ବର୍ଷାକୁ ନେଇ ଆସିଲା ବଡ଼ ଅପଡେଟ୍, ଆଗାମୀ ୪୮ ଘଣ୍ଟା ମଧ୍ୟରେ ....

ଦେଶରେ ଏବେ ମୌସୁମୀ ସକ୍ରିୟ ରହିଛି। ଆଉ କିଛି ଦିନ ମଧ୍ୟରେ ପଞ୍ଜାବ ହରିଆଣା ସହିତ ଉତ୍ତର ଭାରତରେ ମୌସୁମୀ ବର୍ଷା ଆରମ୍ଭ ହେବ। କିନ୍ତୁ ଏବେ ଦିଲ୍ଲୀ ସହିତ ଉତ୍ତର ଭାରତରେ ଗୁଳୁଗୁଳିଆ ସହିତ ଗରମ ଅନୁଭୁତି ହେଉଛି। ପ୍ରଚଣ୍ଡ ସୂର୍ଯ୍ୟତାପ ଏବଂ ଆର୍ଦ୍ରତା ଲୋକଙ୍କ ଜୀବନକୁ ଦୁର୍ବିସହ କରିଦେଇଛି।

ଲୋକମାନେ ଖୁବ୍ ଶୀଘ୍ର ଏଥିରୁ ଆଶ୍ୱସ୍ତି ପାଇବେ। ପ୍ରକୃତରେ ଆଗାମୀ ୪୮ ଘଣ୍ଟା ମଧ୍ୟରେ ମୌସୁମୀ ବାୟୁ ଦିଲ୍ଲୀ ଏନସିଆରରେ ପ୍ରବେଶ କରିବ। ଏହା ପରେ ବର୍ଷା ଋତୁ ଆରମ୍ଭ ହେବ। ପାଣିପାଗ ବିଭାଗ ମଧ୍ୟ ଦିଲ୍ଲୀ ଏନସିଆରରେ ମୌସୁମୀ ସମ୍ପର୍କରେ ଏକ ସତର୍କତା ଜାରି କରିଛି।

ଆଇଏମଡି ଅନୁଯାୟୀ ୨୨ ରୁ ୨୬ ଜୁନ ମଧ୍ୟରେ ମୌସୁମୀ ବାୟୁ ମଧ୍ୟପ୍ରଦେଶ, ଉତ୍ତର-ପଶ୍ଚିମ ଭାରତ ଏବଂ ଗୋଆରେ ପହଞ୍ଚିବ। ଏହା ପରେ ଏଠାରେ ପ୍ରବଳ ବର୍ଷା ଆରମ୍ଭ ହେବ। ଏହା ବ୍ୟତୀତ ଆଗାମୀ ୩ ଦିନ ପାଇଁ ଭାରତର ଉତ୍ତର-ପୂର୍ବ ରାଜ୍ୟଗୁଡିକରେ ପ୍ରବଳ ବର୍ଷା ସତର୍କତା ଜାରି କରାଯାଇଛି। ଏହା ପରେ, ଆଗାମୀ ୫ ଦିନ ପର୍ଯ୍ୟନ୍ତ ବର୍ଷା ଜାରି ରହିବ। ଆଗାମୀ ଦୁଇ ଦିନ ମଧ୍ୟରେ ମୌସୁମୀ ଦିଲ୍ଲୀ ଏସିଆର, ଚଣ୍ଡିଗଡ, ହରିୟଣା, ପଶ୍ଚିମ ଉତ୍ତର ପ୍ରଦେଶ, ପଞ୍ଜାବ ଏବଂ ଜମ୍ମୁ-କାଶ୍ମୀରରେ ପହଞ୍ଚିବ।

ପାଣିପାଗ ବିଭାଗ ଅନୁଯାୟୀ, ଆଗାମୀ ୨ ଦିନ ମଧ୍ୟରେ ଦିଲ୍ଲୀ ଏନସିଆରରେ ପାଗ ପରିବର୍ତ୍ତନ ହେବ। ଆଗାମୀ ୪୮ ଘଣ୍ଟା ମଧ୍ୟରେ ପ୍ରବଳ ବର୍ଷା ହେବ। ଦିଲ୍ଲୀ, ଗାଜିଆବାଦ, ନୋଏଡା ଏବଂ ଫରିଦାବାଦ ସମେତ ସମଗ୍ର ଏନସିଆରରେ ବର୍ଷା ହେବ। ପାଣିପାଗ ବିଭାଗ କହିଛି ଯେ ଏହା ପରେ ପ୍ରାୟ ୧୦ ଦିନ ପର୍ଯ୍ୟନ୍ତ ପାଗ ସମାନ ରହିବ।

ପାଣିପାଗ ବିଭାଗ କହିଛି ଯେ ପଶ୍ଚିମବଙ୍ଗ, ସିକିମ୍, ବିହାର, ପଶ୍ଚିମ ଉତ୍ତର ପ୍ରଦେଶ, ପୂର୍ବ ରାଜସ୍ଥାନର ବିଭିନ୍ନ ସ୍ଥାନରେ ବର୍ଷା ହେଉଛି। ଏପର୍ଯ୍ୟନ୍ତ ଏହି ରାଜ୍ୟଗୁଡ଼ିକରେ ପ୍ରବଳ ବର୍ଷା ରେକର୍ଡ କରାଯାଇଛି। ସେହିପରି ଆସାମ ଏବଂ ମେଘାଳୟ, ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜ, କୋଙ୍କଣ ଏବଂ ଗୋଆ, ଉପକୂଳ କର୍ଣ୍ଣାଟକ, ଉପକୂଳ ଆନ୍ଧ୍ର ପ୍ରଦେଶ ଏବଂ ୟାନମର ବିଭିନ୍ନ ସ୍ଥାନରେ ପ୍ରବଳ ବର୍ଷା ରେକର୍ଡ କରାଯାଇଛି।