ସୁପ୍ରିମକୋର୍ଟଙ୍କ ବଡ଼ ନିଷ୍ପତ୍ତି, ମଦ୍ରାସାରେ ଜାରି ରହିବ ପାଠପଢା
ନୂଆଦିଲ୍ଲୀ: ଉତ୍ତର ପ୍ରଦେଶ ସରକାର ଆଣିଥିବା ମଦ୍ରାସା ଆଇନକୁ ନେଇ ସୁପ୍ରିମକୋର୍ଟ ଶୁକ୍ରବାର ଏକ ବଡ ନିଷ୍ପତ୍ତି ନେଇଛନ୍ତି। ୟୁପି'ର ୧୬ ହଜାର ମଦ୍ରାସାର ୧୭ ଲକ୍ଷ ଛାତ୍ରଙ୍କୁ ସୁପ୍ରିମକୋର୍ଟଙ୍କ ବଡ଼ ଆଶ୍ୱସ୍ତି । କୋର୍ଟଙ୍କ ନିର୍ଦ୍ଦେଶ ଅନୁଯାୟୀ, ବର୍ତ୍ତମାନ ଶିକ୍ଷା ୨୦୦୪ ଆଇନ ଅନୁଯାୟୀ ମଦ୍ରାସାଗୁଡ଼ିକରେ ପାଠପଢା ଜାରି ରହିବ । ଆହ୍ଲାବାଦ ହାଇକୋର୍ଟଙ୍କ ନିଷ୍ପତ୍ତିକୁ ସୁପ୍ରିମକୋର୍ଟ ସ୍ଥଗିତ ରଖିଛନ୍ତି।
ହାଇକୋର୍ଟଙ୍କ ନିଷ୍ପତ୍ତି ଉପରେ ସୁପ୍ରିମକୋର୍ଟ ମଧ୍ୟବର୍ତ୍ତୀକାଳୀନ ରହିଛନ୍ତି। ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ଆହ୍ଲାବାଦ ହାଇକୋର୍ଟ ଉତ୍ତର ପ୍ରଦେଶ ବୋର୍ଡ ଅଫ୍ ମଦ୍ରାସା ଏଡୁକେସନ ଆକ୍ଟ ୨୦୦୪ ଅସାମ୍ବିଧାନିକ ଓ ଏକା ଧର୍ମନିରପେକ୍ଷର ମୂଳ ନୀତିକୁ ଉଲ୍ଲେଙ୍ଘନ କରୁଛି ସେଥି ପାଇଁ ଉକ୍ତ ଆଇନ୍ ଧର୍ମନିରପେକ୍ଷର ବିରୋଧୀ ବୋଲି କୋର୍ଟ କହିଛନ୍ତି । ଆଜି ସୁପ୍ରିମକୋର୍ଟ କହିଛନ୍ତି ଯେ, ଏହା ଧର୍ମନିରପେକ୍ଷତାର ଉଲ୍ଲଂଘନ ବୋଲି କହିବା ଠିକ୍ ନୁହେଁ। ୟୁପି ସରକାର ନିଜେ ହାଇକୋର୍ଟରେ ଏହି ଆଇନକୁ ରକ୍ଷା କରିଥିଲେ।
ହାଇକୋର୍ଟ ୨୦୦୪ ଆଇନକୁ ଅସାମ୍ବିଧାନିକ ବୋଲି ଘୋଷଣା କରିଥିଲେ। ଏହି ପ୍ରସଙ୍ଗରେ ସରକାର ଏବଂ ଅନ୍ୟମାନଙ୍କୁ ସୁପ୍ରିମକୋର୍ଟ ନୋଟିସ ଜାରି କରିଛନ୍ତି। ସେହିପରି ଏପ୍ରିଲ ୩୨ ତାରିଖ ସୁଦ୍ଧ ଜବାବ ରଖିବା ପାଇଁ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ ।
ସୂଚନାଥାଉ ଯେ, ନିକଟେରେ ଆହ୍ଲାବାଦ ହାଇକୋର୍ଟଙ୍କ ରାୟକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରାଯାଇଥିଲା । ଆଜି ପ୍ରାଧାନ ବିଚାରପତି ଡିୱାଇ ଚନ୍ଦ୍ରଚୁଡ଼ଙ୍କ ନେତୃତ୍ୱରେ ଗଠିତ ୩ ଜଣିଆ ଖଣ୍ତପୀଠ ଏହି ମାମଲାର ଶୁଣାଣି କରିଛନ୍ତି । ସର୍ବୋଚ୍ଚ ଅଦାଲତ କହିଛନ୍ତି, ହାଇକୋର୍ଟ ମଦ୍ରାସା ଆକ୍ଟର ଧାରାରୁ ଭୁଲ୍ ବୁଝିଛନ୍ତି । ପ୍ରାଥମିକ ସ୍ତରରେ ହାଇକୋର୍ଟ ଯେଉଁ ରାୟ ଦେଇଛନ୍ତି ତାହା ଠିକ୍ ନୁହେଁ ।
Click it and Unblock the Notifications
Sign in with Google