ଝାଡ଼ଖଣ୍ଡରେ ଡଙ୍ଗା ବୁଡି ଗୋଟିଏ ପରିବାର 8 ମୃତ

ଝାଡଖଣ୍ଡର କୋଡରମାରେ ଡଙ୍ଗା ଓଲଟି 8 ଜଣଙ୍କ ମୃତ୍ୟୁ ହୋଇଛି । ଗୋଟିଏ ପରିବାରର 9ଜଣ ସଦସ୍ୟ ପଞ୍ଚଖେରୋ ଡ୍ୟାମ ବୁଲିବାକୁ ଆସିଥିଲେ । ଡଙ୍ଗାରେ ଯାଉଥିବା ବେଳେ ଡଙ୍ଗାଟି ଓଲଟି ପଡିଥିଲା।

ରାଞ୍ଚି: ଝାଡଖଣ୍ଡର କୋଡରମାରେ ଡଙ୍ଗା ଓଲଟି 8 ଜଣଙ୍କ ମୃତ୍ୟୁ ହୋଇଛି । ଗୋଟିଏ ପରିବାରର 9ଜଣ ସଦସ୍ୟ ପଞ୍ଚଖେରୋ ଡ୍ୟାମ ବୁଲିବାକୁ ଆସିଥିଲେ । ଡଙ୍ଗାରେ ଯାଉଥିବା ବେଳେ ଡଙ୍ଗାଟି ଓଲଟି ପଡିଥିଲା। ପ୍ରବଳ ପବନ ପରେ ଡ୍ୟାମ ପାଣି ଅସ୍ଥିରତା କାରଣରୁ ଡଙ୍ଗା ଓଲଟି ପଡ଼ିଥିଲା । ଆଉ ସମସ୍ତେ ପାଣିରେ ବୁଡ଼ି ଯାଇଥିଲେ।
ପରିବାରର ସଦସ୍ୟ ପ୍ରଦୀପ ସିଂ ପହଁରି କୂଳକୁ ଆସିବାରେ ସମର୍ଥ ହୋଇଥିଲେ । ଏହାପରେ ଲୋକମାନଙ୍କୁ ଜଣାଇଥିଲେ । ମରକଚ୍ଚୋ ଥାନା ପୋଲିସ ଓ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ଶବଗୁଡିକୁ ଡ୍ୟାମରୁ ଉଦ୍ଧାର କରିଛି ।

ସୂଚନାନୁଯାୟୀ, ଗିରିଡିହ ଜିଲ୍ଲାର ରାଜଧନୱାର ଥାନା ଅଞ୍ଚଳର ଖେତୋଂ ଗାଁର ଏକ ପରିବାର ଡ୍ୟାମ ବୁଲିବା ପାଇଁ ଆସିଥିଲେ । ସମସ୍ତେ ଗୋଟିଏ ଡଙ୍ଗାରେ ବସି ଯାଉଥିଲେ । ହେଲେ ହଠାତ ପ୍ରବଳ ବର୍ଷା ଓ ପବନ କାରଣରୁ ଡଙ୍ଗାଟି ଓଲଟି ପଡ଼ିଥିଲା । ଦୁର୍ଘଟଣା ପରେ ନାବିକ ଏଥିରୁ ପହଁରି ବାହାରକୁ ଆସିଥିଲେ । ଏହାପରେ ସେ ଫେରାର ହୋଇଯାଇଛନ୍ତି ।

ଏହି ଦୁର୍ଘଟଣାରେ ପ୍ରାଣ ହରାଇଥିବା ବ୍ୟକ୍ତି ମାନେ ହେଲେ, ପ୍ରଦୀପ ସିଂହଙ୍କ 17 ବର୍ଷୀୟ ପୁତ୍ର ଶିବମ ସିଂହ ଏବଂ 14ବର୍ଷୀୟା ପଲକ କୁମାରୀ, 40 ବର୍ଷୀୟ ସୀତାରାମ ଯାଦବ ଏବଂ ତାଙ୍କର ତିନି ସନ୍ତାନ 16 ବର୍ଷୀୟା ଶେଜଲ କୁମାରୀ, 8 ବର୍ଷୀୟ ହର୍ଷଲ କୁମାର, 5ବର୍ଷୀୟ ବଉଭା, 16 ବର୍ଷୀୟ ରାହୁଲ କୁମାର, 14ବର୍ଷୀୟ ଅମିତ କୁମାର ରହିଛନ୍ତି।

English summary

Two of the total 10 people on board the capsized boat have been rescued, while the search for eight others is currently underway. The local villagers informed the authorities who immediately rushed to the spot and commenced the rescue operation.