କୋଭାକ୍ସିନ୍ ଉପରେ ଦିଲ୍ଲୀ ଆରଏମଏଲ ହସ୍ପିଟାଲର ଡାକ୍ତରଙ୍କ ଭରଷା ନାହିଁ, କୋଭିଶିଲ୍ଡ ଟିକା ଦେବାକୁ ଦାବି

ରାଜଧାନୀ ଦିଲ୍ଲୀର ପ୍ରମୁଖ ହସ୍ପିଟାଲର ଡାକ୍ତରମାନେ ସରକାରୀ ଅନୁମୋଦିତ ଟିକା ପ୍ରୟୋଗ କରିବାକୁ ମନା କରି ଦେଇଛନ୍ତି । ଦିଲ୍ଲୀର ରାମ ମନୋହର ଲୋହିଆ ହସ୍ପିଟାଲର ଡାକ୍ତର ଏବଂ ମେଡିକାଲ କର୍ମଚାରୀମାନେ ଭାରତ ବାୟୋଟେକର ଟିକା କୋଭାକ୍ସିନକୁ ନେଇ ଆଶଙ୍କା କରିଛନ୍ତି ।

ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସାରା ଦେଶରେ କରୋନା ଭାଇରସ୍ ଉପରେ ବିଶ୍ୱର ସବୁଠାରୁ ବଡ ଟୀକାକରଣ କାର୍ଯ୍ୟକ୍ରମ ଆରମ୍ଭ କରିଛନ୍ତି । ପ୍ରଧାନମନ୍ତ୍ରୀଙ୍କ ଅଭିଭାଷଣ ପରେ ସାରା ଦେଶରେ ଆରମ୍ଭ ହୋଇଥିଲା ଟୀକାକଣ । ଭାରତ ନିର୍ମିତ କୋଭାକ୍ସିନ୍ ଏବଂ କୋଭିସିଲ୍ଡୁ ସାରା ଦେଶରେ କୋଭିଡ୍ ଯୋଦ୍ଧାମାନଙ୍କୁ ଟୀକାକରଣ କରାଯାଇଛି । ଏଥି ମଧ୍ୟରେ ରାଜଧାନୀ ଦିଲ୍ଲୀର ପ୍ରମୁଖ ହସ୍ପିଟାଲର ଡାକ୍ତରମାନେ ସରକାରୀ ଅନୁମୋଦିତ ଟିକା ପ୍ରୟୋଗ କରିବାକୁ ମନା କରି ଦେଇଛନ୍ତି । ଦିଲ୍ଲୀର ରାମ ମନୋହର ଲୋହିଆ ହସ୍ପିଟାଲର ଡାକ୍ତର ଏବଂ ମେଡିକାଲ କର୍ମଚାରୀମାନେ ଭାରତ ବାୟୋଟେକର ଟିକା କୋଭାକ୍ସିନକୁ ନେଇ ଆଶଙ୍କା ପ୍ରକାଶ କରିଛନ୍ତି ।

ରାମ ମନୋହର ଲୋହିଆ ହସ୍ପିଟାଲର ରେସିଡେଣ୍ଟ ଡାକ୍ତରମାନେ ଡାକ୍ତରଖାନା ଅଧୀକ୍ଷକଙ୍କୁ ଏକ ଚିଠି ଲେଖିଛନ୍ତି ଯେ, ସେମାନେ ଭାରତ ବାୟୋଟେକ୍ ର କୋଭାକ୍ସିନ ଟୀକା ନେବାକୁ ଚାହୁଁ ନାହାନ୍ତି ଏବଂ ସେମାନଙ୍କୁ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର କୋଭିଶିଲ୍ଡ ଟୀକା ଦେବାକୁ ଦାବି କରିଛନ୍ତି । ଡାକ୍ତରମାନେ କହିଛନ୍ତି ଯେ କୋଭାକ୍ସିନର ପରୀକ୍ଷା ଏପର୍ଯ୍ୟନ୍ତ ଶେଷ ହୋଇନାହିଁ, ତେଣୁ ସେମାନେ ଏହାକୁ ନେଇ ଭୟଭୀତ ଅଛନ୍ତି ।

ଡାକ୍ତରମାନେ ଚିଠିରେ ଲେଖିଛନ୍ତି ଯେ, ଆମେ ଆପଣଙ୍କୁ (ଅଧୀକ୍ଷକ) ମନେ ପକାଇବାକୁ ଚାହୁଁଛୁ ଯେ କୋଭାକ୍ସିନର ସମ୍ପୂର୍ଣ୍ଣ ପରୀକ୍ଷଣ ଅଭାବରୁ ଡାକ୍ତରମାନେ ଏହା ଉପରେ ସନ୍ଦେହ କରୁଛନ୍ତି, ଯେଉଁ କାରଣରୁ ସେମାନେ ଏହି କାର୍ଯ୍ୟକ୍ରମରେ ବହୁ ସଂଖ୍ୟାରେ ଅଂଶଗ୍ରହଣ କରିପାରିବେ ନାହିଁ ।

ଏହା ସହିତ ଡାକ୍ତରମାନେ ଆହୁରି ଲେଖିଛନ୍ତି ଯେ, ଆମେ ଆପଣଙ୍କୁ କୋଭିଶିଲ୍ଡ ପାଇଁ ଟିକା ଦେବାକୁ ଅନୁରୋଧ କରୁଛୁ ଯାହା ପରୀକ୍ଷଣର ସମସ୍ତ ପର୍ଯ୍ୟାୟ ସମାପ୍ତ କରିଛି । କିନ୍ତୁ ରାମ ମନୋହର ଲୋହିଆ ହସ୍ପିଟାଲର ଅଧୀକ୍ଷକ ଡ ଏକେ ସିଂ ରାଣା ଶନିବାର ଦିନ କୋଭାକ୍ସିନ ଟୀକାକରଣ କରିଛନ୍ତି ।

ସୂଚନାଯୋଗ୍ୟ, ଦିଲ୍ଲୀରେ AIIMS, ସଫଦରଜଙ୍ଗ ହସ୍ପିଟାଲ, ରାମ ମନୋହର ଲୋହିଆ ହସ୍ପିଟାଲ, କଳାବତୀ ସରନ ଶିଶୁ ହସପିଟାଲ ଏବଂ ଦୁଇଟି ରାଜ୍ୟ ସରକାରୀ ଡାକ୍ତରଖାନାରେ ଟୀକାକଣ କରାଯାଉଛି ।

English summary

Delhi RML Hospital Doctors Rejected Covaxin.