ଜାରି ହେଲା ୟେଲୋ ୱାର୍ଣ୍ଣି, ଆହୁରି ଛେଚିବ!

ଦିଲ୍ଲୀର ବିଭିନ୍ନ ଅଞ୍ଚଳରେ କେତେବେଳେ ହାଲୁକା ଏବଂ କେତେବେଳେ ପ୍ରବଳ ବର୍ଷା ହେଉଛି। ଗୁରୁବାର ମଧ୍ୟ ଦିଲ୍ଲୀର କିଛି ଅଞ୍ଚଳରେ ହାଲୁକା ବର୍ଷା ହୋଇଥିଲା। ଏବେ ପାଣିପାଗ ବିଭାଗ ଆଗାମୀ ୬ ଦିନ ପାଇଁ ଦିଲ୍ଲୀରେ ବର୍ଷାର ସତର୍କତା ଜାରି କରିଛି। ଗତ ଦୁଇ ଦିନରେ ଦିଲ୍ଲୀର ତାପମାତ୍ରା ବୃଦ୍ଧି ପାଇଛି।

୩ ଜୁଲାଇରେ ଦିଲ୍ଲୀର ସର୍ବାଧିକ ତାପମାତ୍ରା ୩୬ ଡିଗ୍ରୀ ସେଲସିୟସ୍ ଏବଂ ସର୍ବନିମ୍ନ ତାପମାତ୍ରା ୨୭ ଡିଗ୍ରୀ ସେଲସିୟସ୍ ପହଞ୍ଚିଥିଲା। କିନ୍ତୁ ଏବେ ପାଣିପାଗ ବିଭାଗ ୪ ଜୁଲାଇ ଅର୍ଥାତ୍ ଆଜି ପାଇଁ ଦିଲ୍ଲୀର ସର୍ବାଧିକ ତାପମାତ୍ରା ୩୫ ଡିଗ୍ରୀ ସେଲସିୟସ୍ ଏବଂ ସର୍ବନିମ୍ନ ତାପମାତ୍ରା ୨୫ ଡିଗ୍ରୀ ସେଲସିୟସ୍ ରହିବ ବୋଲି ପୂର୍ବାନୁମାନ କରିଛି। କିନ୍ତୁ ବର୍ତ୍ତମାନ ଆଗାମୀ ତିନି ଦିନ ମଧ୍ୟରେ ତାପମାତ୍ରା ହ୍ରାସ ପାଇବାର ଆଶା କରାଯାଉଛି।

ଏହା ବ୍ୟତୀତ, ପାଣିପାଗ ବିଭାଗ ହିମାଚଳ ପ୍ରଦେଶ ଏବଂ ଉତ୍ତରାଖଣ୍ଡରେ ବର୍ଷା ସତର୍କତା ଜାରି କରିଛି। ଉତ୍ତରାଖଣ୍ଡର ଡେରାଡୁନରେ ପ୍ରବଳ ବର୍ଷା ହେବାର ସମ୍ଭାବନା ଅଛି। ଅନ୍ୟପକ୍ଷରେ, ହିମାଚଳର ସିମଲାରେ ହାଲୁକା ବର୍ଷା ହୋଇପାରେ। ଆଜିଠାରୁ ୯ ଜୁଲାଇ ପର୍ଯ୍ୟନ୍ତ ରାଜସ୍ଥାନ ଏବଂ ପଞ୍ଜାବର ବିଚ୍ଛିନ୍ନ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ଅଛି। ୪ ଏବଂ ୫ ଜୁଲାଇରେ ହରିୟାଣା, ଚଣ୍ଡିଗଡ଼, ଉତ୍ତରପ୍ରଦେଶରେ ବର୍ଷା ହେବାର ସମ୍ଭାବନା ଅଛି।

ମହାରାଷ୍ଟ୍ରର ଦକ୍ଷିଣ ଉପକୂଳ ଅଞ୍ଚଳ ଏବଂ ଗୋଆର ବିଚ୍ଛିନ୍ନ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ଅଛି। ଆସନ୍ତା ୭ ଦିନ ମଧ୍ୟରେ ମଧ୍ୟରେ ମହାରାଷ୍ଟ୍ର, ଗୁଜରାଟର କିଛି ଅଞ୍ଚଳରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ଅଛି। ୪ରୁ ୯ ଜୁଲାଇ ମଧ୍ୟରେ ମଧ୍ୟପ୍ରଦେଶ, ଛତିଶଗଡ଼ର କିଛି ସ୍ଥାନରେ ମଧ୍ୟ ପ୍ରବଳ ବର୍ଷା ସତର୍କତା ଜାରି କରାଯାଇଛି। ଏହି ସମୟ ମଧ୍ୟରେ, ବିହାର, ଝାଡ଼ଖଣ୍ଡ, ପଶ୍ଚିମବଙ୍ଗ, ଓଡ଼ିଶା, ସିକିମ, ଛତିଶଗଡ଼ରେ ବର୍ଷା ହେବାର ସମ୍ଭାବନା ଅଛି।