ବିଦିଶା ଆସନରୁ ନାମଙ୍କନ ଦାଖଲ କରିଲେ ଶିବରାଜ, କହିଲେ ମୋର.....

Updated: Friday, April 19, 2024, 20:34 [IST]

ଭୋପାଳ: ବିଜେପିର ବରିଷ୍ଠ ନେତା ତଥା ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ବିଦିଶା ଲୋକସଭା ଆସନରୁ ପ୍ରାର୍ଥୀ ଭାବେ ଶୁକ୍ରବାର ନାମାଙ୍କନପତ୍ର ଦାଖଲ କରିଛନ୍ତି । ନାମାଙ୍କନପତ୍ର ଦାଖଲ ପୂର୍ବରୁ ଭୋପାଳସ୍ଥିତ ବାସଭବନରେ ଶିବରାଜ ସ୍ତ୍ରୀଙ୍କ ସହ ପୂଜାର୍ଚ୍ଚନା କରିଥିଲେ । ପରେ ସମର୍ଥକଙ୍କ ସହ ଏକ ରୋଡ ଶୋ'ରେ ବାହାରି କଲେକ୍ଟରଙ୍କ କାର୍ଯ୍ୟାଳୟରେ ପହଞ୍ଚି ଥିଲେ ।

ପରେ ଭାଜପା ବରିଷ୍ଠ ନେତୃବୃନ୍ଦଙ୍କ ଉପସ୍ଥିତିରେ ନାମାଙ୍କନପତ୍ର ଦାଖଲ କରିଥିଲେ । ନାମାଙ୍କନ ଦାଖଲ କରିବା ପରେ ଚୌହାନ କହିଛନ୍ତି, 'ଜନସେବା ମୋ ଜୀବନର ଲକ୍ଷ୍ୟ । ଜୀବନର ପ୍ରତ୍ୟେକ ମୁହୂର୍ତ୍ତ, ପ୍ରତ୍ୟେକ ନିଶ୍ୱାସ ଜନସାଧାରଣଙ୍କ ପାଇଁ ଉତ୍ସର୍ଗୀକୃତ । ବିଦିଶା ଆସନ ଲାଗି ନାମାଙ୍କନ ଭରିବା ପୂର୍ବରୁ ଶିବରାଜ ସିଂ ଚୌହାନ ଏକ ରୋଡ ସୋ କରିଥିଲେ । ଏହି ସମୟରେ ତାଙ୍କ ନାମାଙ୍କନପତ୍ର ଦାଖଲ କରିବାବେଳେ ସେ କହିଥିଲେ, 'ମୋର ସୌଭାଗ୍ୟ ଯେ ମୋତେ ପୁନର୍ବାର ଜନସାଧାରଣଙ୍କ ସେବା କରିବାର ସୁଯୋଗ ମିଳିଛି ...

ସେଠାରେ ବହୁତ ଉତ୍ସାହଜନକ ପରିବେଶ ଅଛି ...' କେବଳ ଏତିକି ନୁହେଁ ସେ କହିଛନ୍ତି ଯେ ଆମକୁ ଆଗକୁ ବଢ଼ିବାକୁ ପଡିବ,, ଦେଶକୁ ସମୃଦ୍ଧ କରିବାକୁ ପଡିବ । କେବଳ ଏତିକି ନୁହେଁ, ପୂର୍ବତନ ସିଏମ ଏବଂ ବିଜେପି ପ୍ରାର୍ଥୀ ଶିବରାଜ ସିଂ ଚୌହାନ ମଧ୍ୟ ରାଇସେନରେ ସାଧାରଣ ସଭାକୁ ସମ୍ବୋଧିତ କରିଥିଲେ । ସେ କହିଛନ୍ତି ଯେ ରାଇସେନ୍ ସଂସଦୀୟ କ୍ଷେତ୍ର ହେଉଛି ମୋର ପରିବାର । ମୁଁ ଭାଗ୍ୟବାନ ଯେ ଏହି ପୃଥିବୀକୁ ପୁନର୍ବାର ସେବା କରିବାର ସୁଯୋଗ ପାଇଛି ।