ପୂଜା ଖେଡକରଙ୍କୁ କୋର୍ଟ ପକ୍ଷରୁ ବଡ଼ ଝଟକା: ମିଳିବ ନାହିଁ ଆଗୁଆ ଜାମିନ
Puja Khedkar: ମହାରାଷ୍ଟ୍ରର ପୂର୍ବତନ ଟ୍ରେନି IAS ପୂଜା ଖେଡକରଙ୍କୁ କୋର୍ଟରୁ ଏକ ବଡ଼ ଝଟକା । ଦିଲ୍ଲୀର ପଟିଆଲା ହାଉସ କୋର୍ଟ ତାଙ୍କୁ ଜାମିନ ଆବେଦନକୁ ଖାରଜ କରିଦେଇଛନ୍ତି । ଦିଲ୍ଲୀ ପୋଲିସର କ୍ରାଇମ ବ୍ରାଞ୍ଚ ତାଙ୍କ ବିରୋଧରେ ଏଫଆଇଆର ରୁଜୁ କରିଥିଲା। କୋର୍ଟରେ ପୂଜାଙ୍କ ଅନୁଉପସ୍ଥିତି ଉପରେ କୋର୍ଟ ପ୍ରଶ୍ନ ଉଠାଇଥିଲେ। ସେ ଅନୁପସ୍ଥିତ ଥିବାରୁ କୋର୍ଟ ଅସନ୍ତୋଷ ବ୍ୟକ୍ତ କରିଛନ୍ତି। କୋର୍ଟ କହିଛନ୍ତି ଯେ ଯଦି ଅଭିଯୁକ୍ତ ପୁରା ସେସନରେ ଥରେ ଉପସ୍ଥିତ ରହିବା ସର୍ବଦା ଉପସ୍ଥିତ ବିବେଚନା କରାଯିବ ନାହିଁ।
ଏହାପୂର୍ବରୁ ବୁଧବାର ଦିନ ଅତିରିକ୍ତ ସେସନ୍ସ ଜଜ୍ ଦେବେନ୍ଦ୍ର କୁମାର ଜଙ୍ଗଲା ପୂଜା ଖେଡକରଙ୍କ ଆବେଦନ ଉପରେ ଯୁକ୍ତି ଶୁଣିବା ପରେ ଏହି ନିର୍ଦ୍ଦେଶ ସଂରକ୍ଷିତ ରଖିଛନ୍ତି। ତାଙ୍କ ଓକିଲଙ୍କ ଜରିଆରେ ଦାଖଲ ହୋଇଥିବା ଆବେଦନରେ ସେ କହିଛନ୍ତି ଯେ, ଗିରଫ ହେବାର ଭୟ ରହିଛି। ଅଦାଲତ ପ୍ରକ୍ରିୟା ସମୟରେ ଖେଡକର କହିଛନ୍ତି ଯେ ସେ ନିର୍ଦ୍ଦୋଷ ବୋଲି ପ୍ରମାଣ କରିବାକୁ ଜାମିନ ଚାହୁଁଛନ୍ତି।
ପୂଜା ଖେଡକରଙ୍କ ପକ୍ଷରୁ ହାଜର ହୋଇଥିବା ଆଡଭୋକେଟ୍ ବିନା ମହାଦେବନ କୋର୍ଟଙ୍କୁ କହିଛନ୍ତି, ପୂଜା ଖେଡକର ଯୌନ ଉତ୍ପୀଡ଼ନ ଅଭିଯୋଗ ଆଣିଛନ୍ତି, ସେଥିପାଇଁ ତାଙ୍କ ସହ ଏପରି ଘଟଣା ଘଟୁଛି । ଜିଲ୍ଲା ମାଜିଷ୍ଟ୍ରେଟଙ୍କ ନିର୍ଦ୍ଦେଶରେ ଏହି ସବୁ ଘଟୁଛି। ଖେଡକର ଏନେଇ ଅଭିଯୋଗ ଦାଖଲ କରିଛନ୍ତି । ୟୁପିଏସସି ଅଭିଯୋଗରେ ଦିଲ୍ଲୀ ପୋଲିସର କ୍ରାଇମ ବ୍ରାଞ୍ଚ ଏହି ଠକେଇ ମାମଲାରେ ପୂଜା ଖେଡକରଙ୍କ ବିରୋଧରେ ଏଫଆଇଆର ରୁଜୁ କରିଛି। କେନ୍ଦ୍ର ଜନସେବା ଆୟୋଗର ସିଭିଲ ସର୍ଭିସ ପରୀକ୍ଷା, 2022 ପାଇଁ ଆବେଦନ କରିଥିବା ପୂଜା ମିଥ୍ୟା ତଥ୍ୟ ପ୍ରଦାନ କରିଥିବା ଅଭିଯୋଗ ହୋଇଥିଲା ।
Click it and Unblock the Notifications
Sign in with Google