ସମୀର ୱାନଖଡେଙ୍କ ବିରୋଧରେ ଇଡି ରୁଜୁ କଲା ମାମଲା

ED Case Against Sameer Wankhede: ଫେବୃଆରୀ 10 ତାରିଖରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ମୁମ୍ବାଇ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ର ପୂର୍ବତନ ଜୋନାଲ ନିର୍ଦ୍ଦେଶକ ସମୀର ୱାନଖଡେଙ୍କ ବିରୋଧରେ ଏକ ମାମଲା ରୁଜୁ କରିଛି । ସମୀର ୱାନଖଡେଙ୍କ ବିରୋଧରେ 'ମନି ଲଣ୍ଡରିଂ ଆକ୍ଟ' (PMLA ଆକ୍ଟ) ଅଧୀନରେ ଏକ ମାମଲା ରୁଜୁ ହୋଇଛି। ଏହି ମାମଲା ରୁଜୁ ହେବା ପରେ ଏବେ ଇଡି ପକ୍ଷରୁ ପଚରଉଚରା ଜାରି ଜାରି ରହିଛି ।

ଏନଫୋର୍ସମେଣ୍ଟ ନିର୍ଦ୍ଦେଶାଳୟ ମଧ୍ୟ ଏହି ପ୍ରସଙ୍ଗରେ କିଛି ଲୋକଙ୍କୁ ପଚରାଉଚରା କରିଛି। ଯେଉଁମାନଙ୍କ ନିକଟକୁ ସମନ ପଠାଯାଇଛି, ସେମାନଙ୍କ ମଧ୍ୟରୁ କେତେକ ମଧ୍ୟ NCB ସହିତ ଜଡିତ । ତଦନ୍ତକାରୀ ସଂସ୍ଥା ଏହି ମାମଲାକୁ ନେଇ ଅନେକ ଲୋକଙ୍କୁ ପଚରାଉଚରା କରିବା ପାଇଁ ମୁମ୍ବାଇର ଇଡି କାର୍ଯ୍ୟାଳୟକୁ ଡାକିଥିବା ନେଇ ସୂଚନା ରହିଛି । ଡ୍ରଗ୍ସ ମାମଲାରେ ବଲିଉଡ ସୁପରଷ୍ଟାର ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କୁ ଗିରଫ କରିବା ପରେ ସମୀର ୱାନଖଡେ ଲାଇମଲାଇଟକୁ ଆସିଥିଲେ ।

ଏହା ପୂର୍ବରୁ ମଇ 2023ରେ, ଆର୍ଯ୍ୟ ଖାନଙ୍କୁ ଡ୍ରଗ୍ସ ମାମଲାରେ ସମ୍ପୃକ୍ତ କରିବା ପାଇଁ 25 କୋଟି ଟଙ୍କା ଲାଞ୍ଚ ମାଗିଥିଲେ ଏଇ ଘଟଣାକୁ କେନ୍ଦ୍ର କରି ସିବିଆଇ ସମୀର ୱାନଖଡେ ଏବଂ ଅନ୍ୟ ଚାରିଜଣଙ୍କ ବିରୋଧରେ ଏଫଆଇଆର ଦାଖଲ କରିସାରିଛି । ଏହି ସମସ୍ତ ବ୍ୟକ୍ତି ଲାଞ୍ଚ ବାବଦରେ ପ୍ରଥମ କିସ୍ତି ଭାବରେ 50 ଲକ୍ଷ ଟଙ୍କା ନେଇଥିବା ଅଭିଯୋଗ ହୋଇଥିଲା। ଏଫ୍ଆଇଆର୍ ପଞ୍ଜିକରଣ କରିବା ପରେ ସିବିଆଇ 29 ଟି ସ୍ଥାନରେ ଚଢାଉ କରିଥିଲା ।

English summary

ED Case Against Sameer Wankhede.