ଦିଲ୍ଲୀରୁ ପାଟନା ଯାଉଥିବା ସ୍ପାଇସଜେଟର ବିମାନରେ ଯାନ୍ତ୍ରିକ ତ୍ରୁଟି, ଫେରିଗଲା ବିମାନ

ଗୁରୁବାର ଦିଲ୍ଲୀରୁ ପାଟନା ଯାଉଥିବା ସ୍ପାଇସ୍ ଜେଟ୍ ବିମାନକୁ ଉଡ଼ାଣ ଭରିବାର କିଛି ସମୟ ପରେ ବିମାନକୁ ଦିଲ୍ଲୀ ଫେରିବାକୁ ପଡିଥିଲା । ଏୟାରଲାଇନ୍ସ କହିବା ଅନୁଯାୟୀ, କ୍ରୁ ମେମ୍ବର ଜଣେ ବିମାନରେ ଯାନ୍ତ୍ରିକ ସମସ୍ୟା ସନ୍ଦେହ କରିଥିଲେ, ଯାହା ଫଳରେ ଏହି ନିଷ୍ପତ୍ତି ନିଆଯାଇଛି।

ବିମାନ କମ୍ପାନୀ କହିଛି ଯେ ବୋଇଂ 737-8A ବିମାନକୁ ବିସ୍ତୃତ ଯାଞ୍ଚ ପାଇଁ ଗ୍ରାଉଣ୍ଡେଡ୍ କରାଯାଇଛି। ବିମାନଟି ବର୍ତ୍ତମାନ ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ଯାଞ୍ଚ କରାଯାଉଛି। ଯାତ୍ରୀମାନଙ୍କୁ ହେଉଥିବା ଅସୁବିଧାକୁ ଦୃଷ୍ଟିରେ ରଖି, ବିମାନ କମ୍ପାନୀ ପାଟନାକୁ ଦ୍ୱିତୀୟ ବିମାନ ଉଡ଼ାଣ ପାଇଁ ବ୍ୟବସ୍ଥା କରୁଛି।