ଭୂମିକମ୍ପ ଝଟକାରେ ଥରିଲା ଚିଲିର ଉତ୍ତରାଞ୍ଚଳ

Earthquake News: ଅନେକ ଦେଶରେ ଭୂମିକମ୍ପର ଝଟକା ଅନୁଭୂତ ହୋଇଛି। ଭୂକମ୍ପ ଝଟକାରେ ଥରିଲା ଚିଲିର ଉତ୍ତରାଞ୍ଚଳ । ରିକ୍ଟର ସ୍କେଲରେ ଭୂକମ୍ପ ତୀବ୍ରତା ୫.୭ ରେକର୍ଡ କରାଯାଇଛି । ବର୍ତ୍ତମାନ ପର୍ଯ୍ୟନ୍ତ କୌଣସି କ୍ଷୟକ୍ଷତି ରିପୋର୍ଟ ଆସିନାହିଁ । ଏହା ବ୍ୟତୀତ ମିଆଁମାରରେ ମଧ୍ୟ ୩.୯ ତୀବ୍ରତାର ଏକ ଭୂମିକମ୍ପ ହୋଇଛି।

ଜିଏଫଜେଡ୍ କହିଛି ଯେ ଭୂମିକମ୍ପର କେନ୍ଦ୍ରସ୍ଥଳ ଉତ୍ତର ଚିଲିରେ ୧୭୮ କିଲୋମିଟର ଗଭୀରତାରେ ଥିଲା। ଏହା ବ୍ୟତୀତ, ମିଆଁମାରରେ ଭୂମିକମ୍ପ ଭୂମିପୃଷ୍ଠରୁ ମାତ୍ର ୧୦ କିଲୋମିଟର ତଳେ ହୋଇଥିଲା, ତେଣୁ ଏହା ପରେ ମଧ୍ୟ ଭୂମିକମ୍ପ ଅନୁଭୂତ ହେବାର ସମ୍ଭାବନା ରହିଛି। ଗୁରୁବାର ପୂର୍ବରୁ ମିଆଁମାରରେ ୪.୦ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଥିଲା। ଚିଲିରେ ଭୂମିକମ୍ପ ହେବା ମାତ୍ରେ ଲୋକମାନେ ଭୟରେ ଘରୁ ବାହାରକୁ ଦୌଡ଼ି ପଳାଇ ଆସିଲେ। ମିଆଁମାରରେ ମଧ୍ୟ ଲଗାତାର ଭୂମିକମ୍ପ ଯୋଗୁଁ ଲୋକମାନେ ଭୟଭୀତ ଅଛନ୍ତି ।

EQ of M: 3.9, On: 18/04/2025 02:57:43 IST, Lat: 22.51 N, Long: 96.07 E, Depth: 10 Km, Location: Myanmar.
For more information Download the BhooKamp App https://t.co/5gCOtjcVGs @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/u8i6uw888S

— National Center for Seismology (@NCS_Earthquake) April 17, 2025

ମିଆଁମାର ଏକ ଭୂମିକମ୍ପପ୍ରବଣ ଅଞ୍ଚଳ। ମିଆଁମାର ସେହି ସ୍ଥାନରେ ଅବସ୍ଥିତ ଯେଉଁଠାରେ ୟୁରେସିଆନ୍ ଏବଂ ଇଣ୍ଡୋ-ଅଷ୍ଟ୍ରେଲିଆନ୍ ଟେକ୍ଟୋନିକ୍ ପ୍ଲେଟ୍ ଧକ୍କା ହୋଇଥାଏ, ତେଣୁ ସେଠାରେ ଭୂମିକମ୍ପର ଆଶଙ୍କା ଅଧିକ ଥାଏ। ଆନ୍ତର୍ଜାତୀୟ ଭୂମିକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ, ୧୯୯୦ ରୁ ୨୦୧୯ ମଧ୍ୟରେ, ମିଆଁମାର ଏବଂ ଏହାର ଆଖପାଖ ଅଞ୍ଚଳରେ ପ୍ରତିବର୍ଷ ପ୍ରାୟ ୧୪୦ଟି ଭୂମିକମ୍ପ ହୋଇଥାଏ ଏବଂ ଏହାର ତୀବ୍ରତା ୩.୦ କିମ୍ବା ତା'ଠାରୁ ଅଧିକ ରେକର୍ଡ କରାଯାଇଛି ।