ଦିଲ୍ଲୀ ଆତ୍ମଘାତୀ ବିସ୍ଫୋରଣ ଘଟଣା ;କାଶ୍ମୀରବାସିନ୍ଦା ଅମିର ରସିଦ ଅଲ୍ଲୀକୁ ଦିଲ୍ଲୀରୁ ଗିରଫ କଲା NIA
ଦିଲ୍ଲୀରେ ନଭେମ୍ବର ୧୦ ତାରିଖରେ ରେଡ୍ ଫୋର୍ଟ ନିକଟରେ ହୋଇଥିବା କାର୍ ବୋମା ବିସ୍ଫୋରଣ ଘଟଣାର ତଦନ୍ତରେ ଏକ ବଡ଼ ସଫଳତା ମିଳିଛି। ଏହି ଆତ୍ମଘାତୀ ଆକ୍ରମଣରେ ବ୍ୟବହୃତ କାର୍ ଯୋଗାଇବାରେ ସାହାଯ୍ୟ କରିଥିବା ଜଣେ କାଶ୍ମୀରୀ ଯୁବକଙ୍କୁ ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ଗିରଫ କରିଛି। ଏହି ବିସ୍ଫୋରଣରେ ୧୦ ଜଣଙ୍କର ମୃତ୍ୟୁ ଘଟିଥିବା ବେଳେ ୩୨ ଜଣ ଆହତ ହୋଇଥିଲେ।
ଗିରଫ ହୋଇଥିବା ଯୁବକ ଜଣକ ହେଉଛନ୍ତି ଜମ୍ମୁ-କାଶ୍ମୀରର ପାମ୍ପୋର ଅନ୍ତର୍ଗତ ସାମ୍ବୋରାର ବାସିନ୍ଦା ଆମୀର ରଶିଦ ଅଲ୍ଲୀ। ତାଙ୍କୁ ଦିଲ୍ଲୀରୁ ଗିରଫ କରାଯାଇଛି। ଏନଆଇଏ ରିପୋର୍ଟ ଅନୁଯାୟୀ, ଆମୀର ଫରିଦାବାଦର ଅଲ୍-ଫଲାହ ୟୁନିଭର୍ସିଟିର ସହକାରୀ ପ୍ରଫେସର ଡକ୍ଟର ଉମର ଉନ୍ ନବୀଙ୍କ ସହ ମିଶି ଏହି ଘାତକ ଆକ୍ରମଣର ଷଡ଼ଯନ୍ତ୍ର କରିଥିଲେ।
ବିସ୍ଫୋରଣରେ ବ୍ୟବହୃତ ଥିବା (Vehicle-borne IED - VBIED) କାର୍ଟି ଆମୀରଙ୍କ ନାମରେ ପଞ୍ଜୀକୃତ ହୋଇଥିଲା ଏବଂ ସେ ଉମରଙ୍କୁ ଗାଡ଼ି ଯୋଗାଡ଼ କରିବାରେ ସାହାଯ୍ୟ କରିବା ପାଇଁ ଦିଲ୍ଲୀ ଆସିଥିଲେ। ବିସ୍ଫୋରଣ ସ୍ଥାନରୁ ଉଦ୍ଧାର ହୋଇଥିବା ପୋଡ଼ିଯାଇଥିବା ଶବଟି ଆତ୍ମଘାତୀ ବୋମା ବିସ୍ଫୋରଣକାରୀ ଡ. ଉମର ଉନ୍ ନବୀଙ୍କର ବୋଲି ଫୋରେନ୍ସିକ୍ ରିପୋର୍ଟରୁ ନିଶ୍ଚିତ ହୋଇଛି।
NIA ଏପର୍ଯ୍ୟନ୍ତ ୭୩ ଜଣ ସାକ୍ଷୀଙ୍କୁ ପଚରାଉଚରା କରିଛି ଏବଂ ଅଧିକ ତଥ୍ୟ ପାଇଁ ଉମରଙ୍କର ଆଉ ଏକ ଗାଡ଼ିକୁ ଜବତ କରି ତଦନ୍ତ କରୁଛି। ତଦନ୍ତକାରୀ ଅଧିକାରୀମାନେ ବିଶ୍ୱାସ କରୁଛନ୍ତି ଯେ ଏହି ଷଡ଼ଯନ୍ତ୍ର କେବଳ ଏହି ଦୁଇ ଜଣଙ୍କ ମଧ୍ୟରେ ସୀମିତ ନୁହେଁ ଏବଂ ଆଗାମୀ ସମୟରେ ଆହୁରି ଅଧିକ ଗିରଫଦାରୀ ହେବାର ସମ୍ଭାବନା ରହିଛି।
Click it and Unblock the Notifications
Sign in with Google