ସକ୍ଷମ ଅଙ୍ଗନବାଡି ଓ ପୋଷଣ ୨.୦ କାର୍ଯ୍ୟକ୍ରମ ଅଧୀନରେ ପୋଷଣ ସହାୟତା ବୃଦ୍ଧି

କେନ୍ଦ୍ର ଅର୍ଥ ଓ କର୍ପୋରେଟ୍ ବ୍ୟାପାର ମନ୍ତ୍ରୀ ଶ୍ରୀମତୀ ନିର୍ମଳା ସୀତାରମଣ ଆଜି ସଂସଦରେ ୨୦୨୫-୨୬ ଆର୍ଥିକ ବର୍ଷର ବଜେଟ୍ ଉପସ୍ଥାପନ କରିବା ଅବସରରେ କହିଛନ୍ତି ଯେ ନିବେଶ ହେଉଛି ବିକାଶର ତୃତୀୟ ଇଞ୍ଜିନ୍, ଯେଉଁଥିରେ ଲୋକଙ୍କ ମଧ୍ୟରେ ପୁଞ୍ଜିନିବେଶ, ଅର୍ଥନୀତିରେ ପୁଞ୍ଜିନିବେଶ ଏବଂ ଉଦ୍ଭାବନ କ୍ଷେତ୍ରରେ ପୁଞ୍ଜିନିବେଶ ଅନ୍ତର୍ଭୁକ୍ତ।

ଲୋକଙ୍କୁ ପୁଞ୍ଜିନିବେଶ କରିବାର ଏକ ଅଂଶ ଭାବରେ କେନ୍ଦ୍ର ବଜେଟ ୨୦୨୫-୨୬ରେ ସକ୍ଷମ ଅଙ୍ଗନୱାଡି ଏବଂ ପୋଷଣ ୨.୦ କାର୍ଯ୍ୟକ୍ରମ ଅଧୀନରେ ପୋଷଣ ସହାୟତା ପାଇଁ ଖର୍ଚ୍ଚ ନିୟମକୁ ବୃଦ୍ଧି କରିବାକୁ ପ୍ରସ୍ତାବ ଦିଆଯାଇଛି । ଏହି କାର୍ଯ୍ୟକ୍ରମରେ ସମଗ୍ର ଦେଶରେ ୮ କୋଟିରୁ ଅଧିକ ଶିଶୁ, ୧ କୋଟି ଗର୍ଭବତୀ ମହିଳା ଓ ସ୍ତନ୍ୟପାନ କରାଉଥିବା ମା' ଏବଂ ଆକାଂକ୍ଷୀ ଜିଲ୍ଲା ଏବଂ ଉତ୍ତର-ପୂର୍ବାଞ୍ଚଳର ପ୍ରାୟ ୨୦ ଲକ୍ଷ କିଶୋରୀଙ୍କୁ ପୋଷଣ ସହାୟତା ଯୋଗାଇ ଦିଆଯିବ।

କେନ୍ଦ୍ର ଅର୍ଥମନ୍ତ୍ରୀ ତାଙ୍କ ବଜେଟ୍ ଅଭିଭାଷଣରେ ଆଗାମୀ ୩ ବର୍ଷ ମଧ୍ୟରେ ସମସ୍ତ ଜିଲ୍ଲା ଡାକ୍ତରଖାନାରେ ଡେ କେୟାର କ୍ୟାନସର ସେଣ୍ଟର ପ୍ରତିଷ୍ଠା କରିବାକୁ ଘୋଷଣା କରିଛନ୍ତି। ୨୦୨୫-୨୬ରେ ୨୦୦ କେନ୍ଦ୍ର ପ୍ରତିଷ୍ଠା କରାଯିବ। ଆଗାମୀ ୫ ବର୍ଷରେ ୭୫ ହଜାର ସିଟ୍ ଯୋଡ଼ିବା ଲକ୍ଷ୍ୟ ରେ ଆସନ୍ତା ବର୍ଷ ମେଡିକାଲ କଲେଜ ଓ ହସ୍ପିଟାଲରେ ୧୦ ହଜାର ଅତିରିକ୍ତ ସିଟ୍ ଯୋଡ଼ାଯିବ ବୋଲି ବଜେଟରେ ଉଲ୍ଲେଖ କରାଯାଇଛି।

