭାଇରସର ବାହ୍ୟ ସ୍ତର (କ୍ୟାପସିଡ୍)କୁ ଦୁର୍ବଳ କରିଥାଏ ଏବଂ ଶରୀରରେ ଭାଇରସ ବ୍ୟାପିବାର ପ୍ରକ୍ରିୟାକୁ ବନ୍ଦ କରିଥାଏ ।