ପୁଣି ଭାରତ ଚୀନ୍ ମଧ୍ୟରେ ସିଧାସଳଖ ଆରମ୍ଭ ହେବ ବିମାନ ସେବା, ସୂଚନା ଦେଲେ ବୈଦେଶିକ ମନ୍ତ୍ରଣାଳୟ
ଭାରତ ଏବଂ ଚୀନ ମଧ୍ୟରେ ଲମ୍ବା ସମୟ ଧରି ବିମାନ ସେବା ବନ୍ଦ ରହିଥିଲା । ଯାହା ପୁଣି ଆରମ୍ଭ ହେବାକୁ ଯାଉଛି । ଦୁଇ ଦେଶ ମଧ୍ୟରେ ସମ୍ପର୍କ ସ୍ବାଭାବିକ ହେବାରୁ ଏହି ପଦକ୍ଷେପ ନିଆଯାଇଛି । ଭାରତ ଏବଂ ଚୀନ ମଧ୍ୟରେ ସିଧାସଳକ ଭାବେ IndiGo ଏୟାରଲାଇନ୍ ସେବା ଅକ୍ଟୋବର ୨୬ରୁ ଆରମ୍ଭ ହେବାକୁ ଯାଉଛି । ପୁଣି ବିମାନ ସେବା ଆରମ୍ଭ କରିବା ଏବଂ ଚୁକ୍ତିନାମା ସଂଶୋଧନ କରିବା ପାଇଁ ଦୁଇ ଦେଶ ବୈଷୟିକ ସ୍ତରୀୟ ଆଲୋଚନା କରିଛନ୍ତି । ଯାହାର ଘୋଷଣା ବର୍ତ୍ତମାନ ବୈଦେଶିକ ମନ୍ତ୍ରଣାଳୟ କରିଛି ।
ସୂଚନାନୁଯାୟୀ, ଅକ୍ଟୋବର ଶେଷ ସୁଦ୍ଧା ବିମାନ ସେବା ଆରମ୍ଭ ହେବ ବୋଲି ନିଷ୍ପତ୍ତି ନିଆଯାଇଛି । ଚୀନ୍ ବୈଦେଶିକ ମନ୍ତ୍ରୀ ୱାଙ୍ଗ ୟିଙ୍କ ନୂଆଦିଲ୍ଲୀ ଗସ୍ତ ପରେ ଏହି ବିମାନ ସେବା ପୁଣି ଆରମ୍ଭ କରିବାର ପଦକ୍ଷେପ ନିଆଯାଇଛି । କିନ୍ତୁ ଉଭୟ ଦେଶର ବିମାନ କମ୍ପାନୀର ବାଣିଜ୍ୟିକ ନିଷ୍ପତ୍ତି ଏବଂ ପରିଚାଳନା ମାନଦଣ୍ଡ ଉପରେ ନିର୍ଭର କରିବ । ଏହି ଚୁକ୍ତିନାମା ଉଭୟ ଦେଶର ଲୋକଙ୍କ ମଧ୍ୟରେ ଯୋଗାଯୋଗକୁ ସୁଗମ କରିବ ଏବଂ ଦ୍ୱିପାକ୍ଷିକ ସମ୍ପର୍କ ଧୀରେ ଧୀରେ ସ୍ୱାଭାବିକ ହେବ ।
ଅନ୍ୟପଟେ ୨୬ ଅକ୍ଟୋବରରୁ କୋଲକାତା ଏବଂ ଗୁଆଙ୍ଗଝୁ ମଧ୍ୟରେ ସିଧାସଳଖ ବିମାନ ସେବା ଆରମ୍ଭ ହେବ ବୋଲି ଇଣ୍ଡିଗୋ କହିଛି । ବିମାନ କମ୍ପାନୀ ଏହା ମଧ୍ୟ ଘୋଷଣା କରିଛି ଯେ ଏହା ଖୁବ୍ ଶୀଘ୍ର ଦିଲ୍ଲୀ ଏବଂ ଗୁଆଙ୍ଗଝୁ ମଧ୍ୟରେ ସିଧାସଳଖ ବିମାନ ସେବା ଆରମ୍ଭ କରିବ । ଯାହା ଦୁଇ ଦେଶ ମଧ୍ୟରେ ସବୁ କିଛି ପୁନଃସ୍ଥାପିତ କରିବ ।
Click it and Unblock the Notifications
Sign in with Google