କେଜ୍ରିୱାଲଙ୍କ ବିରୋଧରେ କୋର୍ଟରେ ହାଜର ହେଲା ଇଡି
ବଢ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଅଡ଼ୁଆ । ଇଡିର ବାରମ୍ବାର ସମନ ସତ୍ତ୍ୱେ ସେ ହଜାର ହୋିଇନଥିଲେ । ଯାହା ଫଳରେ ଆଜି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବିରୋଧରେ କୋର୍ଟଙ୍କ ଦ୍ୱାରସ୍ଥ ହୋଇଛି ଇଡି । ଦିଲ୍ଲୀର ତଥାକଥିତ ଅବକାରୀ ନୀତି ଦୁର୍ନୀତି ଘଟଣାରେ ଇଡି କେଜ୍ରିୱାଲଙ୍କୁ ହାଜର ହେବାକୁ 5ଥର ସମନ କରି ସାରିଥିଲେ ମଧ୍ୟ ସେ ଏହାକୁ ଖାତିର କରି ନାହାନ୍ତି ।
କିନ୍ତୁ ସେ ଥରେ ହେଲେ ବି ଜେରାର ସମ୍ମୁଖୀନ ହେବାକୁ ଇଡି ପାଖରେ ହାଜର ହୋଇ ନାହାନ୍ତି। ଶୁକ୍ରବାର କେଜ୍ରିୱାଲ ଇଡିର 5ମ ସମନକୁ ବେଖାତିର କରିଥିଲେ। ଏଥିପାଇଁ ଆଜି ଇଡି ଦିଲ୍ଲୀର ରୋଜ ଆଭିନ୍ୟୁ କୋର୍ଟର ଦ୍ୱାରସ୍ଥ ହୋଇଛି। ଫେବୃଆରୀ 7 ରେ ଏହି ମାମଲାର ଶୁଣାଣି କରିବେ କୋର୍ଟ।
ଏହା କୁହାଯାଉଛି ଯେ ଆଇପିସିର ଧାରା 174 ଅନୁଯାୟୀ ମୁଖ୍ୟମନ୍ତ୍ରୀ କେଜ୍ରିୱାଲଙ୍କ ବିରୋଧରେ ଇଡି ଅଭିଯୋଗ କରିଛି। ଯେଉଁଥିରେ ଏହା ସ୍ପଷ୍ଟ ଭାବେ କୁହାଯାଇଛି ଯେ PMLA ର ଧାରା 50 ଅଧୀନରେ ହାଜର ନହେବା କାରଣରୁ ପୁନର୍ବାର ଅଭିଯୋଗ ଦାଖଲ ହେଉଛି | ଏକ୍ସାଇଜ୍ ପଲିସି ପ୍ରସଙ୍ଗରେ ନଭେମ୍ବର 2023 ଠାରୁ ଅରବିନ୍ଦ କେଜ୍ରିୱାଲଙ୍କୁ ପାଞ୍ଚ ଥର ଡକାଯାଇଛି। ତାଙ୍କୁ ଜାନୁଆରୀ 31 ରେ ଶେଷ ଥର ପାଇଁ ଡକାଯାଇଥିଲା ଏବଂ ଫେବୃଆରୀ 2 ରେ ପଚରାଉଚରା ପାଇଁ ହାଜର ହେବାକୁ କୁହାଯାଇଥିଲା, କିନ୍ତୁ ସେ ମଧ୍ୟ କୌଣସି ପ୍ରତିକ୍ରିୟା ଦେଇନଥିଲେ ।
Click it and Unblock the Notifications
Sign in with Google