DSPଙ୍କୁ ନିର୍ମମ ହତ୍ୟା: ପରିବାରକୁ ଏକ କୋଟିର ଅନୁକମ୍ପା ଘୋଷଣା

ଏହାସହ ତାଙ୍କ ମୃତ୍ୟୁ ପାଇଁ କ୍ଷତିପୂରଣ ଦାବି ହୋଇଥିବା ବେଳେ ବର୍ତ୍ତମାନ ହରିୟାଣା ସରକାର ସୁରେନ୍ଦ୍ରଙ୍କ ପରିବାରକୁ ଏକ କୋଟି ଟଙ୍କାର ଅନୁକମ୍ପା ରାଶି ଘୋଷଣା କରିଛନ୍ତି । ଏହା ସହ ମୃତ ଅଧିକାରୀଙ୍କ ପରିବାରର ଜଣେ ସଦସ୍ୟଙ୍କୁ ରାଜ୍ୟ ସରକାର ଚାକିରି ମଧ୍ୟ ଯୋଗାଇ ଦେ

ଚଣ୍ଡିଗଡ: ବେଆଇନ ଖନନ ନେଇ କ୍ଷେତ୍ର ପରିଦର୍ଶନରେ ଯାଇଥିବା ମାଫିଆଙ୍କ ଦ୍ବାରା ହତ୍ୟାର ଶିକାର ହେଲେ ଡିଏସପି ସୁରେନ୍ଦ୍ର ସିଂ ବିଷ୍ଣୋଇ । ତାଙ୍କର ହତ୍ୟା ନେଇ ଆଜି ଦେଶବ୍ୟାପୀ ଚର୍ଚ୍ଚା ଜୋର ଧରିଥିଲା । ତେବେ ଜଣେ ଡ୍ୟୁଟିରେ ଥିବା କର୍ମଚାରୀଙ୍କ ଏଭଳି ହତ୍ୟାକୁ ନେଇ ତୀବ୍ର ଅସନ୍ତୋଷ ଦେଖା ଦେବା ସହ ତାଙ୍କ ହତ୍ୟାର ତଦନ୍ତ ପାଇଁ ଦାବି ହୋଇଛି ।

ଏହାସହ ତାଙ୍କ ମୃତ୍ୟୁ ପାଇଁ କ୍ଷତିପୂରଣ ଦାବି ହୋଇଥିବା ବେଳେ ବର୍ତ୍ତମାନ ହରିୟାଣା ସରକାର ସୁରେନ୍ଦ୍ରଙ୍କ ପରିବାରକୁ ଏକ କୋଟି ଟଙ୍କାର ଅନୁକମ୍ପା ରାଶି ଘୋଷଣା କରିଛନ୍ତି । ଏହା ସହ ମୃତ ଅଧିକାରୀଙ୍କ ପରିବାରର ଜଣେ ସଦସ୍ୟଙ୍କୁ ରାଜ୍ୟ ସରକାର ଚାକିରି ମଧ୍ୟ ଯୋଗାଇ ଦେବେ । ତେବେ ହତ୍ୟାକାଣ୍ଡ ଘଟାଇଥିବା ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ନେଇ ମଧ୍ୟ ମୁଖ୍ୟମନ୍ତ୍ରୀ ଖଟ୍ଟର ସୂଚନା ଦେଇଛନ୍ତି ।

ତେବେ ସୂଚନା ଅନୁସାରେ ଆଜି ହରିଆଣାର ନୂହଁ ଜିଲ୍ଲାରେ ଏକ ବେଆଇନ ପଥର ଖାଦାନ ଉପରେ ଚଢାଉ କରିବା ସମୟରେ ଅତିରିକ୍ତ ପୋଲିସ ଅଧୀକ୍ଷକ ସୁରେନ୍ଦ୍ର ସିଂ ବିଷ୍ଣୋଇଙ୍କୁ ଡମ୍ଫର ଚଢାଇ ହତ୍ୟା କରିଥିଲେ ଖଣି ମାଫିଆ । ଘଟଣାସ୍ଥଳରୁ ସମସ୍ତ ଅଭିଯୁକ୍ତ ଫେରାର ହୋଇଯାଇଥିବା ବେଳେ ତଦନ୍ତ ଜାରିରହିଛି । ଜଣେ ପୋଲିସ ଅଧିକାରୀଙ୍କୁ ଗାଡି ମଡାଇ ଅତି ନିର୍ମମ ଭାବେ ହତ୍ୟା କରିବା ଘଟଣା ସମଗ୍ର ଦେଶରେ ଆଲୋଡନର ବିଷୟ ହୋଇଛି । ଏପଟେ କଂଗ୍ରେସ ଏହି ଘଟଣାରେ ଚଣ୍ଡିଗଡ ହାଇକୋର୍ଟଙ୍କ ଏକ ଜଜ୍ ଙ୍କ ଅଧିନରେ ତଦନ୍ତ କରିବା ନେଇ ଦାବି କରିଛି ।

English summary

Haryana DSP, probing illegal mining, crushed to death. cm declaired 1 crore ex gratia for deceased family.