ଅମିତା ଶାହଙ୍କ ଫେକ୍ ଭିଡିଓ ମାମଲା: ତେଲେଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀଙ୍କୁ ନୋଟିସ୍
Amit Shah Fake Video: କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ନକଲି ଭିଡିଓ ସେୟାର କରିବାକୁ ନେଇ ଦିଲ୍ଲୀ ପୋଲିସ ଏକ ମାମଲା ରୁଜୁ କରିଛି । ବର୍ତ୍ତମାନ ଦିଲ୍ଲୀ ପୋଲିସ ଏହି ପ୍ରସଙ୍ଗରେ ତେଲେଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀଙ୍କୁ ମଧ୍ୟ ଏକ ନୋଟିସ୍ ଜାରି କରିଛି । ସୋମବାର ଦିନ ଅମିତ ଶାହଙ୍କ ନକଲି ଭିଡିଓ ପ୍ରସାରଣ ମାମଲାରେ ପୋଲିସ ରେଡ୍ଡୀଙ୍କୁ ନୋଟିସ ଜାରି କରି ମେ'୧ ତାରିଖରେ ନିଜ ପକ୍ଷ ରଖିବାକୁ କହିଛି।
ସୂଚନା ଅନୁସାରେ, ଦିଲ୍ଲୀ ପୋଲିସ ଦେଇଥିବା ବିଜ୍ଞପ୍ତିରେ ତେଲେଙ୍ଗାନା ସିଏମ ରେବନ୍ତ ରେଡ୍ଡୀଙ୍କୁ ସାଥୀରେ ନିଜ ଫୋନ ଆଣିବା ପାଇଁ ମଧ୍ୟ କୁହାଯାଇଛି । ଦିଲ୍ଲୀ ପୋଲିସ ସୂତ୍ର ଅନୁଯାୟୀ ରେଡ୍ଡୀଙ୍କ ଫୋନ ମଧ୍ୟ ଯାଞ୍ଚ କରାଯିବ। ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ରେବନ୍ତ ରେଡ୍ଡୀ ଅମିତ ଶାହଙ୍କର ଏକ ନକଲି ଭିଡିଓ ନିଜ ସୋସିଆଲ ମିଡିଆ ସାଇଟ୍ 'X' ଆକାଉଣ୍ଟରୁ ସେୟାର କରିଥିଲେ। ସେହିପରି ଏହି ଭିଡିଓ ତେଲେଙ୍ଗାନା କଂଗ୍ରେସର ଅଫିସିଆଲ୍ ଆକାଉଣ୍ଟ ସମେତ ଦଳର ନେତାଙ୍କ ଦ୍ୱାରା ମଧ୍ୟ ସେୟାର କରାଯାଇଛି ।
ଏହି ଏଡିଟେଡ୍ ଭିଡିଓରେ କେନ୍ଦ୍ର ଗୃହମନ୍ତ୍ରୀ ଏସସି-ଏସଟି ଏବଂ ଓବିସି ପାଇଁ ସଂରକ୍ଷଣ ରଦ୍ଦ କରିବା କଥା କହୁଥିବା ଦେଖିବା ପାଇଁ ମିଳୁଛି । ପିଟିଆଇର ଫ୍ୟାକ୍ଟ ଯାଞ୍ଚରୁ ଜଣାପଡିଛି ଯେ, ଅମିତ ଶାହା କର୍ଣ୍ଣାଟକରେ ମୁସଲମାନମାନଙ୍କୁ ଦିଆ ଯାଇଥିବା ସଂରକ୍ଷଣ ସମାପ୍ତ କରିବାକୁ କହିଥିଲେ।
ରବିବାର ଅମିତ ଶାହଙ୍କ ଏଡିଟେଡ୍ ଭିଡିଓ ବିସ୍ତାର ପ୍ରସଙ୍ଗରେ ଦିଲ୍ଲୀ ପୋଲିସ ଏକ ଏଫଆଇଆର ରୁଜୁ କରିଛି । ବିଜେପି ଏବଂ ଗୃହ ମନ୍ତ୍ରଣାଳୟର ଅଭିଯୋଗ ପରେ ପୋଲିସ ଷ୍ଟେସନରେ ଏକ ମାମଲା ରୁଜୁ କରାଯାଇଛି । ସୋସିଆଲ ମିଡିଆରେ ଏହି ଭିଡିଓ ସେୟାର କରୁଥିବା ସମସ୍ତଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଜେପିର ଆଇଟି ସେଲ ମୁଖ୍ୟ ଅମିତ ମାଲଭିଆ ଦାବି କରିଛନ୍ତି।
ପୋଲିସ ଦ୍ୱାରା ରୁଜୁ ହୋଇଥିହା ଏବି ମାମଲାରେ ଅମିତ ଶାହଙ୍କ ନକଲି ଭିଡିଓ ପ୍ରସାରଣ କରୁଥିବା ସମସ୍ତ ଲୋକଙ୍କ ବିରୋଧରେ ମାମଲା ରୁଜୁ ହୋଇଛି। ଏହି ପରିପ୍ରେକ୍ଷୀରେ, ଆଇପିସିର ଧାରା 153 / 153A / 465/469/171G ଏବଂ ଆଇଟି ଆକ୍ଟର ଧାରା 66C ଅନୁଯାୟୀ FIR ପଞ୍ଜିକୃତ ହୋଇଛି ।
Click it and Unblock the Notifications
Sign in with Google