ଏକାଠି ଯୁଦ୍ଧ ବିମାନ ଉଡାଇଲେ ବାପଝିଅ, ଛୁଟୁଛି ପ୍ରଶଂସାର ସୁଅ

ଭାରତୀୟ ବାୟୁସେନା ଇତିହାରେ ପ୍ରଥମ ଦେଖବାକୁ ମିଳିଛି ଏହି ଘଟଣା। ଏକାଠି ମିଶି ଯୁଦ୍ଧ ବିମାନ ଉଡାଇଲେ ବାପା ଓ ଝିଅ । ବାୟୁସେନାର ଏୟାର କମାଣ୍ଡର ସଞ୍ଜୟ ଶର୍ମା ଓ ତାଙ୍କ ଝିଅ ଫ୍ଲାଇଂ ଅଫିସର ଅନନ୍ୟା ଶର୍ମା ରଚିଛନ୍ତି ଇତିହାସ ।

Published: Tuesday, July 5, 2022, 22:06 [IST]

ନୂଆଦିଲ୍ଲୀ: ଭାରତୀୟ ବାୟୁସେନା ଇତିହାରେ ପ୍ରଥମ ଦେଖବାକୁ ମିଳିଛି ଏହି ଘଟଣା। ଏକାଠି ମିଶି ଯୁଦ୍ଧ ବିମାନ ଉଡାଇଲେ କର୍ଣ୍ଣାଟକର ବିଦାରର ବାପା ଓ ଝିଅ ଯୋଡି। ସେମାନେ ହେଲେ ବାୟୁସେନାର ଏୟାର କମାଣ୍ଡର ସଞ୍ଜୟ ଶର୍ମା ଓ ତାଙ୍କ ଝିଅ ଫ୍ଲାଇଂ ଅଫିସର ଅନନ୍ୟା ଶର୍ମା ।

ନିଜ ବାପାଙ୍କୁ ଛୋଟ ବେଳୁ ଦେଖିଆସୁଥଲେ ଅନନ୍ୟା । ବଡ ହେବା ପରେ ତାଙ୍କ ମନରେ ମଧ୍ୟ ବାୟୁସେନା ପ୍ରତି ଅହେତୁକ ଦୁର୍ବଳତା ଆସିଥିଲା । ତେଣୁ ସେ ଅନ୍ୟ କୌଣସି ବୃତ୍ତି ବିଷୟରେ ଚିନ୍ତା ନ କରି ଏହାକୁ ଆପଣାଇ ନେଇଥିଲେ । ଅନନ୍ୟା ଇଲେକ୍ଟ୍ରୋନିକ୍ସ ଏବଂ କମ୍ୟୁନିକେସନରେ ବିଟେକ କରିବା ପରେ IAFର ଫ୍ଲାଇଂ ବ୍ରାଞ୍ଚରେ ପ୍ରଶିକ୍ଷଣ ପାଇଁ ମନୋନୀତ ହୋଇଥିଲେ । ଅନନ୍ୟା ବାୟୁସେନାରେ ପାଇଲଟ ଭାବେ କାର୍ଯ୍ୟରତ ଅଛନ୍ତି। ଗତବର୍ଷ ତାଙ୍କୁ ନିଯୁକ୍ତି ମିଳିଥିଲା ।

"ଭାରତୀୟ ବାୟୁସେନାରେ ପୂର୍ବରୁ ଏଭଳି କେହି କରି ନାହାଁନ୍ତି । ସଞ୍ଜୟ ଏବଂ ଅନନ୍ୟା ବାପ-ଝିଅ ଠାରୁ ଅଧିକ ଥିଲେ । ସେମାନେ ସାଥୀ ଥିଲେ, ସାଥୀ ୱିଙ୍ଗମ୍ୟାନ୍ ଙ୍କ ପରି ପରସ୍ପର ଉପରେ ସମ୍ପୂର୍ଣ୍ଣ ବିଶ୍ୱାସ ରଖିଥିଲେ'' ବୋଲି ଭାରତୀୟ ବାୟୁସେନା କହିଛି।

ଗତ 30 ତାରିଖରେ ଏହି ବାପଝିଅ ମିଶି ବିଦାର ବାୟୁସେନା ଷ୍ଟେସନରୁ ହକ-୧୩୨(Hawk-132) ଯୁଦ୍ଧ ବିମାନ ଉଡାଇଛନ୍ତି । ବର୍ତ୍ତମାନ ବାପ-ଝିଅଙ୍କର ଏହି ଫଟୋ ସୋଶାଲ ମିଡିଆରେ ଭାଇରାଲ ହେଉଛି ।

Published On July 5, 2022