ଦକ୍ଷତା ବୃଦ୍ଧି ଏବଂ ସହଜ ଭିସା ନିୟମ ସହିତ ଘରୋଇ କ୍ଷେତ୍ର ସହ ଭାଗିଦାରୀରେ ମେଡିକାଲ ଟୁରିଜିମ୍ ଆଣ୍ଡ ହିଲ୍ ଇନ୍ ଇଣ୍ଡିଆକୁ ପ୍ରୋତ୍ସାହିତ କରାଯିବ ବୋଲି ଅର୍ଥମନ୍ତ୍ରୀ ସୂଚନା ଦେଇଛନ୍ତି।

ଔଷଧ ଆମଦାନୀ ଉପରେ ରିହାତି

ବିଶେଷ କରି କର୍କଟ, ବିରଳ ରୋଗ ଏବଂ ଅନ୍ୟାନ୍ୟ ଗମ୍ଭୀର କ୍ରନିକ ରୋଗରେ ପୀଡ଼ିତ ରୋଗୀଙ୍କୁ ଆଶ୍ୱସ୍ତି ଦେବା ପାଇଁ କେନ୍ଦ୍ର ଅର୍ଥମନ୍ତ୍ରୀ ମୌଳିକ ସୀମା ଶୁଳ୍କ (ବିସିଡି) ରୁ ସମ୍ପୂର୍ଣ୍ଣ ମୁକ୍ତ ଔଷଧ ତାଲିକାରେ ୩୬ଟି ଜୀବନ ରକ୍ଷାକାରୀ ଔଷଧ ସାମିଲ୍ କରିବାକୁ ପ୍ରସ୍ତାବ ଦେଇଛନ୍ତି।

ଏହି ତାଲିକାରେ ୬ଟି ଜୀବନ ରକ୍ଷାକାରୀ ଔଷଧକୁ ସାମିଲ କରିବା ପାଇଁ ମଧ୍ୟ ଅର୍ଥମନ୍ତ୍ରୀ ପ୍ରସ୍ତାବ ଦେଇଛନ୍ତି, ଯେଉଁଥିରେ ୫% ରିହାତି ସୀମା ଶୁଳ୍କ ଲାଗୁ ହେବ । ଉପରୋକ୍ତ ଉତ୍ପାଦନ ପାଇଁ ବଲ୍କ ଔଷଧ ଉପରେ ଯଥାକ୍ରମେ ସମ୍ପୂର୍ଣ୍ଣ ଛାଡ଼ ଏବଂ ରିହାତି ଶୁଳ୍କ ଲାଗୁ ହେବ।

ବଜେଟରେ ଏହା ମଧ୍ୟ ଉଲ୍ଲେଖ କରାଯାଇଛି ଯେ ଔଷଧ କମ୍ପାନୀ ଦ୍ୱାରା ପରିଚାଳିତ ରୋଗୀ ସହାୟତା କାର୍ଯ୍ୟକ୍ରମ ଅଧୀନରେ ଔଷଧ ବିସିଡିରୁ ସମ୍ପୂର୍ଣ୍ଣ ମୁକ୍ତ, ଯଦି ରୋଗୀଙ୍କୁ ମାଗଣାରେ ଔଷଧ ଯୋଗାଇ ଦିଆଯାଏ । ବଜେଟରେ ୧୩ଟି ନୂଆ ରୋଗୀ ସହାୟତା କାର୍ଯ୍ୟକ୍ରମ ସହ ଆଉ ୩୭ ଟି ଔଷଧ ଯୋଡିବାକୁ ପ୍ରସ୍ତାବ ରହିଛି।