ନିର୍ବାଚନୀ ମଇଦାନରେ ଏଣ୍ଟ୍ରି ମାରିଲେ କଳ୍ପନା, ଏହି ଆସନରୁ କରିବେ ପ୍ରତିଦ୍ୱନ୍ଦିତା
ରାଞ୍ଚି: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ସ୍ତ୍ରୀ କଳ୍ପନା ସୋରେନ ନିର୍ବାଚନ ମଇଦାନରେ ମାରିଛନ୍ତି ଏଣ୍ଟ୍ରି । କଳ୍ପନା ଝାଡ଼ଖଣ୍ଡର ଗାଂଡେୟ ବିଧାନସଭା ଆସନରୁ ଉପ-ନିର୍ବାଚନରେ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା ତାଙ୍କୁ ପ୍ରାର୍ଥୀ ଘୋଷଣା କରିଛନ୍ତି । ଯଦିଓ ତାଙ୍କୁ ନିର୍ବାଚନ ରାଲିରେ ଦେଖିବାକୁ ମିଳିଥିଲା,
କଳ୍ପନା ସୋରେନ ମଧ୍ୟ ନିର୍ବାଚନ ରାଜନୀତିରେ ଯୋଗଦେବେ କି ନାହିଁ ସେନେଇ ଅନେକ ଆଲୋଚନା ହୋଇଥିଲା । ବର୍ତ୍ତମାନ ସେହି ଦଳର ପ୍ରାର୍ଥୀଙ୍କ ଘୋଷଣା ପରେ ଚିତ୍ର ସମ୍ପୂର୍ଣ୍ଣ ସ୍ପଷ୍ଟ ହୋଇଯାଇଛି । ମେ ୨୦ରେ ଏହି ଆସନରେ ମତଦାନ ଅନୁଷ୍ଠିତ ହେବ । ଗାଂଡେୟ ବିଧାନସଭା ଆସନ ଝାଡଖଣ୍ଡର ଗିରିଡିହ ଜିଲ୍ଲା ଅଧୀନରେ ଆସୁଥିବାବେଳେ ନିକଟରେ କଳ୍ପନା ସେଠାରେ ଜେଏମଏମ କର୍ମୀ ସମ୍ମିଳନୀକୁ ମଧ୍ୟ ସମ୍ବୋଧିତ କରିଥିଲେ ।
ହେମନ୍ତ ସୋରେନ ଗିରଫ ହେବା ପୂର୍ବରୁ ମଧ୍ୟ କଳ୍ପନା ସୋରେନଙ୍କ ନାମ ଝାଡଖଣ୍ଡର ରାଜନୀତିରେ ଶୁଣିବାକୁ ମିଳିଥିଲା । ଯେତେବେଳେ ହେମନ୍ତ ସୋରେନଙ୍କୁ ଇଡି ଗିରଫ କରିବାର ଥିଲା, ସେତେବେଳେ ସେ ତାଙ୍କ ବାସଭବନରେ ଦଳର ନେତାଙ୍କ ଏକ ବୈଠକ ଡାକିଥିଲେ । ସେହି ବୈଠକରେ କଳ୍ପନା ସୋରେନ ମଧ୍ୟ ଯୋଗ ଦେଇଥିଲେ ।
Click it and Unblock the Notifications
Sign in with Google