ମେ' 31ରୁ ଆରମ୍ଭ ହେବ ଅନଲକ୍ ପ୍ରକିୟା

ଦିଲ୍ଲୀରେ ମେ 31 ତାରିଖରୁ ଆରମ୍ଭ ହେବାକୁ ଯାଉଛି ଅନଲକ ପ୍ରକ୍ରିୟା

Published: Friday, May 28, 2021, 18:28 [IST]

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ହାର ହ୍ରାସ ପାଇଛି। ମାତ୍ର ରାଜଧାନୀ ଦିଲ୍ଲୀରେ ପରିସ୍ଥିତି ଅଣାୟତ୍ତ ଅବସ୍ଥାକୁ ଆସିଯାଇଥିଲା। ଯେଉଁଥିପାଇଁ ଲକଡାଉନକୁ ବାରମ୍ବାର ବୃଦ୍ଧି କରିଥିଲେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ । ମାତ୍ର ଏବେ ଦିଲ୍ଲୀବାସୀଙ୍କୁ ମିଳିଛି ସାମନ୍ୟ ଆଶ୍ୱସ୍ତି। ଦିଲ୍ଲୀରେ ମେ 31 ତାରିଖରୁ ଆରମ୍ଭ ହେବାକୁ ଯାଉଛି ଅନଲକ ପ୍ରକ୍ରିୟା । କ୍ରମାଗତ ପଜିଟିଭ କେସ କମିବା ପରେ ଶୁକ୍ରବାର ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏନେଇ ସୂଚନା ଦେଇଛନ୍ତି ।

ମୁଖ୍ୟମନ୍ତ୍ରୀ କହିଛନ୍ତି ଯେ ଦିଲ୍ଲୀରେ ଏହି ଅନଲକ ପ୍ରକ୍ରିୟା ପର୍ଯ୍ୟାୟ କ୍ରମେ କରାଯିବ । ସୋମବାରଠାରୁ କାରଖାନାଗୁଡ଼ିକ ଖୋଲାଯିବ ଏବଂ ନିର୍ମାଣ କାର୍ଯ୍ୟ ମଧ୍ୟ ଆରମ୍ଭ ହେବ। ଦିଲ୍ଲୀରେ କରୋନା ସଂକ୍ରମଣ ବଢ଼ିବାରୁ ଗତ ଏପ୍ରିଲ 19ରୁ ଲକଡାଉନ ଜାରି ହୋଇଛି। ଗତ ସସ୍ତାହରେ ସରକାର ଏହାକୁ ମେ 31 ପର୍ଯ୍ୟନ୍ତ ବଢ଼ାଇଥିଲେ। ଏହି ଲକଡାଉନ ସୋମବାର ସକାଳ 5ଟା ପର୍ଯ୍ୟନ୍ତ ଲାଗୁ ରହିବ । ସୋମବାର ସକାଳ 5ଟା ପରଠାରୁ ଅନଲକ ପ୍ରକ୍ରିୟା ଆରମ୍ଭ ହେବ ।
ସେହିପରି ଦିଲ୍ଲୀରେ ପଜିଟିଭ ହାର 1.5%କୁ ଖସି ଆସିଛି । ଶୁକ୍ରବାର ଦିଲ୍ଲୀରେ 1100 କୋଭିଡ ଆକ୍ରାନ୍ତ ଚିହ୍ନଟ ହୋଇଛନ୍ତି । ସଂକ୍ରମଣ ହାର କମିଥିଲେ ମଧ୍ୟ ଦିଲ୍ଲୀ ସରକାର ବିନା କୌଣସି ଜରୁରି କାମରେ ଘରୁ ନ ବାହାରିବାକୁ ଜନସାଧାରଣକୁ ନିବେଦନ କରିଛନ୍ତି । ଅନଲକ ପ୍ରକ୍ରିୟା ପର୍ଯ୍ୟାୟକ୍ରମେ ଆରମ୍ଭ କରିବାକୁ ପରିସଂଖ୍ୟାନ ପରିଚାଳନା ନିର୍ଦ୍ଦେଶାଳୟ (ଡିଡିଏମ) ସହ ବୈଠକ ପରେ ନିଷ୍ପତ୍ତି ନିଆଯାଇଛି ।

Published On May 28, 2021