୧୬ ହଜାର କୋଟି ଟଙ୍କାର ନିର୍ବାଚନୀ ବଣ୍ଡ ୨୦୨୨ ସୁଦ୍ଧା ହୋଇଛି ବିକ୍ରି , ଜାଣନ୍ତୁ କେଉଁ ଦଳ କେତେ ପାଇଛି ଦାନ
ନୂଆଦିଲ୍ଲୀ: ନିର୍ବାଚନୀ ବଣ୍ଡ ସ୍କିମ୍ ଉପରେ ଆଜି ଏକ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି ସୁପ୍ରିମକୋର୍ଟ । ଏହି ଯୋଜନାକୁ ଅସାମ୍ବିଧାନିକ ବୋଲି କହିବା ସହ ଏହାକୁ ରଦ୍ଦ କରି ଦେଇଛନ୍ତି ସୁପ୍ରିମକୋର୍ଟ ।୨୦୧୬ରୁ ୨୦୨୨ ମଧ୍ୟରେ ଏହି ଯୋଜନା ଅଧୀନରେ ଦିଆଯାଇଥିବା ଅନୁଦାନର ୬୦% ରୁ ଅଧିକ ପାଇଥିବାରୁ ସୁପ୍ରିମକୋର୍ଟ ନିର୍ବାଚନ ବଣ୍ଡ ଯୋଜନାକୁ ବନ୍ଦ କରିବା ପରେ ଭାରତୀୟ ଜନତା ପାର୍ଟି(ଭାଜପା) ସବୁଠାରୁ ଅଧିକ କ୍ଷତି ସହିବାର ସମ୍ଭାବନା ରହିଛି ।
ଏହି ଯୋଜନା ନାଗରିକଙ୍କ ସୂଚନା ଅଧିକାରକୁ ଉଲ୍ଲଂଘନ କରୁଛି ବୋଲି କୋର୍ଟ କହିଛନ୍ତି । ଅନ୍ୟପଟେ ନିର୍ବାଚନ କମିଶନଙ୍କ ତଥ୍ୟ ଅନୁଯାୟୀ, ୨୦୧୬ରୁ ୨୦୨୨ ମଧ୍ୟରେ ୧୬,୪୩୭.୬୩ କୋଟି ଟଙ୍କାର ୨୮,୦୩୦ ଇଲେକ୍ଟୋରାଲ ବଣ୍ଡ ବିକ୍ରି ହୋଇଛି । ବିଜେପି ଏହି ଦାନର ପ୍ରାଥମିକ ହିତାଧିକାରୀ ଥିଲା ଏବଂ ୧୦,୧୨୨ କୋଟି ଟଙ୍କା ପାଇଥିଲା, ଯାହା କି ମୋଟ ଦାନର ପ୍ରାୟ ୬୦% ।
ମୁଖ୍ୟ ବିରୋଧୀ ଦଳ କଂଗ୍ରେସ ସମାନ ସମୟ ମଧ୍ୟରେ ୧୫୪୭ କୋଟି ଟଙ୍କା ବା ୧୦ ପ୍ରତିଶତ ପାଇ ଦ୍ୱିତୀୟ ସ୍ଥାନରେ ରହିଥିବା ବେଳେ ପଶ୍ଚିମବଙ୍ଗର ଶାସକ ତୃଣମୂଳ କଂଗ୍ରେସକୁ ୮୨୩ କୋଟି ଟଙ୍କା ବା ସମସ୍ତ ଇଲେକ୍ଟୋରାଲ ବଣ୍ଡର ୮ ପ୍ରତିଶତ ମିଳିଛି ।
ରିପୋର୍ଟ ଅନୁଯାୟୀ ସାତୋଟି ଜାତୀୟ ଦଳ ଗ୍ରହଣ କରିଥିବା ଚାନ୍ଦା ଗୁଡ଼ିକ ହେଉଛି , ବିଜେପି:, ୧୦,୧୨୨ କୋଟି ଟଙ୍କା, କଂଗ୍ରେସ: ୧,୫୪୭ କୋଟି ଟଙ୍କା, ଟିଏମସି: ୮୨୩ କୋଟି ଟଙ୍କା, ସିପିଆଇ(ଏମ):୩୬୭ କୋଟି ଟଙ୍କା,
ଏନସିପି: ୩୧ କୋଟି ଟଙ୍କା, ବିଏସପି: ୮୫ କୋଟି ଟଙ୍କା, ସିପିଆଇ: ୧୩ କୋଟି ଟଙ୍କା ପାଇଛନ୍ତି ଚନ୍ଦା ଏହି ତଥ୍ୟ ଏହା ମଧ୍ୟ ଦର୍ଶାଉଛି ଯେ ୨୦୧୭ ରୁ ୨୦୨୨ ପର୍ଯ୍ୟନ୍ତ କଂଗ୍ରେସ ତୁଳନାରେ ନିର୍ବାଚନ ବଣ୍ଡ ମାଧ୍ୟମରେ ବିଜେପି ପାଞ୍ଚ ଗୁଣ ଅଧିକ ଚାନ୍ଦା ପାଇଛି ।
Click it and Unblock the Notifications
Sign in with Google