ସରକାରଙ୍କ ବଡ଼ ଘୋଷଣା, ଚାଷୀଙ୍କୁ ମାତ୍ର ୫ ଟଙ୍କାରେ ମିଳିବ....

ମୁଖ୍ୟମନ୍ତ୍ରୀ ମୋହନ ଯାଦବଙ୍କ ବଡ଼ ଘୋଷଣା । ମଧ୍ୟପ୍ରଦେଶ ଚାଷୀଙ୍କ ପାଇଁ ବିଜେପି ସରକାର ବଡ଼ ଘୋଷଣା କରିଛି । ଏଣିକି ଚାଷୀଙ୍କୁ ମାତ୍ର ୫ ଟଙ୍କାରେ ବିଦ୍ୟୁତ ସଂଯୋଗ ଦିଆଯିବ। ଏଭଳି କିଛି ଘୋଷଣା କରି ମୁଖ୍ୟମନ୍ତ୍ରୀ ମୋହନ ଯାଦବ କହିଛନ୍ତି ଯେ ରାଜ୍ୟର ଚାଷୀମାନଙ୍କୁ ୫ ଟଙ୍କାରେ ସ୍ଥାୟୀ ବିଦ୍ୟୁତ ସଂଯୋଗ ଦିଆଯିବ। ଏହା ସହିତ, ଚାଷୀମାନଙ୍କ କ୍ଷେତକୁ ଜଳସେଚନ କରିବା ପାଇଁ ପାଣିର ଉତ୍ତମ ବ୍ୟବସ୍ଥା କରାଯିବ।

ଭୋପାଳରେ ଚାଷୀମାନଙ୍କୁ ସମ୍ବୋଧିତ କରି ମୁଖ୍ୟମନ୍ତ୍ରୀ ମୋହନ ଯାଦବ କହିଛନ୍ତି, ମଧ୍ୟପ୍ରଦେଶ କେନ୍ଦ୍ରୀୟ ବିଦ୍ୟୁତ ବଣ୍ଟନ କମ୍ପାନୀ ଖୁବ୍ ଶୀଘ୍ର ଏହି ଯୋଜନା ଆରମ୍ଭ କରିବ। "ଯେଉଁ ଚାଷୀମାନଙ୍କର ସ୍ଥାୟୀ ବିଦ୍ୟୁତ ସଂଯୋଗ ନାହିଁ, ସେମାନଙ୍କୁ ୫ ଟଙ୍କାରେ ଏହି ସୁବିଧା ଦିଆଯିବ। ଆମେ କୃଷକମାନଙ୍କ ଜୀବନକୁ ଉନ୍ନତ କରିବାକୁ ଚାହୁଁଛୁ।"

ମୁଖ୍ୟମନ୍ତ୍ରୀ ମୋହନ ଯାଦବ କହିଛନ୍ତି, ସରକାର ଜଳସେଚନ ପାଇଁ ସୋଲାର ପମ୍ପ ମାଧ୍ୟମରେ ଚାଷୀମାନଙ୍କୁ ବିଦ୍ୟୁତ୍ ସମ୍ବନ୍ଧୀୟ ସମସ୍ୟାରୁ ମୁକ୍ତ କରିବାକୁ ଚାହୁଁଛନ୍ତି। "ଆସନ୍ତା ତିନି ବର୍ଷ ମଧ୍ୟରେ ଚାଷୀମାନଙ୍କ ପାଇଁ ୩୦ ଲକ୍ଷ ସୌର ଜଳସେଚନ ପମ୍ପ ଉପଲବ୍ଧ କରାଯିବ। ସରକାର ଚାଷୀଙ୍କଠାରୁ ସୌରଶକ୍ତି କିଣିବେ। ଏହା ସହିତ, ସେ ଦାବି କରିଛନ୍ତି, କଂଗ୍ରେସ କ୍ଷମତାରେ ଥିବା ସମୟରେ ଗାଁରେ ଉପଯୁକ୍ତ ଭିତ୍ତିଭୂମି, ବିଦ୍ୟୁତ୍ ଏବଂ ରାସ୍ତା ନଥିଲା, କିନ୍ତୁ ବିଜେପି ଶାସନରେ ପରିସ୍ଥିତିରେ ଉନ୍ନତି ଆସିଛି।