ଦେଶରେ ବଢୁଛି ଡେଙ୍ଗୁ ସଂକ୍ରମଣ , ଜାଣନ୍ତୁ କେମିତି ହେବେ ସୁସ୍ଥ
ଏହି ରୋଗ ବଢିବାର କ'ଣ ରହିଛି କାରଣ,ଏଥିରୁ ନିଜକୁ କେମିତି ରକ୍ଷା କରି ପାରିବେ , ଏହାର ଲକ୍ଷଣ କ'ଣ ସେ ବିଷୟରେ ଆସନ୍ତୁ ଜାଣିବା କ'ଣ କହୁଛନ୍ତି ସ୍ବାସ୍ଥ୍ୟ ବିଶେଷଜ୍ଞ ।
ନୂଆଦିଲ୍ଲୀ: ସମଗ୍ର ଦେଶରେ ବଢିବାରେ ଲାଗିଛି ଡେଙ୍ଗୁ । ଚିକିତ୍ସା ପାଇଁ ଡାକ୍ତରଖାନାରେ ଜମୁଛି ରୋଗୀଙ୍କ ଭିଡ । ତେବେ ଏହି ରୋଗ ବଢିବାର କ'ଣ ରହିଛି କାରଣ , ଏଥିରୁ ନିଜକୁ କେମିତି ରକ୍ଷା କରି ପାରିବେ , ଏହାର ଲକ୍ଷଣ କ'ଣ ସେ ବିଷୟରେ ଆସନ୍ତୁ ଜାଣିବା କ'ଣ କହୁଛନ୍ତି ସ୍ବାସ୍ଥ୍ୟ ବିଶେଷଜ୍ଞ ।
ବିଶେଷଜ୍ଞଙ୍କ କହିବା ଅନୁସାରେ, ଡେଙ୍ଗୁ ହେଉଛି ଏକ ମଶା ଦ୍ବାରା ବ୍ୟାପୁଥିବା ସଂକ୍ରମଣ । ଏହି ରୋଗର ଶିକାର ହେଲେ ଜଣେ ବ୍ୟକ୍ତିଙ୍କୁ ପ୍ରବଳ ଜ୍ବର, ମୁଣ୍ଡବ୍ୟଥା, ମାଂସପେଶୀ ଏବଂ ଗଣ୍ଠି ଯନ୍ତ୍ରଣା, ଚର୍ମରେ ଦାଗ ଇତ୍ୟାଦି ହୋଇଥାଏ । ଫ୍ଲାଭିଭିରିଡ ବଂଶର ଏକ ଭୂତାଣୁଙ୍କର ସେରୋଟାଇପ୍ ଦ୍ବାରା ଏହି ସଂକ୍ରମଣ DENV-1, DENV-2, DENV-3 ଏବଂ DENV-4 ହୋଇଥାଏ । ଏହି ଭୂତାଣୁ ସାଧାରଣତଃ କେନ୍ଦ୍ରୀୟ ଏବଂ ଦକ୍ଷିଣ ଆମେରିକା, ଆଫ୍ରିକା, ଏସିଆର କିଛି ଅଂଶ ଏବଂ ପ୍ରଶାନ୍ତ ମହାସାଗରୀୟ ଦ୍ୱୀପପୁଞ୍ଜ ପରି ଟ୍ରପିକାଲ୍ ଏବଂ ଉପ-ଟ୍ରପିକାଲ୍ ଅଞ୍ଚଳରେ ଦେଖାଯାଏ ।
ଏହି ଭୂତାଣୁ ମଣିଷ ଶରୀରରେ 10 ଦିନରୁ ଅଧିକ ସମୟ ବଞ୍ଚି ରହିପାରନ୍ତି ନାହିଁ । ବର୍ତ୍ତମାନ ସୁଦ୍ଧା ଡେଙ୍ଗୁ ରୋଗ ପାଇଁ କୌଣସି ନିର୍ଦ୍ଦିଷ୍ଟ ଔଷଧ ବା ଚିକିତ୍ସାର ସୁବିଧା ହୋଇନାହିଁ । ଏହାକୁ କେବଳ ନିୟନ୍ତ୍ରଣ କରାଯାଇ ପାରିବ । ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ, ଡେଙ୍ଗୁର ପ୍ରାରମ୍ଭିକ ଲକ୍ଷଣ ସାଧାରଣ ଜ୍ବର ପରି , ସାଧାରଣତଃ ଏହା ପ୍ରାରମ୍ଭିକ ସ୍ତରରୁ ଜଣା ପଡେନାହିଁ । ତେଣୁ ଏହା ହଠାତ ବଢିବା ପରେ ଲୋକଟିଏ ଡାକ୍ତରଙ୍କ ପରାମର୍ଶ ନେଇଥାଏ । ସଂକ୍ରମିତ ମଶା ଜଣେ ବ୍ୟକ୍ତିଙ୍କୁ କାମୁଡ଼ିବାର 4ରୁ 10 ଦିନ ପରେ ଲକ୍ଷଣ ଦେଖାଯିବା ଆରମ୍ଭ କରିଥାଏ । ଏହା ପରେ, ପ୍ରବଳ ଜ୍ୱର ସହିତ ଅନ୍ୟ ଲକ୍ଷଣ ମଧ୍ୟ ଦେଖାଯାଇଥାଏ।
ଡେଙ୍ଗୁରୁ ବର୍ତ୍ତିବା ପାଇଁ ଆପଣାନ୍ତୁ ଏହି ଉପାୟ :
ପ୍ରତ୍ୟେକ ଲୋକ ଏହି ସମୟରେ ଶରୀରକୁ ସମ୍ପୂର୍ଣ୍ଣ ଘୋଡାଉଥିବା ଭଳି ପୋଷାକ ପିନ୍ଧନ୍ତୁ । ମଶାମରା ଔଷଧ ବ୍ୟବହାର କରନ୍ତୁ । ଘରେ କିମ୍ବା ରୋଷେଇ ଘରେ ଅଳିଆ ଅଧିକ ଦିନ ପର୍ଯ୍ୟନ୍ତ ଜମା ହେବାକୁ ଦିଅନ୍ତୁ ନାହିଁ। ଶୋଇବା ସମୟରେ ମଶାରୀ ବ୍ୟବହାର କରନ୍ତୁ । ଘର ପାଖରେ ପାଣି ଅଧିକ ଦିନ ଯାଏଁ ଜାମାନ୍ତୁ ନାହିଁ । ଖୋଲା କୂଅ ଏବଂ ପୋଖରୀ ସଫା ରଖନ୍ତୁ । ପାଖରେ ଥିବା ଜଙ୍ଗଲୀ ଗଛ ଆଦି ସଫା କରନ୍ତୁ ।
କାରଣ ଡେଙ୍ଗୁ ମଶା କେବଳ ବିଶୁଦ୍ଧ ପାଣିରେ ପ୍ରଜନନ କରିଥାନ୍ତି । ହୁ ଅନୁଯାୟୀ, ସାରା ବିଶ୍ବରେ ଡେଙ୍ଗୁ କାରଣରୁ ପ୍ରତିବର୍ଷ ପ୍ରାୟ 5 ଲକ୍ଷ ଲୋକ ଡାକ୍ତରଖାନାରେ ଭର୍ତ୍ତି ହୋଇଥାନ୍ତି । ଆମ ଦେଶରେ ଗତ କିଛି ବର୍ଷ ମଧ୍ୟରେ ଡେଙ୍ଗୁ ସଂକ୍ରମିତଙ୍କ ସଂଖ୍ୟାରେ ବୃଦ୍ଧି ଘଟିଛି । ନ୍ୟାସନାଲ ଭେକ୍ଟର ବୋର୍ନ ରୋଗ ନିୟନ୍ତ୍ରଣ ପ୍ରୋଗ୍ରାମ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, 2019ରେ କେବଳ ଭାରତରେ 67 ହାଜାରରୁ ଅଧିକ ଡେଙ୍ଗୁ ରୋଗୀ ଚିହ୍ନଟ ହୋଇଥିଲେ
Click it and Unblock the Notifications
Sign in with Google