ଜାମ୍ମୁ-କାଶ୍ମୀରରେ ଭୂକମ୍ପ ଝଟକା, ତୀବ୍ରତା ୪.୬

କଶ୍ମୀରରେ ଆଜି ସକାଳୁ ଭୂମିକମ୍ପ ଝଟକା ଅନୁଭୂତ ହୋଇଛି। ଏହାର କେନ୍ଦ୍ରସ୍ଥଳ ଉତ୍ତର କଶ୍ମୀରର ବାରାମୁଲ୍ଲାର ୧୦ କିଲୋମିଟର ତଳେ ଥିଲା। ଭାରତ ଓ ପାକିସ୍ତାନର କିଛି ଅଞ୍ଚଳ ଏହି ଭୂମିକମ୍ପ ଦ୍ୱାରା ପ୍ରଭାବିତ ହୋଇଥିଲା । କାଶ୍ମୀର ଉପତ୍ୟକାରେ ଏହି ଭୂମିକମ୍ପ ଛୋଟ ନଥିଲା । ରିକ୍ଟର ସ୍କେଲରେ ଏହାର ତୀବ୍ରତା ୪.୬ ଥିଲା।

ସୂଚନା ଥାଉକି, ଲୋକେ ଥଣ୍ଡା ହେତୁ ସକାଳେ ନିଜ ଘରେ ଶୋଇଥିଲେ । ଏହି ସମୟରେ ହଠାତ୍ ଭୂମିକମ୍ପ ଅନୁଭବ କରିବାକୁ ପାଇଥିଲେ । ସଂଗେ ସଂଗେ ବାହାରକୁ ଦୌଡ଼ି ଆସି ପଳାଇ ଆସିଥିଲେ। ସୌଭାଗ୍ୟବଶତଃ, ଭୂମିକମ୍ପ ଯୋଗୁଁ କୌଣସି ଜୀବନ କିମ୍ବା ସମ୍ପତ୍ତି କ୍ଷତିର କୌଣସି ରିପୋର୍ଟ ମିଳିନାହିଁ। ଯେହେତୁ ଭୂମିକମ୍ପ ଉପତ୍ୟକା ଅଞ୍ଚଳରେ ହୋଇଥିଲା, ତେଣୁ ବହୁତ କମ୍ କ୍ଷତି ହୋଇଛି ।

ଗତ କିଛି ଦିନ ଧରି ଦେଶର ବିଭିନ୍ନ ସ୍ଥାନରେ ଭୂମିକମ୍ପ ଝଟକା ଅନୁଭୂତ ହେବାରେ ଲାଗିଛି । ଯାହା ଫଳରେ ଭୂକମ୍ପ ନେଇ ଭୟ ବଢିବାରେ ଲାଗିଛି । ସକାଳୁ କାଶ୍ମୀର ଘାଟିରେ ଭୂମିକମ୍ପ ଝଟକା ଅନୁଭବ ହେବା ମାତ୍ରେ ବାରମୁଲ୍ଲାର ଲୋକମାନେ ଘରୁ ବାହାରକୁ ବାହାରି ଆସିଥିଲେ । ତଥାପି, ଏପର୍ଯ୍ୟନ୍ତ କୌଣସି କ୍ଷୟକ୍ଷତିର ରିପୋର୍ଟ ନାହିଁ। ସେପଟେ ଜାମ୍ମୁ ଓ କାଶ୍ମୀରରେ ବର୍ତ୍ତମାନ ପ୍ରବଳ ଥଣ୍ଡା ଅନୁଭୂତ ହେଉଛି । ଏହା ସହିତ, ଅନେକ ଅଞ୍ଚଳରେ ପ୍ରବଳ ତୁଷାରପାତ ହେଉଛି । ଯେଉଁଥିପାଇଁ ଭୂମିକମ୍ପ ଅଞ୍ଚଳରେ ରହୁଥିବା ଲୋକଙ୍କ ପାଇଁ ଅନେକ ସମସ୍ୟା ସୃଷ୍ଟି କରିଛି ।

English summary

Earthquake tremors felt in Jammu and Kashmir, intensity 4.6