ଦିଲ୍ଲୀ ମଦ ଦୁର୍ନୀତି ମାମଲା: କବିତାଙ୍କ ଘରେ ED Raid
ED Raid: ଦିଲ୍ଲୀ ମଦ ଦୁର୍ନୀତି ମାମଲାରେ ଆକ୍ସନ ମୋଡରେ ପ୍ରବର୍ତ୍ତନ ନିର୍ଦ୍ଦେଶାଳୟ । ପୂର୍ବତନ ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓଙ୍କ ଝିଅ କବିତାଙ୍କ ଘରେ ଇଡି ରେଡ୍ । ହାଇଦ୍ରାବାଦର ବଞ୍ଜାରା ହିଲ୍ସ ସ୍ଥିତ ବାସଭବନରେ ଚଢାଉ କରିଛି ଇଡି । ୧୦ଟି ଦଳ ଏହି ଚଢାଉରେ ସାମିଲ ହୋଇଥିବା ନେଇ ସୂଚନା ରହିଛି ।
ତେବେ ରେଡ୍ ବେଳେ କବିତାଙ୍କ ବାସଭନକୁ ସମସ୍ତଙ୍କ ପ୍ରବଶେ ଉପରେ ରୋକ୍ ଲଗାଯାଇଛି । ଅନ୍ୟପଟେ କବିତାଙ୍କ ଘର ବାହାରେ ପୋସିଲ ପହଞ୍ଚି ସୁରକ୍ଷା ବ୍ୟବସ୍ଥା କଡ଼ାକଡ଼ି କରିଛି । ଏହା ପୂର୍ବରୁ କବିତାଙ୍କୁ ଉଭୟ ଇଡି ଏବଂ ସିବିଆଇ ପଚରାଉଚରା କରିଥିବା ନେଇ ସୂଚନା ରହିଛି ।
ଇଡି ଏବଂ ଆଇଟି ଅଧିକାରୀ ଏକାଠି କବିତାଙ୍କ ବାସଭବନରେ ଚଢାଉ କରିଛନ୍ତି । ଏହା ପୂର୍ବରୁ କବିତାଙ୍କୁ ୯ଘଣ୍ଟାର ପଚରାଉଚରା କରାଯାଇଥିଲା । ଇଡି ଦାବି କରିଥିଲା ଯେ, ସାଉଥ୍ ଗ୍ରୁପ୍ ମୂଆ ଅବକାରୀ ନୀତି ଲାଗୁ ହେବା ସମୟରେ ଆପ୍ ସରକାରଙ୍କୁ ୧୦୦କୋଟି ଟଙ୍କା ଦେଇଥିଲା । ଏଥିରେ ଏମଏଲସି କବିତା ଏହି ଗ୍ରୁପର ଥିବା ନେଇ ଇଡି ଅଭିଯୋଗ କରିଛି ।
ଦିଲ୍ଲୀ ଏକ୍ସାଇଜ୍ ପଲିସି ମାମଲାରେ ଅର୍ଥ ହେରଫେର ଘଟଣାରେ ବିଡିଏସ୍ ଏମ୍ଏଲ୍ସି କବିତାଙ୍କୁ ପଚରାଉଚରା କରିବା ପରେ ଇଡି ତାଙ୍କ ପୂର୍ବତନ ଚାର୍ଟାର୍ଡ ଆକାଉଣ୍ଟାଣ୍ଟ ବୁଚିବାବୁ ଗୋରାଣ୍ଟଲାଙ୍କୁ ମଧ୍ୟ ଜେରା କରିଥିଲା। ଦିଲ୍ଲୀ ଏକ୍ସାଇଜ୍ ପଲିସି ୨୦୨୧-୨୨ ମାମଲାରେ ଅନିୟମିତତା ସମ୍ପର୍କରେ ଇଡି ଏପର୍ଯ୍ୟନ୍ତ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ୮ ଥର ସମନ ଜାରି କରାଯିବା ସତ୍ତ୍ୱେ ସେ ଏହାକୁ ଅଣଦେଖା କରିଛନ୍ତି ।
ଲୋକସଭା ନିର୍ବାଚନର ତାରିଖ ଘୋଷଣା ହେବାକୁ ଯାଉଥିବା ସମୟରେ ବିଆରଏସ ନେତା କବିତାଙ୍କ ଘରେ ଇଡି ରେଡ୍ ହୋଇଛି । BRS ବୁଧବାର ଲୋକସଭା ନିର୍ବାଚନ ୨୦୨୪ ପାଇଁ ଚାରିଜଣ ପ୍ରାର୍ଥୀଙ୍କ ନାମ ଘୋଷଣା କରିଥିଲା। ନ୍ୟୁଜ୍ ଏଜେନ୍ସି ପିଟିଆଇର ରିପୋର୍ଟ ଅନୁଯାୟୀ, କବିତା ଆଗାମୀ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିପାରିବେ ନାହିଁ। ବିଆରଏସ ନିଜାମାବାଦ ଆସନ ପାଇଁ ପ୍ରାର୍ଥୀଙ୍କ ନାମ ମଧ୍ୟ ଘୋଷଣା କରିଛି। ୨୦୧୪ ଲୋକସଭା ନିର୍ବାଚନରେ କେ କବିତା ଏହି ଆସନ ଜିତିଥିଲେ।
-
ମାର୍ଚ୍ଚ ଶେଷ ସପ୍ତାହରେ ପ୍ରଳୟ କରିବ କାଳବୈଶାଖୀ -
ନିର୍ବାଚନ ସରିଲେ ବାହାହେବେ ବିଜୟ -
ଘରୋଇ ବସ୍ରେ ଅଗ୍ନିକାଣ୍ଡ, ବିଧାୟକ ମଙ୍ଗୁ ଖିଲଙ୍କ ସମେତ ସମସ୍ତ ଯାତ୍ରୀ ସୁରକ୍ଷିତ ଉଦ୍ଧାର -
ନାଟୋ'କୁ ଭୀରୁ କହି ବର୍ଷିଲେ ଆମେରିକା ରାଷ୍ଟ୍ରପତି ଟ୍ରମ୍ପ୍ -
Zomatoରୁ ଖାଇବା ଅର୍ଡର କରିବା ହେଲା ମହଙ୍ଗା, ବଢ଼ିଲା ପ୍ଲାଟଫର୍ମ ଫିସ୍ -
ଓଡ଼ିଆ ଖାଦ୍ୟ ପଖାଳକୁ ମିଳିଲା ଅନ୍ତର୍ଜାତୀୟ ପରିଚୟ -
ଆଜି ପବିତ୍ର ଇଦ୍-ଉଲ୍-ଫିତର୍, ଆଲିଙ୍ଗନ କରି ଜଣାଉଛନ୍ତି ଶୁଭେଚ୍ଛା
Click it and Unblock the Notifications
Sign in with Google