EPS Pension: EPFO ମେମ୍ୱରଙ୍କ ପାଇଁ ଖୁସି ଖବର, ୭୫୦୦ ହେବ ମିନିମନ ପେନସନ!

କୋଟି କୋଟି EPFO ସଦସ୍ୟଙ୍କୁ ଖୁବ୍ ଶୀଘ୍ର ଖୁସି ଖବର ମିଳିପାରେ। ଗଣମାଧ୍ୟମ ରିପୋର୍ଟ ଅନୁସାରେ, ଏକ ସଂସଦୀୟ କମିଟି ଦାବି କରିଛି ଯେ ଘରୋଇ କ୍ଷେତ୍ରର କର୍ମଚାରୀଙ୍କ ପାଇଁ ସର୍ବନିମ୍ନ ପେନସନ ୧,୦୦୦ ଟଙ୍କାରୁ ୭,୫୦୦ ଟଙ୍କାକୁ ବୃଦ୍ଧି କରାଯାଉ ।

୨୦୧୪ ମସିହାରେ, କେନ୍ଦ୍ର ସରକାର EPFO ସବସ୍କ୍ରାଇବରମାନଙ୍କୁ ଦିଆଯାଉଥିବା ସର୍ବନିମ୍ନ ପେନସନକୁ ପ୍ରତିମାସ ୨୫୦ ଟଙ୍କାରୁ ୧୦୦୦ ଟଙ୍କାକୁ ବୃଦ୍ଧି କରିଥିଲେ।

EPS Pension Hike: ଟ୍ରେଡ୍ ୟୁନିଅନ୍ ଓ ପେନସନଭୋଗୀ ସଂଘଗୁଡ଼ିକ ଦୀର୍ଘ ଦିନ ଧରି ଦାବି କରିଆସୁଛନ୍ତି ଯେ ସର୍ବନିମ୍ନ ପେନସନକୁ ପ୍ରତି ମାସରେ ଅତି କମରେ ୭୫୦୦ ଟଙ୍କାକୁ ବୃଦ୍ଧି କରାଯାଉ। ମୁଦ୍ରାସ୍ଫୀତି ବହୁତ ବଢ଼ିଯାଇଛି, ତେଣୁ ପେନସନ ମଧ୍ୟ ବୃଦ୍ଧି ହେବା ଉଚିତ, ବୋଲି ସେମାନଙ୍କ ଦାବି । ଆପଣଙ୍କୁ କହିରଖୁଛୁ ଯେ, ଗତ ୧୧ ବର୍ଷ ମଧ୍ୟରେ ଏଥିରେ କୌଣସି ପରିବର୍ତ୍ତନ କରାଯାଇ ନାହିଁ।

ଗଣମାଧ୍ୟମ ରିପୋର୍ଟ ଅନୁସାରେ, ଶ୍ରମ ସମ୍ପର୍କିତ ସଂସଦୀୟ ସ୍ଥାୟୀ କମିଟି କେନ୍ଦ୍ର ସରକାରଙ୍କୁ EPFOର କର୍ମଚାରୀ ପେନସନ ଯୋଜନା (EPS) ଅଧୀନରେ ଦିଆଯାଉଥିବା ସର୍ବନିମ୍ନ ପେନସନ ବୃଦ୍ଧି କରିବାକୁ ଅନୁରୋଧ କରିଛି। ବର୍ତ୍ତମାନ ଏହି ପେନସନ ମାସିକ ୧ ହଜାର ଟଙ୍କା।

ଏହା ଉପରେ କମିଟି କହିଛି ଯେ ୨୦୧୪ ତୁଳନାରେ ୨୦୨୫ରେ ମୁଦ୍ରାସ୍ଫୀତି ବହୁ ଗୁଣ ବୃଦ୍ଧି ପାଇଛି ଓ ତେଣୁ ପେନସନ ବୃଦ୍ଧି କରିବାର ଆବଶ୍ୟକତା ରହିଛି। କମିଟି ଆହୁରି କହିଛି ଯେ ଆର୍ଥିକ ପ୍ରଭାବକୁ ଧ୍ୟାନରେ ରଖି, ସରକାରଙ୍କୁ ପେନସନଭୋଗୀ ଏବଂ ସେମାନଙ୍କ ପରିବାର ସଦସ୍ୟଙ୍କୁ ମନେ ରଖି ଏଥିପ୍ରତି ଧ୍ୟାନ ଦେବାକୁ ପଡିବ।

ଏହା ଉପରେ କମିଟି କହିଛି ଯେ ଯୋଜନା ଆରମ୍ଭ ହେବାର ୩୦ ବର୍ଷ ପରେ ଏହାର ତୃତୀୟ ପକ୍ଷ ମୂଲ୍ୟାଙ୍କନ କରାଯାଉଛି। କମିଟି କହିଛି ଯେ ଏହି କାର୍ଯ୍ୟ ୨୦୨୫ ବର୍ଷ ଶେଷ ହେବା ପୂର୍ବରୁ ଏକ ନିର୍ଦ୍ଦିଷ୍ଟ ସମୟସୀମା ମଧ୍ୟରେ ସମାପ୍ତ ହେବା ଉଚିତ।
।ବେସରକାରୀ ଚାକିରି କରୁଥିବା ଲୋକଙ୍କ ପାଇଁ, EPF ଆକାଉଣ୍ଟ ପାଇଁ ସେମାନଙ୍କ ମୂଳ ଦରମା ଉପରେ ୧୨% ହ୍ରାସ କରାଯିବ। ଏହା ସହିତ, କମ୍ପାନୀ କର୍ମଚାରୀଙ୍କ ପିଏଫ ଆକାଉଣ୍ଟରେ ଏତେ ଟଙ୍କା ଜମା କରେ ଓ ନିଯୁକ୍ତିଦାତାଙ୍କ ଦ୍ୱାରା ଜମା ହୋଇଥିବା ଟଙ୍କାରୁ, ୮.୩୩ ପ୍ରତିଶତ EPS କୁ ଯାଏ, ଯେତେବେଳେ ବାକି ୩.୬୭ ପ୍ରତିଶତ EPF କୁ ଯାଏ।