ଜଳବନ୍ଦୀ ହେଲା ଦେଶର ରାଜଧାନୀ

ନୂଆଦିଲ୍ଲୀ : ଜଳବନ୍ଦୀ ହେଲା ଦିଲ୍ଲୀ । ଦେଶର ରାଜଧାନୀ ଦିଲ୍ଲୀର ନୋଏଡ଼ା ଏବଂ ଏହାର ଆଖପାଖ ଅଞ୍ଚଳରେ ଆଜି ସକାଳୁ ସକାଳୁ ପ୍ରବଳ ବର୍ଷା ହୋଇଛି । ଦିଲ୍ଲୀ ଏନ୍‌ସିଆରର ବାସିନ୍ଦା ଗରମରୁ କିଛିଟା ଆରାମ ପାଇଛନ୍ତି । ବର୍ଷା ସହିତ ଉକ୍ତ ଅଞ୍ଚଳରେ ଥଣ୍ଡା ପବନ ମଧ୍ୟ ହୋଇଛି ।

କିଛି ସ୍ଥାନରେ ବର୍ଷା ପାଣି ଜମି ରହିଥିବା ବେଳେ ରାଜରାସ୍ତାରେ ପାଣି ଜମି ରହିବା ଫଳରେ ଯାନବାହନ ଯିବା ଆସିବାରେ ଅସୁବିଧା ହେଉଥିବା ଜଣାପଡ଼ିଛି । ଜନପଥ, ଆଇଟିଓ, ମିଣ୍ଟୋ ରୋଡ୍‌, ଆଶ୍ରମ, ଆନନ୍ଦ ବିହାର, ମୟୂର ବିହାର, ନୋଏଡା ଏବଂ ଫରିଦାବାଦର ଅନେକ ସ୍ଥାନରେ ସକାଳେ ବର୍ଷା ହୋଇଛି । ବାରାପୁଲ୍ଲା ଫ୍ଲାଏଓଭର ସମେତ କିଛି ଅଞ୍ଚଳରେ ପାଣି ଜମା ହୋଇଥିବା ଜଣାଯାଇଛି ।

ସହରରେ ମେଘୁଆ ଆକାଶ ସହିତ ପ୍ରବଳ ବର୍ଷା ହେବାର ସମ୍ଭାବନା ରହିଛି ବୋଲି ଭାରତ ପାଣିପାଗ ବିଭାଗ (ଆଇଏମଡି) ପୂର୍ବାନୁମାନ କରିଛି । ଆସନ୍ତା କିଛି ଘଣ୍ଟା ମଧ୍ୟରେ ହାଲୁକା ବଜ୍ରପାତ ଏବଂ ବଜ୍ରପାତ ସହିତ ହାଲୁକା ମଧ୍ୟମ ଧରଣର ବର୍ଷା ଉତ୍ତର ଦିଲ୍ଲୀ, ଉତ୍ତର-ପୂର୍ବ ଦିଲ୍ଲୀ, କେନ୍ଦ୍ରୀୟ ଦିଲ୍ଲୀ, ନୂଆଦିଲ୍ଲୀ, ଦକ୍ଷିଣ ଦିଲ୍ଲୀ, ଦକ୍ଷିଣ-ପୂର୍ବ ଦିଲ୍ଲୀ, ପୂର୍ବ ଦିଲ୍ଲୀରେ ହେବାର ସମ୍ଭାବନା ଅଧିକ ।

ଶନିବାର ସକାଳେ ଆଞ୍ଚଳିକ ପାଣିପାଗ କେନ୍ଦ୍ର କହିଛି ଯେ ଲୋନି ଦେହତ୍‌, ହିନ୍ଦନ୍ ଏଫ୍ ଷ୍ଟେସନ୍‌, ଗାଜିଆବାଦ, ଇନ୍ଦିରାପୁରମ୍‌, ଚାପ୍ରାଉଲା, ନୋଏଡା, ଦାଦ୍ରି, ଗ୍ରେଟର ନୋଏଡା, ଫରିଦାବାଦ ଏବଂ ବଲାଭଗଡ ସମେତ ଏନସିଆରରେ ରବିବାର ସକାଳ ସୁଦ୍ଧା ବର୍ଷା ହେବାର ସମ୍ଭାବନା ରହିଛି ।