ମର୍ମନ୍ତୁଦ ସଡକ ଦୁର୍ଘଟଣା, ଅଟୋକୁ ଧକ୍କା ଦେଲା ଟ୍ୟାଙ୍କର ୧୨ ମୃତ
ଉତ୍ତରପ୍ରଦେଶର ଶାହାଜାହାନପୁରରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି, ଯେଉଁଠାରେ ଦ୍ରୁତ ଗତିରେ ଯାଉଥିବା ଏକ ଟ୍ୟାଙ୍କର ଏକ ଅଟୋକୁ ଧକ୍କା ଦେଇଥିଲା । ଏହି ଦୁର୍ଘଟଣାରେ 12ଜଣଙ୍କର ମୃତ୍ୟୁ ଘଟିଛି । ସୂଚନା ଅନୁଯାୟୀ, ଏକ ଟ୍ୟାଙ୍କର ଆଲ୍ଲାହାଗଞ୍ଜ ପୋଲିସ ଷ୍ଟେଶନ ଅଞ୍ଚଳରେ ଅଟୋକୁ ଧକ୍କା ଦେଇଛି । ପୋଲିସ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛି। ଏହି ଘଟଣା ସେହରା ମାଉ ସାଉଥ ପୋଲିସ ଷ୍ଟେଶନ ଅଞ୍ଚଳରେ ଘଟିଛି।
ମୃତକଙ୍କ ମଧ୍ୟରେ ତିନିଜଣ ମହିଳା, ଗୋଟିଏ ଶିଶୁ ଏବଂ ଆଠ ଜଣ ପୁରୁଷ ଅଛନ୍ତି। ସମସ୍ତେ ଥାନା ମଦନପୁର ଅଞ୍ଚଳର ଧାମ ଗଡା ଗାଁର ବାସିନ୍ଦା ଏବଂ ଆଜି ସେମାନେ ଗଙ୍ଗା ଗାଧୋଇବା ପାଇଁ ଘାଟିଆ ଘାଟକୁ ଯାଉଥିଲେ।
ଅଟୋକୁ ଧକ୍କା ଦେବା ପରେ ମଧ୍ୟ ଟ୍ରକ ଅଟକି ନଥିଲା ଏବଂ ଡ୍ରାଇଭର ସେଠାରୁ ପଳାଇ ଯାଇଥିଲେ। ଗ୍ରାମବାସୀ ଅଭିଯୁକ୍ତ ଟ୍ରକ ଡ୍ରାଇଭରକୁ 12 କିଲୋମିଟର ଦୂରରୁ ଗୋଡ଼ାଇବା ପରେ ଧରିଥିଲେ। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ପ୍ରଶାସନ ମଧ୍ୟ ଘଟଣାସ୍ଥଳରେ ପହଞ୍ଚିଥିଲା। ପୋଲିସ ଅଧୀକାରୀ ଅଶୋକ କୁମାର ମୀନା, ଜଲାଲାବାଦ ଅଞ୍ଚଳର ବିଧାୟକ ହରିପ୍ରକାଶ ଭର୍ମା, ଜିଲ୍ଲା ଅଧିକାରୀ ଉମେଶ ପ୍ରତାପ ସିଂ ଘଟଣାସ୍ଥଳର ତଥ୍ୟ ନେଇଥିଲେ ଏବଂ ଘଟଣା ସମ୍ପର୍କରେ ଲୋକଙ୍କଠାରୁ ତଥ୍ୟ ସଂଗ୍ରହ କରିଥିଲେ। ପୋଲିସ ସମସ୍ତ ଶବକୁ ନିଜ ହେପାଜତକୁ ନେଇ ପୋଷ୍ଟମର୍ଟମ ପାଇଁ ପଠାଇଛି।
ପୋଲିସ ଅଧୀକ୍ଷକ ଅଶୋକ କୁମାର ମୀନା କହିଛନ୍ତି ଯେ ଏହି ଘଟଣା ଅତ୍ୟନ୍ତ ଦୁଃଖଦାୟକ। ଅଟୋରେ ଯାତ୍ରା କରୁଥିବା 12 ଜଣଙ୍କର ମୃତ୍ୟୁ ହୋଇଛି। ଘଟଣାର ତଦନ୍ତ କରାଯାଉଛି। ଆଞ୍ଚଳିକ ବିଧାୟକ ହରିପ୍ରକାଶ ଭର୍ମା କହିଛନ୍ତି ଯେ ଏହି ଦୁଃଖ ପ୍ରକାଶ କରିଛନ୍ତି ।ସେ କହିଛନ୍ତି ଯେ ଏଭଳି ଘଟଣା ଏକ ଯନ୍ତ୍ରଣାଦାୟକ ଘଟଣା ଏବଂ ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ଏହି ଦୁର୍ଘଟଣାରେ ଦୁଃଖ ପ୍ରକାଶ କରିବା ସହ ମୃତକଙ୍କ ପରିବାର ପ୍ରତି ସମବେଦନା ଜଣାଇଛନ୍ତି। ଏହା ସହିତ ଅଧିକାରୀମାନଙ୍କୁ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଉଦ୍ଧାରପାଇଁ ନିର୍ଦ୍ଦେଶ ଦେଇଛନ୍ତି।
Click it and Unblock the Notifications
Sign in with Google