ହୋଟେଲ ଓ ରେଷ୍ଟୁରାଣ୍ଟରେ ବାଂଲାଦେଶୀମାନଙ୍କ ପ୍ରବେଶ ନିଷେଧ ; ତ୍ରିପୁରା ହୋଟେଲ ମାଲିକ ସଂଘର ବଡ ନିଷ୍ପତ୍ତି
ବାଂଲାଦେଶରେ ଦିନକୁ ଦିନ ହିନ୍ଦୁଙ୍କ ଉପରେ ଆକ୍ରମଣ ଓ ଅତ୍ୟାଚାର ବଢ଼ିବାରେ ଲାଗିଛି । ଏହାକୁ ନେଇ ବିଭିନ୍ନ ଦେଶରେ ମଧ୍ୟ ବିଦ୍ରୋହ ଦେଖିବାକୁ ମିଳୁଛି । ଏହାରି ଭିତରେ ବାଂଲାଦେଶୀଙ୍କ ପାଇଁ ବଡ ନିଷ୍ପତ୍ତି ନେଇଛି ତ୍ରିପୁରା ହୋଟେଲ ମାଲିକ ସଂଘ। ବାଂଲାଦେଶୀ ପର୍ଯ୍ୟଟକଙ୍କ ପାଇଁ କଟକଣା ଜାରି ହେବ । ବାଂଲାଦେଶରେ ଭାରତୀୟ ପତାକାକୁ ଅପମାନକୁ ଦୃଷ୍ଟିରେ ରଖି ଅଲ ତ୍ରିପୁରା ହୋଟେଲ ଏବଂ ରେଷ୍ଟୁରାଣ୍ଟ ମାଲିକ ସଂଘ (ATROA) ବାଂଲାଦେଶୀ ପର୍ଯ୍ୟଟକଙ୍କୁ ଏହାର ସେବା ପ୍ରଦାନ ନକରିବାକୁ ନିଷ୍ପତ୍ତି ନେଇଛି। ଆସୋସିଏସନ ଏହି ସୂଚନା ଦେଇଛି ।
ସୋମବାର ଅନୁଷ୍ଠିତ ଏକ ଜରୁରୀ ବୈଠକରେ ଏହି ନିଷ୍ପତ୍ତି ନିଆଯାଇଛି ବୋଲି ଆଥ୍ରୋଆର ସାଧାରଣ ସମ୍ପାଦକ କହିଛନ୍ତି। ସେ କହିଛନ୍ତି, "ଭାରତ ଏକ ଧର୍ମନିରପେକ୍ଷ ଦେଶ ଏବଂ ଆମେ ସମସ୍ତ ଧର୍ମକୁ ସମ୍ମାନ ଦେଉଛୁ। ଆମର ଜାତୀୟ ପତାକା ଅପମାନିତ ହୋଇଛି ଏବଂ ବାଂଲାଦେଶର ଏକ ମୌଳିକବାଦୀ ସଂଖ୍ୟାଲଘୁଙ୍କୁ ହଇରାଣ କରୁଛନ୍ତି। ପୂର୍ବରୁ ମଧ୍ୟ ଏପରି ଘଟଣା ଘଟିଥିଲା, କିନ୍ତୁ ବର୍ତ୍ତମାନ ସମସ୍ତ ସୀମା ଅତିକ୍ରମ କରିସାରିଛି।
ଏହାପୂର୍ବରୁ ବେସରକାରୀ ଡାକ୍ତରଖାନା 'ଆଇଏଲ୍ଏସ୍ ହସ୍ପିଟାଲ୍' ପଡୋଶୀ ଦେଶରେ ସଂଖ୍ୟାଲଘୁଙ୍କ ଉପରେ ହେଉଥିବା ଅତ୍ୟାଚାରକୁ ବିରୋଧ କରି ବାଂଲାଦେଶର କୌଣସି ରୋଗୀଙ୍କୁ ଚିକିତ୍ସା ନକରିବାକୁ ଘୋଷଣା କରିଥିଲା।
Click it and Unblock the Notifications
Sign in with Google