Delhi Earthquake: ଦିଲ୍ଲୀରେ ଭୂକମ୍ପ, ସତର୍କ ରହିବା ପାଇଁ ଅପିଲ୍ କଲେ ପ୍ରଧାନମନ୍ତ୍ରୀ
ଦିଲ୍ଲୀ ଭୂମିକମ୍ପ: ସୋମବାର ସକାଳୁ ଦିଲ୍ଲୀ ଏବଂ ଆଖପାଖ ଅଞ୍ଚଳରେ ଶକ୍ତିଶାଳୀ ଭୂମିକମ୍ପ ଝଟକା ଅନୁଭୂତ ହୋଇଛି। ନ୍ୟାସନାଲ ସେଣ୍ଟର ଫର୍ ସିସମୋଲୋଜି ପକ୍ଷରୁ ଜାରି କରାଯାଇଥିବା ସୂଚନା ଅନୁସାରେ, ଭୂମିକମ୍ପ ସକାଳ ୫:୩୬ ରେ ହୋଇଥିଲା ଏବଂ ଏହାର ତୀବ୍ରତା ରିକ୍ଟର ସ୍କେଲରେ ୪.୦ ରେକର୍ଡ କରାଯାଇଥିଲା । ଦିଲ୍ଲୀ, ନୋଏଡା, ଇନ୍ଦିରାପୁରମ ଏବଂ ଆଖପାଖ ଅଞ୍ଚଳରେ ଭୂକମ୍ପର ଝଟକା ଅନୁଭୂତ ହୋଇଥିବା ନେଇ ସୂଚନା । ଭୂକମ୍ପ ଝଟକା ପରେ ଲୋକେ ଘର ଭିତରୁ ବାହାରକୁ ପଳାଇ ଆସିଥିଲେ ଏବଂ ଭୟର ବାତାବରଣ ସୃଷ୍ଟି ହୋଇଥିଲା ।
ଭୂମିକମ୍ପ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲୋକମାନଙ୍କୁ ସତର୍କ ରହିବାକୁ ଅପିଲ କରିଛନ୍ତି । ମୋଦି କହିଛନ୍ତି, ଶାନ୍ତ ରହୁନ୍ତୁ ଏବଂ ଭୂମିକମ୍ପ ପ୍ରତି ସତର୍କ ରୁହନ୍ତୁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ୍ କରି ଲେଖିଛନ୍ତି , "ଦିଲ୍ଲୀ ଏବଂ ସଂଲଗ୍ନ ଅଞ୍ଚଳରେ ଭୂମିକମ୍ପର ଝଟକା ଅନୁଭୂତ ହୋଇଛି। ସମସ୍ତଙ୍କୁ ଶାନ୍ତ ରହିବା, ସୁରକ୍ଷା ସତର୍କତା ପାଳନ କରିବା ଏବଂ ସମ୍ଭାବ୍ୟ ଭୂମିକମ୍ପ ପାଇଁ ସତର୍କ ରୁହନ୍ତୁ । କର୍ତ୍ତୃପକ୍ଷ ପରିସ୍ଥିତି ଉପରେ କଡ଼ା ନଜର ରଖିଛନ୍ତି।"
Click it and Unblock the Notifications
Sign in with Google