• search
For Quick Alerts
Turn On Notification  
For Daily Alerts

15 ବର୍ଷରୁ କମ୍ ପିଲା ଏବଂ ଟିକା ନେଇ ନଥିବା ଲୋକଙ୍କୁ ଗଣତନ୍ତ୍ର ଦିବସ ପରେଡକୁ ଅନୁମତି ନାହିଁ

|

ନୂଆଦିଲ୍ଲୀ : ଗଣତନ୍ତ୍ର ଦିବସ ଅର୍ଥାତ୍ 26 ଜାନୁଆରୀରେ ପରେଡରେ ଅଂଶଗ୍ରହଣ କରିବା ପାଇଁ ଦିଲ୍ଲୀ ପୋଲିସ ନିର୍ଦ୍ଦେଶନାମା ଜାରି କରିଛି । ଯେଉଁମାନେ କରୋନା ଭାଇରସ ଟିକା ନେଇ ନାହାଁନ୍ତି ସେମାନଙ୍କୁ ଗଣତନ୍ତ୍ର ଦିବସ ପରେଡକୁ ଯିବାକୁ ଦିଆଯିବ ନାହିଁ ବୋଲି ଦିଲ୍ଲୀ ପୋଲିସ କହିଛି । ଯେଉଁମାନେ କୋଭିଡ ଟୀକାକରଣ ସମ୍ପୂର୍ଣ୍ଣ କରିଛନ୍ତି, ସେମାନେ ଗଣତନ୍ତ୍ର ଦିବସରେ ଅର୍ଥାତ୍ 26 ଜାନୁଆରୀ ପରେଡରେ ଅଂଶଗ୍ରହଣ କରିପାରିବେ ।

republic day

ଏଥି ସହିତ, ଦିଲ୍ଲୀ ପୋଲିସ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶାବଳୀରେ କୁହାଯାଇଛି ଯେ 15 ବର୍ଷରୁ କମ୍ ପିଲାମାନଙ୍କୁ ଏହି କାର୍ଯ୍ୟକ୍ରମରେ ଯୋଗଦେବାକୁ ଦିଆଯିବ ନାହିଁ । ଦିଲ୍ଲୀ ପୋଲିସ ଆହୁରି ମଧ୍ୟ କହିଛି ଯେ ଜାନୁଆରୀ 26 ରେ ରାଜପଥରେ ଆୟୋଜିତ ହେବାକୁ ଥିବା ପରେଡ ଇଭେଣ୍ଟରେ ଲୋକଙ୍କୁ ମାସ୍କ ପିନ୍ଧିବା ଏବଂ ସାମାଜିକ ଦୂରତା ବଜାୟ ରଖିବା ଭଳି ସମସ୍ତ COVID- ପ୍ରୋଟୋକଲ ଅନୁସରଣ କରିବାକୁ ପଡିବ ।

ଦିଲ୍ଲୀ ପୋଲିସ ଟ୍ୱିଟ୍ କରି କହିଛି, "ଗଣତନ୍ତ୍ର ଦିବସ ପରେଡରେ ଯୋଗ ଦେବାକୁ ହେଲେ ଆଣ୍ଟି-କରୋନା ଭାଇରସ୍ ଭ୍ୟାକ୍ସିନ୍ ର ଉଭୟ ଡୋଜ ନେବା ଆବଶ୍ୟକ । ସମସ୍ତ ପରିଦର୍ଶକଙ୍କୁ ସେମାନଙ୍କ ଟୀକା ପ୍ରମାଣପତ୍ର ଆଣିବାକୁ ଅନୁରୋଧ କରାଯାଉଛି ।" ଏହାସହ ଏଥିରେ ଦର୍ଶାଯାଇଛି ଯେ ସମାରୋହରେ 15 ବର୍ଷରୁ କମ୍ ପିଲାମାନଙ୍କୁ ଅନୁମତି ଦିଆଯିବ ନାହି ।

ଦିଲ୍ଲୀ ପୋଲିସର ନିର୍ଦ୍ଦେଶାବଳୀରେ ଦର୍ଶାଯାଇଛି ଯେ ଦର୍ଶକଙ୍କ ପାଇଁ ବସିବା ସ୍ଥାନ ସକାଳ 7 ଟାରେ ଖୋଲିବ ଏବଂ ତେଣୁ ଲୋକଙ୍କୁ ସେହି ଅନୁଯାୟୀ ଆସିବାକୁ ଅନୁରୋଧ କରାଯାଇଛି । ପାର୍କିଂ ସୀମିତ ଥିବାରୁ ପରିଦର୍ଶକଙ୍କୁ କାର୍ ପୁଲ କିମ୍ବା ଟ୍ୟାକ୍ସି ବ୍ୟବହାର କରିବାକୁ ପରାମର୍ଶ ଦିଆଯାଇଛି ବୋଲି ଦିଲ୍ଲୀ ପୋଲିସ କହିଛି ।

କେଉଁ ପରିଚୟ ପତ୍ର ଆଣିବେ ?

ଦିଲ୍ଲୀ ପୋଲିସର ସୂଚନାନୁସାରେ, ଗଣତନ୍ତ୍ର ଦିବସ ପରେଡକୁ ଆସୁଥିବା ସମସ୍ତଙ୍କୁ ଏକ ବୈଧ ପରିଚୟ ପତ୍ର ନେବାକୁ କୁହାଯାଇଛି । ଯାହା ଏକ ଫଟୋ ID ହେବା ଉଚିତ୍ । ସୁରକ୍ଷା ଯାଞ୍ଚ ସମୟରେ ସହଯୋଗ କରିବାକୁ ଦିଲ୍ଲୀ ପୋଲିସ ମଧ୍ୟ ଅନୁରୋଧ କରିଛି । ଏହା ବ୍ୟତୀତ କରୋନା ଟୀକାକରଣର ପ୍ରମାଣପତ୍ର ଆଣିବା ସମସ୍ତ ଲୋକଙ୍କ ପାଇଁ ବାଧ୍ୟତାମୂଳକ ରହିବ । ପରେଡ ଦେଖିବାକୁ ଆସୁଥିବା ଲୋକ ଉଭୟ ଡୋଜ୍ ଟିକା ନେବା ବାଧ୍ୟତାମୂଳକ ବୋଲି ଦିଲ୍ଲୀ ପୋଲିସ୍ ନିର୍ଦ୍ଦେଶାବଳୀରେ କୁହାଯାଇଛି ।

ଆମକୁ ଫୋଲୋ କରନ୍ତୁ
Instagram Youtube
English summary
Delhi Police Guidelines For Republic Day Parade, Unvaccinated Under 15 Not Allowed
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X