ଆଜିଠାରୁ ଭାରତ-ଚୀନ ମଧ୍ୟରେ ଆରମ୍ଭ ହେବ ସିଧା ବିମାନ ସେବା

ଆଜିଠାରୁ ଭାରତ-ଚୀନ ମଧ୍ୟରେ ଆରମ୍ଭ ହେବ ସିଧା ବିମାନ ସେବା। କୋଲକାତାରୁ ଉଡ଼ାଣ ଆରମ୍ଭ କରି ଗୁଆଙ୍ଗଝୋଉ ଯିବ ଇଣ୍ଡିଗୋ ବିମାନ। ନଭେମ୍ବର ୧୦ ତାରିଖରୁ ଦିଲ୍ଲୀ-ଗୁଆଙ୍ଗଝୋଉ ମଧ୍ୟରେ ପୁଣି ଉଡ଼ାଣ। ନଭେମ୍ବର ୯ ତାରିଖରୁ ସାଂଘାଇ-ନୂଆଦିଲ୍ଲୀ ମଧ୍ୟରେ ବିମାନ ସେବା। ଚୀନ୍ ଏୟାରଲାଇନର ଚାଇନା ଇଷ୍ଟର୍ଣ୍ଣ ଆରମ୍ଭ କରିବ ବିମାନ ସେବା ।

ଦୀର୍ଘ ୪ ବର୍ଷ ପରେ ଭାରତ ଏବଂ ଚୀନ୍ ମଧ୍ୟରେ ସିଧାସଳଖ ବିମାନ ଉଡ଼ାଣ ଆରମ୍ଭ ହେବ। ବିମାନ ସେବା ଆରମ୍ଭ ହେବା ପରେ ଉଭୟ ଦେଶର ଲକ୍ଷ ଲକ୍ଷ ଛାତ୍ର, ବ୍ୟବସାୟୀ ଏବଂ ପର୍ଯ୍ୟଟକ ଉପକୃତ ହେବେ। ଭାରତ-ଚୀନ ମଧ୍ୟରେ ସିଧା ବିମାନ ଉଡ଼ାଣ ଆସନ୍ତା ମାସରୁ ପୁଣି ଥରେ ଆରମ୍ଭ ହୋଇପାରେ।୨୦୨୦ ପ୍ରାରମ୍ଭରେ ଭାରତ ଏବଂ ଚୀନ୍ ମଧ୍ୟରେ ସମସ୍ତ ସିଧାସଳଖ ବାଣିଜ୍ୟିକ ବିମାନ ସେବା ବନ୍ଦ କରିଦିଆଯାଇଥିଲା। ଏହାର କିଛି ମାସ ପରେ ୨୦୨୦ ଜୁନ୍ ମାସରେ ଲଦାଖର ଗଲୱାନ୍ ଉପତ୍ୟକାରେ ଦୁଇ ଦେଶର ସେନା ମଧ୍ୟରେ ହିଂସାତ୍ମକ ସଂଘର୍ଷ ହୋଇଥିଲା। ଯେଉଁଥିରେ ୨୦ ଜଣ ଭାରତୀୟ ସୈନିକ ସହିଦ ହୋଇଥିଲେ। ଏହି ଘଟଣା ପରେ ଦୁଇ ଦେଶ ମଧ୍ୟରେ ସମ୍ପର୍କ ଦୂରେଇବାରେ ଲାଗିଥିଲା।

ବିମାନ ଚଳାଚଳ ବନ୍ଦ କରାଯାଇଥିଲା। ସିଧାସଳଖ ବିମାନର ଅଭାବ ଯୋଗୁଁ ଚୀନ ଯାଉଥିବା ଲୋକଙ୍କୁ ହଂକଂ, ସିଙ୍ଗାପୁର କିମ୍ବା ବ୍ୟାଙ୍କକ ଭଳି ସହର ଦେଇ ଯିବାକୁ ପଡ଼ୁଥିଲା। ଏହି ପରିବହନ ଯୋଗୁଁ ୬ରୁ ୭ ଘଣ୍ଟାର ଯାତ୍ରାକୁ ୧୫ରୁ ୨୦ ଘଣ୍ଟା ଲାଗୁଥିଲା। ସିଧାସଳଖ ବିମାନ ତୁଳନାରେ ପରିବହନ ବିମାନର ଟିକେଟ୍ ମଧ୍ୟ ବହୁତ ମହଙ୍ଗା ଥିଲା। ବର୍ତ୍ତମାନ ସିଧାସଳଖ ବିମାନ ପ୍ରଚଳନ ସହିତ, ଯାତ୍ରୀମାନଙ୍କର ବହୁତ ସମୟ ଏବଂ ଟଙ୍କା ସଞ୍ଚୟ ହେବ।

