ତାମିଲନାଡୁ: ବାଣ ଗୋଦାମରେ ଭୟଙ୍କର ବିସ୍ଫୋରଣ, ୭ ମୃତ
Firecrackers Godown Explosion in Tamil Nadu: ତାମିଲନାଡୁରେ ବାଣ ଗୋଦାମରେ ପୁଣି ଭୟଙ୍କର ବିସ୍ଫୋରଣ । ନିକଟରେ ଅକ୍ଟୋବର 04 ରେ ମାୟିଲାଡୁଥୁରାଇ ଜିଲ୍ଲାର ଏକ ବାଣ ଫ୍ୟାକ୍ଟ୍ରିରେ ଅଗ୍ନିକାଣ୍ତ ଯୋଗୁଁ ବିସ୍ଫୋରଣରେ 4 ଜଣଙ୍କର ମୃତ୍ୟୁ ଘଟିଥିଲା। ବର୍ତ୍ତମାନ ସୋମବାର ଦିନ ଆରିୟାଲୁର ଜିଲ୍ଲାର ଏକ ବାଣ ଗୋଦାମରେ ଏକ ବଡ଼ ଧରଣର ବିସ୍ଫୋରଣ ଘଟି 7 ଜଣଙ୍କର ମୃତ୍ୟୁ ଘଟିଛି।
ନ୍ୟୁଜ୍ ଏଜେନ୍ସି ANI ଅନୁଯାୟୀ, ଏହା ଆରିୟାଲୁର ଜିଲ୍ଲାର କେଲାପାଲୁର ପୋଲିସ ଷ୍ଟେସନ ଅଧୀନରେ ଥିବା ଭେଟ୍ରିୟୁର ବିରାଗାଲୁରରେ ଘଟିଛି। ସକାଳ ପ୍ରାୟ 9.30 ସମୟରେ ଏହି ବିସ୍ଫୋରଣ ଘଟିଥିବା ନେଇ ସୂଚନା ରହିଛି । ପୋଲିସର ଦେଇଥିବା ସୂଚନା ଅନୁସାରେ, ଏହି ଦୁର୍ଘଟଣାରେ 7 ଜଣଙ୍କର ମୃତ୍ୟୁ ଘଟିଛି।
ଦୁର୍ଘଟଣା ପରେ ଅଗ୍ନିଶମ ବାହିନୀ ଟିମ୍ ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିବାକୁ ଚେଷ୍ଟା କରିଥିଲେ । ଘଟଣା ସହ ଜଡିତ ଏକ ଭିଡିଓ ମଧ୍ୟ ଭାଇରାଲ ହେଉଛି । ଯେଉଁଥିରେ ଚାରିଆଡେ ଭୟଙ୍କର ନିଆଁ ଲାଗିଥିବାର ଦେଖିବା ପାଇଁ ମିଳୁଛି । ଏହି ଦୁର୍ଘଟଣାରେ ୭ ଜଣଙ୍କ ମୃତ୍ୟୁ ହୋଇଥିବା ବେଳେ ଅନେକ ଲୋକ ଆହତ ହୋଇଛନ୍ତି । ସମସ୍ତ ଆହତମାନଙ୍କୁ ତୁରନ୍ତ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
#WATCH | Explosion in a firecrackers godown in Viragalur of Ariyalur district in Tamil Nadu; Police say seven people dead in the incident pic.twitter.com/AODekTlObi
— ANI (@ANI) October 9, 2023
ଦୁର୍ଘଟଣା ସମ୍ପର୍କରେ ପୋଲିସ ଦେଇଥିବା ସୂଚନା ଅନୁସାରେ, କାରଖାନାରେ କାମ କରୁଥିବା ଅନ୍ୟ ଆଠ ଜଣ ଆହତ ହୋଇଛନ୍ତି । ଅନ୍ୟପଟେ ମୃତକଙ୍କର ପରିଚୟ ବର୍ତ୍ତମାନ ପର୍ଯ୍ୟନ୍ତ ମିଳିପାରି ନାହିଁ । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ଏହାପୂର୍ବରୁ ଅକ୍ଟୋବର 04ରେ ତାମିଲନାଡୁର ମାୟିଲାଡୁଥୁରାଇ ଜିଲ୍ଲାର ତାରଙ୍ଗମ୍ବାଡି ତାଲୁକର ତିଲୟାଦୀ ଗାଁରେ ବଡ଼ ଧରଣର ବିସ୍ଫୋରଣ ଘଟି ଚାରି ଜଣଙ୍କର ମୃତ୍ୟୁ ଘଟିଥିଲା ।
Click it and Unblock the Notifications
Sign in with Google