: ଭାରତ ଓ ଚୀନ୍ ମଧ୍ୟରେ ରବିବାର ସିଧା ବିମାନ ସେବା ଆରମ୍ଭ ହେବାକୁ ଯାଉଛି।ଏହାକୁ ବେଜିଂ ଦୁଇ ଦେଶଙ୍କ ମଧ୍ୟରେ ବନ୍ଧୁତ୍ୱର ନୂଆ ଉଡାଣ ବୋଲି କହିଛି। ଚୀନ୍‌ ଶୁକ୍ରବାର କହିଛି ଯେ ଭାରତ ସହିତ ନିଜ ସମ୍ପର୍କକୁ ଦୀର୍ଘକାଳୀକ ଓ ରଣନୈତିକ ଦୃଷ୍ଟିରେ ଦେଖିବାକୁ ଏବେ ପ୍ରସ୍ତୁତ ଅଛି। ଭାରତ-ଚୀନ ମଧ୍ୟରେ ପୁଣି ବିମାନ ସେବା ବୃହତ୍ତ ଜନସଂଖ୍ୟାର ଦୁଇ ଦେଶଙ୍କ ମଧ୍ୟରେ ବନ୍ଧୁତ୍ୱପୂର୍ଣ୍ଣ ଆଦାନପ୍ରଦାନକୁ ପ୍ରୋତ୍ସାହନ କରିବା ଦିଗରେ ଏକ ସକରାତ୍ମକ ପଦକ୍ଷେପ ଭାବେ ଦେଖାଯାଉଛି।

ଅକ୍ଟୋବର ୨୬ରୁ ଚୀନ୍ କୁ ସିଧା ବିମାନ ସେବା ଆରମ୍ଭ ହେଉଥିବା ନେଇ ଭାରତ ଗାନ୍ଧି ଜୟନ୍ତୀ ଅବସରରେ ଘୋଷଣା କରିଥିଲା। ଏହା ପରେ ଇଣ୍ଡିଗୋ ଅକ୍ଟୋବର ୨୬ରୁ କୋଲକାତା-ଗୁଆଙ୍ଗଝୋଉ ଓ ନଭେମ୍ବର ୧୦ ତାରିଖରୁ ଦିଲ୍ଲୀ-ଗୁଆଙ୍ଗଝୋଉ ଉଡାଣ ପୁଣି ଆରମ୍ଭ କରିବ ବୋଲି ଘୋଷଣା କରିଛି। ସେହିପରି ଚୀନ ଏୟାର ଲାଇନ ଚାଇନା ଇଷ୍ଟର୍ଣ୍ଣ ନଭେମ୍ବର ୯ ତାରିଖରୁ ସାଂଘାଇ-ନୂଆଦିଲ୍ଲୀ ବିମାନ ସେବା ଆରମ୍ଭ କରିବ ବୋଲି ଘୋଷଣା କରିଛି।

ପ୍ରାୟ ୫ ବର୍ଷ ପରେ ଚୀନ୍‌ ସହ ଭାରତର ସିଧା ବିମାନ ସେବା ସ୍ଥାପିତ ହେବାକୁ ଯାଉଛି। ଏହି ଅବସରରେ ଚୀନ୍‌ ବିଦେଶ ମନ୍ତ୍ରାଳୟ ମୁଖପାତ୍ର ଗୁଓ ଜିୟାକୁନ ମିଡିଆ ବ୍ରିଫିଙ୍ଗରେ କହିଛନ୍ତି ଯେ ଏହା ଦୁଇ ଦେଶଙ୍କ ମଧ୍ୟରେ ହୋଇଥିବା ବୁଝାମଣା ଲାଗୁ କରିବାରେ ନବୀନତମ ପ୍ରଗତି। ବେଜିଂ କହିଛି ଯେ ଭାରତ ସହିତ ମିଶି ଚୀନ୍-ଭାରତ ସମ୍ପର୍କକୁ ରଣନୈତିକ ଓ ଦୀର୍ଘକାଳୀକ ପରିପ୍ରେକ୍ଷରେ ଦେଖିବାକୁ ଓ ସମ୍ଭାଳିବାକୁ, ଦ୍ୱିପାକ୍ଷୀୟ ସୁସ୍ଥ ସମ୍ପର୍କ ସହିତ ସ୍ଥିର ବିକାଶକୁ ପ୍ରୋତ୍ସାହିତ କରିବା, ଦୁଇ ଦେଶ ଜନତାଙ୍କୁ ସମ୍ପର୍କର ଲାଭ ଦେବା ତଥା ଏସିଆ ଓ ବିଶ୍ୱରେ ଶାନ୍ତି ଏବଂ ସମୃଦ୍ଧି କାୟମ କରିବାରେ ଉଚିତ ଯୋଗଦାନ ଦେବାକୁ ପ୍ରସ୍ତୁତ।